Ballina Blog

Kryetari i KNSH-së Ragmi Mustafa siguron librat Shqip për këtë vit shkollorë

Fillimviti i parë shkollor që nisë me libra shkollor në Luginën e Preshevës. Përfundimisht, Këshilli Kombëtar Shqiptar ka kryer të gjitha obligimet (me pagesën e taksës së përcaktuar) për të siguruar lejimin e teksteve mësimore për shkollat fillore në Luginë nga Shqipëria. Mbi dy dekada, mungesa e librit i ka vështirësuar filloristët arritjen e standardeve më të larta edukativo-arsimore. Si pjesë e betejës për arsim cilësor janë lejuar tekstet për shkollat fillore nga Republika e Shqipërisë, në bashkërendim me Ministritë e Arsimit të Shqipërisë dhe të Serbisë dhe me bashkëpunimin e bashkësisë ndërkombëtare. Zgjidhja gjithëpërfshirëse në arsim e Luginës edhe më tej duhet të jetësohet në marrëveshjet bilaterale midis Republikës së Serbisë dhe Republikës së Shqipërisë, në kuadër të ndërtimit të marrëdhënieve për fqinjësi të mirë, në procesin e anëtarësimit të tyre në Bashkimin Evropian. Kjo edhe është referencë e përshtatshme për barazi. Pa barazi nuk ka paqe. Dhe pa paqe nuk ka arsim. Falënderoj për angazhimin e jashtëzakonshëm të Ministres, Besa Shahini. Mirëkuptimin e Ministrit, Mladen Šarčević. Për ndihmën financiare të Trupit Koordinues për Preshevë, Bujanoc dhe Medvegjë në mbulimin e një pjese të taksës. Për mbështetjen e madhe të OSBE-së dhe grupin joformal të Ambasadorëve “Miqtë e Luginës”. Ish-kryetarin e Komunës së Bujanocit Shaip Kamberi, për mbështetjen e pakursyer. Për gatishmërinë e procedimit, Shtëpinë Botuese “Albas” nga Presheva. Komisionin e Arsimit dhe të gjithë që këtë ndërmarrje e kuptuan si parësore në angazhimet e përbashkëta. Keqardhje për gjithë ata drejtues komunash me shumicë shqiptare që nuk e trajtuan arsimin si çështje themelore vlerash dhe cilësie, rrjedhimisht nuk e ndihmuan as edhe financiarisht për kryerjen e obligimeve të taksës, në një moment kur Këshilli Kombëtar Shqiptar është në vështirësi financiare.

APN hap paraqitjet për deputetë

Alternativa për Ndryshim vazhdon të mbetet subjekti i vetëm politik që akoma nuk ka nominuar kandidatët për deputet sipas marrëveshjes së koordinuar në Tiranë për një listë të unifikuar shqiptare në Luginë të Preshevës.

Në mbledhjen e fundit APN ka caktuar koordinatorin për zgjedhjet parlamentare ndërsa për kandidatët për deputet ka hapur rrugë që të gjithë të interesuarit brenda këtij subjekti të dërgojnë kandidimin.

“Mbrëmë është mbajtur mbledhja e Kryesisë së Alternativës, ku janë diskutuar këto pika, miratimi i tekstit të Marrëveshjes koalicionare “Alternativa Demokratike Shqiptare – Lugina e Bashkuar”, përcaktimi i koordinatorit në këtë proces zgjedhor brenda koalicionit nga radhët e Alternativës, hapja e kandidaturave për deputet popullor nga radhët e Alternativës për Ndryshim. Në mënyrë unanime u votua për koordinator brenda koalicionit shqiptar është votuar Visar Mehmeti”, thuhet mes tjerash në njoftimin e APN-së.

APN ka njoftuar se sa i përket kandidaturave për deputet popullor është dakorduar që të gjithë të interesuarit nga radhët e strukturave të Alternativës, kandidimin e vet ta dërgojnë më së voni deri te dielën 15.03.2020 në ora 15:00, në emailin info@ndryshimi.com.

Sanimi i gropave në Komunën e Bujanocit

Komuna e Bujanocit, ditë më parë, ka nënshkruar kontratën me Kompaninë Saba Bellça për sanimin e gropave nëpër rrugët e Komunës së Bujanocit. Departamenti për investime dhe zhvillim i Komunës së Bujanocit fton të gjithë qytetarët, banorë të lagjeve e vendbanimeve të ndryshme, të raportojnë për gjendjen në rrugët e tyre. Kjo nismë ka për qëllim githëpërfshirjen dhe sanimin e të gjithë gropave në territor të komunës. Thuhet kështu ne faqen zyrtare të Komunës së Bujanocit.

Partia Demokratike nominoi Nagip Arifin për kryetar të Komunës së Bujanocit

Pas propozimeve të kandidatëve për Kuvend Komunal nga ana e nëndegëve të Partisë Demokratike, sot është mbajtur mbledhja e kryesisë ku u aprovua njëzëri lista e këshilltarëve të mundshëm komunal prej 41 kandidatëve dhe u aprovua unanimisht propozimi i kryesisë që kandidat për kryetar të komunës së Bujanocit të jetë Nagip Arifi.

PVD nominon Driton Rexhepin për kryetar komune dhe Enver Ramadanin për kryetar kuvendi të Komunës së Bujanocit

Në mbledhjen e sontme të Degës së Partisë për Veprim Demokratik në Bujanoc, Driton Rexhepi, u nominua për kandidat për kryetar Komune të Bujanocit, derisa Enver Ramadani u nominua për kryetar të Asamblesë komunale të Bujanocit, të vlefshëm për zgjedhjet lokale të 26 prillit. Njoftimin mbi vendimin për dy kandidatët Driton Rexhepi për kryetar komune dhe Enver Ramadani për kryetar kuvendi, e ka bërë të ditur faqja zyrtare e PVD-së: Kuvendi i Degës së PVD-së në Bujanoc, në mbledhjen e mbajtur sot, ka emëruar Driton Rexhepin kandidat për kryetar të Komunës së Bujanocit dhe Enver Ramadanin kandidat për kryetar Kuvendi. Në prezencën e mbi 110 Kuvendarëve, në një atmosferë të jashtëzakonshme, Kuvendarët e Degës së PVD-së u zotuan për një angazhim të mirëfilltë dhe përkushtim të sinqertë në arritjen e objektivave të përgjithshme deri në fitoren e ardhshme të 26 Prillit. Të kalitur e formësuar mbi peshën e respektimit, mirëkuptimit, bashkërendimit e disiplinës.

Pra në frymën e PVD-ës nuk mund të jet ndryshe nga ajo që pritet. Mënyra më e mirë për të u rritur e për tu ngritur mes nesh e brenda nesh, po me ato synime dhe ideale, është vullneti për unitet. Mundësia për ta bërë këtë është në duart tona. Kjo është shpresa në zemrat tona. Kjo është e ardhmja në të cilën besojmë. Një vend që me të vërtetë fuqizon çdo shqiptar të përparojë. Kujtojmë se Driton Rexhepi dhe Enver Ramadani ishin dy kandidatët e mundshëm për kryetar komune, derisa në mbledhjen e sontme njëzëri u nominuan që të dy, respektivisht Driton Rexhepi për kryetar komune dhe Enver Ramadani për kryetar kuvendi të Bujanocit.

Rruga Kryesore në fshatin Tërrnoc ndriçohet me drita LED

Në kuadër të kompletimit të projektit për zëvendësimin dhe modernizimin e ndriçimit publik, është zëvendësuar me llampa LED edhe ndriçimi i rrugës kryesore në Tërnoc.

Komuna e Bujanocit për këtë vit ka paraparë edhe projektime të reja me anë të së cilave do të bëhet avancimi i ndriçimit publik edhe në vendbanimet tjera të komunës tonë. Shkruan në Facebook Faqja zyrtare e Komunës Bujanocit.

Përveç modernizimit, sistemi i ri i ndriçimit mundëson edhe uljen e shpenzimeve dhe kontrollimin e menaxhimin në formë elektronike të të gjithë sistemit të ri të instaluar.

Përkujtohet dëshmori Fatmir Ibishi

Sot, me homazhe në vendin e rënies në Konçul, e më pas me Akademinë Përkujtimore në Gjilan, përkujtuam 20 vjetorin e veprës së dëshmorit të parë të UÇPMB-së, Fatmir Ibishi.

Pesha e veprave të dëshmorëve si Fatmiri, është historia e përcaktuar me kohë e marrëdhënies së Kosovës me Luginën, e brumosur në vizionin e së ardhmes. Ngelet vetëm të ndjekim rrugën.

Heroi nga Uglari i Gjilanit flijoi më sublimen për bashkëkombësit e Luginës së Preshevës.

Kryeminstri Rama në Rusi kërkon njohjen e Kosovës

Kryeministri i Shqipërisë, Edi Rama, nga Moska deklaroi se nuk ka arsye që të mos njihet Kosova si shtet i pavarur.

Në një konferencë të përbashkët për media me ministrin e Jashtëm të Rusisë, Sergey Lavrov, ai tha se dyshja kane diskutuar edhe për çështjen e Kosovës.

“Po kemi diskutuar rreth kësaj çështje dhe siç po e shihni po diskutojmë për këtë edhe me ju publikisht. Jemi shumë larg, sepse pozicionet tona janë shumë të qarta. Mendoj se është mire që të gjithë, duke përfshirë edhe Serbinë, që ta njohin Kosovën ashtu siç është. Natyrisht kjo nuk përjashton të kundërtën, ne do ta mbështesim gjatë gjithë rrugës dialogun, procesin e pajtimit, gjetjen e një pike të përbashkët që ta bëjmë të mundur këtë njohje”.

Kryeministri shqiptar thekson se mosnjohja është parim i gabuar dhe se është nismë qe nuk premton progres.

Ai gjithashtu komentoi qëndrimin e Lavrov, i cili ka pohuar se shumë marrëveshje në kuadër të dialogut Kosovë-Serbi nuk janë realizuar.

“Është e vërtet ajo çka tha ministri që ka shumë aspekte të dialogut, shumë marrëveshje nuk kanë parë dritën e realitetit në aspektin e implementimit. Ia shpjegova ministrit ku duhet ta ristartojmë procesin, sepse kur vjen puna tek marrëveshjet mendoj se palët hedhin fajin tek njëra-tjetra. Por, nuk dua të hy aty duke thënë që pala serbe nuk ka përmbushur marrëveshjet, sepse nuk ndihmon”.

“Vullneti i popullit nuk mund të jetë standard i dyfishtë kur vjen puna tek njohja, apo ajo që vullneti i njerëzve sjell për popullsinë, për një popullatë si ajo e shqiptarëve në Kosovë, që besonin se nuk deshën të qëndronin nën sundimin e një shteti, në thelb diktatorial. Kështu që nuk shoh se pse të tjerët kanë të drejtë ta kenë shtetin e tyre dhe Kosova jo”.

Rama po qëndron në Moskë në cilësinë e kryesuesit të OSBE-së me ç’rast zhvilloi takim me Lavrov, ku u diskutua me theks të veçantë për konfliktin në Ukrainë.


Njoftim nga administrata komunale e Preshevës

Të nderuar qytetarë të komunës së Preshevës! Ju njoftojmë që vendosja e shenjave të komunikacionit që ka filluar të realizohet në vendbanimet e komunës sonë, do të bëhet konform standardeve dhe sipas ligjit, duke e respektuar njëkohësisht edhe dygjuhësinë. Nga ana e kompanisë kontraktuese janë vendosur shenjat e trafikur ku simbolizojnë zonën e shkollës, të cilat kanë qenë të shënuara vetëm në gjuhën serbe me shkronja qirilike, për të cilën stafi i Administratës komunale ka intervenuar dhe të njëjtat janë hequr. Ju njoftojmë që të njëjtat do të zëvendësohen me shenja në dygjuhësi dhe nuk ka hapësirë për shqetësim, pasi projekti sapo ka filluar të implementohet. Shpresojmë që me vendosjen e shenjave, do të ngritet niveli i sigurisë së trafikut në territorin e komunës sonë. Ju faleminderit! shkroi Komuna e Preshevës në një postim të saj në Facebook.

Kurti i bëri kërkesë Serbisë në Samitin e Londrës

Liderët e gjashtë vendeve të Ballkanit Perëndimor janë bërë bashkë sot në Londër ku po marrin pjesë në Samitin e Bankës Europiane për Rindërtim dhe Zhvillim.

Zëvendëspresidenti i BERZH, Jurgen Rigteri, e ka postuar një fotografi në llogarinë e tij në Twitter, ku ka bërë të ditur se Kryeministri i vendit, Albin Kurti, ka kërkuar reciprocitet dhe njohjen e Pavarësisë së Kosovës nga Serbia.

Ndërsa kryeministrja serbe, Ana Bërnabiq, ka thënë se përmirësimi i tregtisë rajonale është thelbësor për sigurinë në rajon.

Shpërthen bombola e gasit ne Kumanovë

Shpërthen bombola e gazit, tre persona të vdekur, fëmijë 11, 9 dhe 8 vjeçar dhe gjashtë të lënduar .

Në një shtëpi në fshatin Ramanli, Kumanovë sot ka shpërthyer zjarr, pas eksplodimit të bombolës së gazit, raporton 360 shkallë, përcjell TV21.

Sipas informacioneve fillestare nga MPB, tre persona kanë ndërruar jetë në vend ngjarje, kurse gjashtë të tjerë kanë përfunduar me lëndime të rënda. Gjashtë personat e lënduar janë transferuar në spitalin e Kumanovës, por për shkak të lëndimeve tejet serioze, ata do të transferohen në qendrën Urgjente në Shkup.

Për momentin, zyrtar policorë janë duke kryer inspektim në vendin e ngjarjes.

Unioni i gazetarëve të Republikës së Shqipërisë vizitoi sot Komunën e Preshevës

Kryetari i Komunes se Presheves ma mirëpritur për herë të parë Unionin e Gazetarëve Shqiptar në komunën e Preshevës.

Një takim shumë vëllazëror ku u bashkëbisedua për të gjitha fushat dhe vështirësitë që ballafaqohet vendin ynë.

“I njoftova për të gjitha proceset që po kalojnë Shqiptarët e Luginës së Presheves ku theks të veçantë i dhamë mungesës së prezencës së mediave kombëtare këtu në Luginë të Preshevës.

Faleminderoj kryetarin Aleksandër Çipa për këtë iniciativë duke uruar që ky takim të jetë vetëm një fillim i mbarë i komunikimit tonë dhe shpresojmë që media shqiptare të jetë sa më shumë prezente në Luginë të Presheves duke transmetuar problemet tona, kërkesat dhe diskriminimet që po na bëhen Shqiptarëve të këtij vendi në mbarë trojet shqiptare.” tha Kryetari Arifi.

Hapet qendra për njohjen e diplomave për punëtorët e huaj në Gjermani

Gjermania ka nevojë për fuqi të huaj punëtore, ndaj qeveria po përshpejton procesin e ardhjes së ekspertëve të huaj. Në Bonn është hapur një shërbim i ri që do të koordinojë procesin e njohjes së diplomave.Ekonomia gjermane varet nga fuqia e jashtme punëtore.

Qeveria federale për këtë shkak ka nisur një program për sjelljen e fuqisë së huaj punëtore dhe ekspertëve nga vendet tjera në Gjermani, nën moton – „Make it in Germany“. Ky është prioriteti nacional. “Pa ekspertë të huaj nuk mund ta mbajmë mirëqenien e tanishme. Nuk është e mundur që të presin tepër gjatë këta njerëz, duhet të punojmë për mundësinë e ardhjes së tyre“, deklaroi ministri i Punës Hubertus Heil.

Enti gjerman për statistika pohon se numri i shtetasve të gatshëm për punë në Gjermani do të zvogëlohet deri në vitin 2035 për katër deri në gjashtë milionë punëtorë. Në shumë fusha ekonomike ka mungesë të fuqisë punëtore. Sipas të dhënave të Odës gjermane për Industri dhe Tregti (DIHK), madje 56 përqind të sipërmarrjeve mendojnë se mungesa e fuqisë punëtore është për momentin problemi më i madh i tyre.

Çdo e treta sipërmarrje gjermane në vitet e kaluara ka angazhuar fuqi punëtore nga vendet e tjera të Bashkimit Evropian, respektivisht nga vendet e treta. Shumë sipërmarrje gjermane për shkak të mungesës së fuqisë punëtore nuk mund të pranojnë kërkesa të reja dhe janë duke përjetur dëme të mëdha financiare.

Vendi i migrantëve

Qeveria federale i ka kuptuar më në fund kërkesat e sipërmarrjeve dhe kohët e fundit është duke punuar intensivisht për krijimin e kushteve për ardhjen e fuqisë punëtore nga vendet e tjera. Pas një debati të gjerë është miratuar ligji për ardhjen e fuqisë punëtore dhe në këtë mënyrë qeveria ka pranuar se Gjermania është një vend i migrantëve – dhe ate gjashtë dekada pas valës së parë të ardhjes në këtë vend të gastarbeiterëve.

Qëllimi kryesor i këtij ligji është që të lehtësojë ardhjen e punëtorëve të huaj në tregun gjerman të punës – në të gjitha fushat ekonomike. „Në parim është tërësisht e njëjtë se kush nga cili vend vjen, më e rëndësishmja është që të dëshmojë se është i gatshëm të integrohet në këtë vend, e që do të bashkëpunojë dhe të jetë pjesë e kësaj shoqërie. Nuk është me rëndësi prejardhja e personit por vetëm dëshira për t’u integruar në shoqëri“, deklaroi ministrja federale për Arsim Anja Karliczek, në një deklaratë për Deutsche Wellen.

Të hënën e kaluar ajo së bashku me kolegun e saj, ministrin për Punë Hubertus Heil, ka hapur në Bon të Gjermanisë një Qendër për njohjen e kualifikimeve (ZSBA), të arritura në vendet e tjera. Shtypi gjerman njofton se në këtë vend do të koordinohen rreth 1400 shërbime të ndryshme, të cilat do të merren me njohjen e diplomave.

Procesi i njohjes së diplomave ka qenë deri tani tepër i komplikuar dhe ka zgjatur tepër kohë, shumë më gjatë se në vendet skandinave, SHBA apo Kanada dhe shumë vende të tjera. Gjermania nuk mund t’i lejojë vetes që këto procedura të vazhdojnë dhe që në këtë mënyrë të humbë ekspertët që do të vinin këtu. Ky shërbim ka filluar punën këtë muaj me shpresë se këto procedura do të korrigjohen.

Procedura më e thjeshtë dhe e shpejtë

Gjatë një vizite në këtë Qendër, Karliczek dhe Heil kanë demonstruar se si do të duhej të dukej kjo në jetën e përditshme. Personat që janë të interesuar për punë në Gjermani duhet fillimisht të kontaktojnë Qendrën ZSBA, e cila do t’ju ndihmojë në përgatitjen e dokumentacionit të plotë që nevojitet për njohjen e kualifikimeve. Zyra mund të këshillojë në forma të ndryshme: përmes chat, me postë elektronike apo dhe me telefon. Kërkesat e personave do të shpërndahen dhe dërgohen tek institucionet e duhura në nivelin e landeve.

Por ajo që në njërën anë ndihmon Gjermaninë (me rregullat e reja për ardhje në këtë vend), në anën tjetër krijon probleme të mëdha – nga juglindja e Evropës nuk po largohen vetëm kuadrot më të kualifikuara me diploma universitare, por edhe forca sanitare, automekanikë dhe punëtorë të tjerë. Nga Kroacia, Serbia dhe Bosnje-Hercegovina largohen për në Gjermani rreth 100.000 persona.

A është qeveria gjermane e vetëdijshme se çfarë do të thotë kjo për tregun e punës në këto vende? Përgjigja e Heil ishte: “Ne kemi bërë disa marrëveshje bilaterale, për shembull që të mos tërheqim sanitarët nga vendet që kanë nevojë për këtë fuqi punëtore. Megjithatë mendoj se duhet të respektohet liria e lëvizjes dhe nga organizimi i mirë mund të përfitojnë të gjitha palët. Kjo në fund forcon edhe raportet mes vendeve tona.“

Mirë për Gjermaninë, keq për Ballkanin?

Më 1 mars të këtij viti në Gjermani futet në fuqi ligji i ri për ardhjen e fuqisë punëtore. Me këtë ligj duhet të lehtësohet ardhja e fuqisë punëtore, por edhe kërkimi i fuqisë së nevojshme për punë nga vendet që nuk janë anëtare të BE. Në të ardhmen nuk do të vlejnë më rregullat sipas së cilave përparësi u jepet personave nga vendet anëtare të BE. Një nga rajonet e synuara nga punëdhënësit gjermanë është Ballkani Perëndimor.

Punëtorët nga këto rajone kanë një reputacion të mirë: „Në të kaluarën kemi pasur shumë kërkesa nga Ballkani Perëndimor, që është një prej rajoneve shumë të rëndësishme për ne. Atje kemi gjetur dhe gjejmë fuqi shumë të mirë, të kualifikuar dhe ekspertë, e atje kemi edhe shumë njerëz që zotërojnë gjuhën gjermane, që është një prej përparësive të mëdha për integrim të shpejtë në punë dhe shoqëri“, thotë për DW Torsten Rolfsmeier nga Enti federal për punësim.

Motivi për shkuarje në Gjermani nuk janë vetëm rrogat më të mira, por edhe korrupsioni, mungesa e perspektivës dhe mungesa e sundimit të ligjit në vendet prej nga vijnë ata. OSBE pohon se vetëm nga Serbia në periudhën prej vitit 2000 – 2015 janë larguar 650.000 persona – gati një e dhjeta e banorëve. Situata të ngjashme kemi edhe në vendet tjera të Ballkanit Perëndimor.

Ndër ta janë shumë të rinj, me kualifikime të larta, pas të cilëve mbetet një boshllëk i madh në tregun e punës në këto vende dhe forcohet problemi i lëvizjeve demografike. Nga ana tjetër këta persona dërgojnë remitenca në vendin e origjinës dhe kështu ndihmojnë në ruajtjen e qetësisë sociale në këto vende.

Barcelona synon transferimin e Bernardo Silvës

Bernardo Silva është njëri nga futbollistët kryesor të Manchester Cityt në dy vitet e fundit.

Anësori portugez ka qenë lojtari kyç i Pep Guardiolës në fitimin e trofeve edicionin e kaluar.

Por City mund ta humbas yllin e tyre kryesor në afatin kalimtar të verës dhe kjo për shkak të dënimit që mori nga UEFA me dy vite përjashtim nga Liga e Kampionëve.

Barcelona nuk ka humbur kohë dhe ka nisur kontaktet e para me agjentin e lojtarit për një transferim të mundshëm të tij në Camp Nou.

25-vjeçari ditë më parë në një intervistë kishte deklaruar se nuk e përjashton mundësinë e largimit nga Etihad Stadium.

Silva ka zhvilluar 35 takime këtë edicion me Cityn, duke shënuar shtatë gola dhe duke bërë tetë asistime.

Barcelona dëshiron afrimin e tij, mirëpo problemi mbetet çmimi i lartë i tij, pasi City nuk e ka ndërmend ta lë të lirë nën 150 milionë euro.

Gjithsesi mediat spanjolle kanë bërë të ditur se katalunasit janë të gatshëm t’i ofrojnë një pagë më të mirë se sa fiton te kampioni i Anglisë, pasi në rast transferimi në Camp Nou portugezi do të ketë pagë javore prej 200 mijë euro.

Interesim për reprezentuesin portugez kanë shfaqur edhe skuadrat tjera të mëdha si PSG, Bayern Munich e Juventusi

Vdes ideja për “Mini-Shengenin” ballkanik

Iniciativa rajonale e ashtuquajtura “Mini-Shengeni” ballkanik nuk po e merr mbështetjen e Bashkimit Evropian. Përkundër se ka rreth katër muaj prej takimit të parë në Novi Sad, e më pas në Ohër, e Tiranë asnjë zyrtarë i lartë i BE-së, në asnjë dokument të rëndësishëm nuk i ka dhënë mbështetje kësaj ideje. Kështu deklarojnë njohësit e marrëdhënieve ndërkombëtare në Kosovë.

Sipas Demush Shashës nga instituti ‘Epik’, ideja e mini-shengenit ballkanik ka vdekur dhe rilindjen e vetme mund të përjetojë brenda procesit të Berlinit.

“Tani bëhen katër muaji që nga lanësimi i mini-shengenit në Novi-Sad. Qe katër muaj asnjë zyrtarë i lartë i BE-së, asnjë dokument i rëndësishëm i BE-së nuk e ka mbështetur shprehimisht idenë e mini-shengenit. Kjo ka një arsye se qëllimet e Mini-Shengenit janë në duplifikim të plotë me procesin e Berlinit. Prandaj nuk asnjë sens të fillohet një proces i ri, duke qenë se procesi i Berlinit ekziston tani e katër-pesë vite… Duke e njohur që është një ide që synon katër lirit themelore të BE-së dhe duke njohur faktin që asnjë zyrtarë i lartë i BE-së nuk është duke e mbështetur këtë ide, konsideroj se kjo ide ka vdekur dhe rilindjen e vetme mund të përjetoj brenda Procesit të Berlinit… Është një anomali që një iniciativë që synon katër liritë themelore të BE-së të mos diskutohet fare nga BE dhe fare të mos jetë pjesë e diskutimeve të liderëve të Ballkanit perëndimor. Prandaj ajo në vetvete është ajo mesazh për të gjitha vendet e Ballkanit Perëndimor se BE nuk e sheh në prioritet dhe nuk ofron mbështetje për këtë iniciativë”, thotë ai.

Skeptik se do të arrihet të përfundohet kjo iniciativë është edhe drejtori i organizatës “Çohu”, Arton Demhasaj.

“Nuk besoj që BE apo ShBA shpenzojnë energji, apo para për një ide të tillë që mund të jenë të përkohshme sepse gjitha këto pretendojnë me qenë pjesë e BE-së. Ndoshta kjo është arsyeja pse kemi një hezitim për me mbështet këtë ide. Qoftë nga zyrtarë të Bashkimit Evropian, qoftë nga ShBA”, thotë ai.

Ndërsa, analisti politik, Faton Abdullahu i bëri thirrje qeverisë re që të jenë më të qartë për këtë iniciativë rajonale.

“Kosova në përgjithësi dhe Qeveria jonë në veçanti nuk ka qasje të qartë sa i përket mini-shengenit. Duhet të jetë shumë më e qartë në vendimet dhe synimet që i ka për të na dhënë arsyetimet pse është kundër Mini-Shengenit. Ta dina të gjithë cilat janë arsyet për të qenë kundër” , thotë ai.

Iniciativa për formimin e një Mini-Shengeni ballkanik qysh në nisje të saj nuk e ka pasur përkrahjen e institucioneve kryesore në Kosovë.

Dua Lipa do te festojë në Liverpool nëse ata shpallen Kampion

Këngëtarja me prejardhje Kosovare Dua Lipa shumë e kënaqur me fansat e Liverpool në natën e finalës së Ligës së Kampionëve kundër Real Madridit në Kiev sepse kur ajo doli ne skenë të këndoj fansat e Liverpool po këndonin bashkë me atë.

Ajo tha se Liverpool po kalon një sezon te bukur ne Premier Ligë dhe se ajo do të merr pjesë në Maj që të festojnë së bashku Titullin e 19 në Ligë për The Reds.Ajo poshtu nuk e përjshtoj mundsin që ta shikoj edhe nje ndeshje të Liverpool në Anfield Road këtë sezone me babain e saj që është tifoz i Arsenalit dhe menxherin e saj që është tifoz i Liverpool .

‘Nje puthje është e gjitha që duam’ ishte edhe sllogani i tifozeve të Liverpool ajo që pikërisht Dua Lipa kishte thën në një këngë të saj kurse tifozet e Liverpool iu referoheshin puthjes se trofeut të ligës së kampioneve në vitin 2018 qe synonin ta fitonin.

Luan Dalipi i bashkohet qeverisë së Republikës së Kosovës si Shef i Stafit të Kryeministrit

Luan Dalipi do të shërbejë si këshilltari kryesor imi si Kryeministër, për palët e brendshme dhe të jashtme të interesit për çështjet që kanë të bëjnë me Kryeministrin. Luani do të koordinojë punën e kabinetit qeveritar, me Zëvendës Kryeministrat, Ministrat, Zëvendës Ministrat dhe këshilltarët e qeverisë, do të mbështesë qeverinë në formulimin dhe zbatimin e politikave, strategjive dhe planeve, si dhe në komunikim dhe ngritje të vetëdijësimit.

Formimi i gjerë arsimor dhe profesional i Luanit e ka përgatitur atë të sigurojë mbështetje për Kryeministrin në përpjekjet e tij për të kaluar Kosovën në të ardhmen që meriton si një vend i lirë dhe i prosperuar. Ai u arsimua në Shtetet e Bashkuara nga shkolla e mesme deri në një diplomë master në Menaxhim Ndërkombëtar. Luani u kthye në Kosovë në 2001 dhe shërbeu si përfaqësues i Departamentit të Tregtisë së ShBA-së në Ambasadën e ShBA-ve para se të hynte në sektorin privat të Kosovës. Është bashkëthemelues i një prej kompanive më të mëdha të këshillimit në Ballkanin Perëndimor. Luani gjatë njëzet viteve pasuese të ekzistencës së kompanisë së tij ka menaxhuar me sukses dhjetëra projekte të organizatave ndërkombëtare në Kosovë dhe jashtë saj.

Luan Dalipi gjithashtu ka qenë themelues dhe ish Kryetar i Bordit të Odës Ekonomike Amerikane në Kosovë (‘AmCham’), ish bashkëkryesues i Fondit Kosovar Amerikan të Arsimit (‘KAEF’), themelues i Këshillit të Konsulentëve të Biznesit (‘BCC’), dhe konsulent i certifikuar ndërkombëtar në menaxhment. Ai është fitues i disa çmimeve profesionale në fushën e menaxhmentit dhe konsulencës.

Luani karakterizohet me etikë të fortë pune, vetëmotivim, optimizëm për të ardhmen, dhe performancë të bazuar në rezultate. Ekspertiza e tij – në udhëheqje, menaxhim, koordinim, mobilizim të resurseve njerëzore, konsolidim e bashkërenditje të institucioneve dhe proceseve, dhe krijim të politikave zhvillimore – do t’i shtoj vlerë kabinetit qeveritar. Si Shef i Stafit pritet që ai do të zbatojë mësimet nga e kaluara e tij për të arritur objektivat e qeverisë.

Është i martuar dhe ka dy fëmijë, 13 dhe 8 vjeç.Njoftoi Albin Kurti në një postim të tij në Facebook.

Grenell, i fokusuar te dialogu Kosovë-Serbi

I dërguari i posaçëm i presidentit amerikan për dialogun Prishtinë-Beograd, Richrad Grenell do të jetë sërish syri dhe veshi i Trump për bisedimet mes Kosovës dhe Serbisë pavarësisht angazhimit edhe në një tjetër detyrë.

Ditë më parë ai është emëruar përkohësisht në krye të Inteligjencës Kombëtare, por që njëkohësisht do të kujdeset për dialogun mes Kosovës dhe Serbisë si dhe do të shërbejë si ambasador i Shteteve të Bashkuara në Gjermani.

Zëdhënësi i Grenell, Dick Custin, konfirmoi se Richard do të jetë në krye të tre detyrave.

“Mund të konfirmojmë që ambasadori Grenell do të shërbejë njëkohësisht si ambasador i SHBA-së në Gjermani dhe i dërguari special presidencial për negociatat e paqes mes Kosovës dhe Serbisë dhe tani si ushtrues i detyrës së Drejtorit të Inteligjencës Kombëtare”, tha Custin.

Shtëpia e Bardhë nuk e sheh si problem angaz himin e Grenell në disa pozita, madje thonë se përvoja si i dërguar i Trump për bisedimet Prishtinë-Beograd mund t’i hyjë shumë në punë në detyrën e re.

“Ambasadori Grenell ka disa vite përvojë duke punuar me Komunitetin tonë të Inteligjencës në një numër pozicionesh shtesë, duke përfshirë pozitën si i Dërguar Special për negociatat Serbi-Kosovë. Ai është i përkushtuar për një qasje jopolitike, jopartizane si udhëheqës i Inteligjencës, nga e cila varet siguria dhe mbrojtja jonë. Presidenti ka besim të plotë se Ambasadori Grenell do të kryejë detyrën e re me nder”, thuhet në deklaratën e Shtëpisë së Bardhë.

Ndryshe, Grenell e konfirmoi vet që në detyrën e drejtor të Inteligjencës Kombëtare është përkohësisht dhe se Trump do të emërojë një tjetër si drejtor të përhershëm.

Po ikin të gjithë! Serbia ndalon largimin e infermierëve

Serbia ka ndërprerë papritur dërgimin e infermierëve në Gjermani, njoftoi gazeta gjermane “Frankfurter Allgemeine Zeitung”.

Sipas përllogaritjeve ende mungojnë në Gjermani, 50.000 deri në 100.000 forca punëtore në sektorin e shëndetësisë. Këtë krizë, vendi po përpiqet ta zbusë duke tërhequr infermierë të kualifikuar nga jashtë. Ndër vendet e preferuara për këtë qëllim janë ato të Ballkanit. Drejt Gjermanisë, janë larguar infermierë nga Kosova, Shqipëria, Serbia, Bosnje-Hercegovina, Maqedonia e Veriut.

Në bazë të një projekti të “Shoqërisë Gjermane për Bashkëpunimin Ndërkombëtar, GIZ dhe Agjencisë Federale të Punës, BA, “Triple Win-Projekt” janë bërë marrëveshje edhe me Serbinë, Bosnjen, Tunizinë dhe Filipinet. Por Serbia ka vendosur të ndërpresë dërgimin e infermierëve në Gjermani, e vitin e ardhshëm, tërheqja nga marrëveshja mund të jetë e plotë.

Presidenti serb Aleksandar Vucic foli me tone të ashpra për turet e ministrit gjerman të shëndetësisë Jens Spahn, që vitin e kaluar ishte në Kosovë dhe Meksikë për të tërhequr fuqinë punëtore në shëndetësi. Agjencia gjermane dpa dhe gazeta “Frankfurter Allgemeine Zeitung”, e citojnë Vuçicin të deklarojë për Spahn se:

“Ia kam thënë në fytyrë, nuk dua që të vish në Serbi dhe të marrësh infermieret e mia. Të vlerësoj, je një ministër i shkëlqyer. Ke sistemin shëndetësor më të mirë në botë. Por mos eja në Serbi”.

Sipas Agjensisë Federale në Serbi aktualisht shihet “në një formë mjaft më kritike tani se më parë ” një kalim i forcave të punës nga Serbia në Gjermani.

Sonte luhen ndeshjet e para në fazen e eleminimeve në Ligën e Kampionëve

Sonte zhvillohen dy ndeshje të Ligës së Kampionëve ajo në mes të Atletiko Madridit dhe kampionit në fuqi Liverpool në Wanda Metropolitano , aty ku Liverpool fitoi titullin e 6 kampion vitin e kaluar kundër Tottenham.

Ndeshja tjetër që do të zhvillohet sonte është përballja mes PSG dhe Dortmundit, një përballje shumë interesante .Ndeshja e parë do të luhet në Signal Iduna Park , ku Dortmund do të mundohet të krijojë një epërsi që ti jap vetit një mundësi kualifikimi pas 2 jave kur do të luhet ndeshja e kthimit në Paris.

Bie në lum vetura Golf II ne hyrje të fshatit Tërrnoc

Është aksidentuar një vetur e tipit Golf II në rrugën Breznicë – Tërnoc, rrespektivisht në hyrje të fshatit Tërnoc (tek zidi i parë), pasi që veturën që po drejtonte, ka dal nga rruga dhe ka rënë në shtratin e lumit.

Ngjarja e rëndë ka ndodhur, në mëngjesin e sotëm, kur automjeti që po drejtonte një i moshuar, ka rënë poshtë lumit Tërnoci, dhe si pasojë ka marrë lëndime serioze.

Aktualisht në vendëngjarje janë policia , zjarrëfikësit dhe ndihma emergjente, gjë që po ekzaminojnë rastin.

Sipas dëshmitarëve, rruga ku ka ndodhur aksidenti ka qenë me ngrica gjatë mëngjesin të sotëm, dhe ky element mund të jetë shkaktari kryesor i aksidenti.

Dua Lipa me mesazh urimi për Pavarësinë e Kosovës

Edhe këngëtarja tjetër kosovaro-britanike, Dua Lipa, nuk ka hezituar t’i urojë shqiptarët me rastin e 12-vjetorit të Pavarësisë së Kosovës.

Ajo i ka postuar dy fotografi në Instagramin e saj, njëra në mënyrë artistike e përfshinë flamurin e Kosovës dhe atë të Shqipërisë në një vend, dhe tjetra është një dizajn i krijuar nga kompania e babait të saj Dukagjin Lipa, “Republika Agency”, ku ngërthehen ngjyrat e flamurit tonë me shqiponjën dykrenare.

“12-vjet Pavarësi #njikombnjiflamur,” shkruan në mesazhin e postuar nga këngëtarja.

Nënshkruhet marrëveshja për binjakzimin e komunave nga Shaip Kamberi në Pejë

Kryetari i Komunës së Bujanocit, Shaip Kamberi me bashkëpunëtorë po merrë pjesë në shënimin e 12-të vjetorit të pavarësisë së Kosovës, në qytetin e Pejës

Përveç shënimit të pavarësisë së Kosovës, vizita e kryetarit të Bujanocit në Pejë po i kontribuon edhe thellimit të bashkëpunimit në mes të Komunës së Bujanocit, dhe asaj të Pejës, krahas bashkëpunimit të shkëlqyeshëm 18 vjeçar të qyteteve shqiptare nga trevat e ndryshme, si Bujanoci, Peja, Ulqini, Durrësi dhe Tetova.

“Me kryetarin e Pejës, nënkryetaren e Ulqinit dhe kryetarin e Kuvendit të Tetovës, u nënshkrua nisma për binjakëzimin e komunave tona. Pjesë e kësaj nisme do të bëhet edhe Durrësi dhe Zara (Kroaci) në mënyrë që përfundimisht të institucionalizohet bashkëpunimi tradicional” – ka njoftuar kryetari Kamberi nëpërmjet një postimi në Facebook.

Vjosa Osmani: Pavarësia e Kosovës e pakthyeshme

Kryetarja e Kuvendit të Kosovës, Vjosa Osmani ka thënë se pavarësia e Kosovës më 17 shkurt është e pakthyeshme, derisa ka bërë thirrje për ruajtje të sovranitetit territorial.

Në seancën solemne të 12-vjetorit të Pavarësisë së Kosovës, ajo theksoi rëndësinë e bashkëpunimit ndërinstitucional për arritje të aspiratave të kombit shqiptar.

Osmani kujtoi edhe sakrificën e gjithë atyre që kanë rënç për lirinë dhe pavarësinë e Kosovës, teksa pati edhe një lutje karshi shteteve perëndimore.

“I lusim ata që të qëndrojnë krah nesh në jetësimin e qytetarëve tanë për integrime evropiane dhe euroatlantike”, tha ajo, derisa vlerësoi edhe rolin e gjitha komuniteteve sportive dhe artistike për avancimin e Kosovës.

“Kosova jonë sot është një vend që frymon e lirë. Sukseset e të gjithëve na japin dëshmi se ky vend mund të shkëlqejë. Këta përfaqësues janë sot imazhi jonë”, tha Osmani.

Fjalimi i plotë:

Të dashur qytetarë të Republikës së Kosovës,

I nderuar kryeministër Kurti!

Të nderuar Ish presidentë, ish-kryeministra dhe Ish-kryetarë të Kuvendit që sot jeni me ne!

Të nderuar ministra, deputetë të Kuvendit të Kosovës,

Të nderuara familje Rugova, Jashari, familje të të pagjeturve, familjarë të heronjve, të policëve të rënë në detyrë, veteranë të luftës…

Të nderuar përfaqësues të vendeve mike, të akredituar në vendin tonë!

Të nderuar komandantë të FSK-së e të Policisë së Kosovës,

Përfaqësues të bashkësive fetare në Kosovë, myftiu Ternava, imzot Dodë Gjergji

Të dashur artistë, sportistë, përfaqësues të bizneseve, të shpirtit kreativ të Kosovës;

Të nderuar përfaqësues të medieve;

Të dashur fëmijë të Republikës;

Fort të nderuar qytetarë të Republikës së Kosovës!

Ndjehem tepër e lumtur që sot, në këtë ditë solemne, gjendem para jush dhe që më është dhënë mundësia e jashtëzakonshme që, nga foltorja e tempullit të demokracisë, Kuvendit të Republikës, t’jua përcjell urimet më të mira me rastin e ditëlindjes së12-tëtë shtetit tonë të dashur, Republikës së Kosovës.

Sot flamuj të vegjël e zemra të mëdha të njerëzve valëviten gjithandej nëpër fshatrat e qytetet e Kosovës. Qytetarë të mirë të këtij vendi ia urojnë njëri-tjetrit përvjetorin dhe luten për Republikën e tyre. Ky është përkushtimi i qindra mijëra të rinjve të cilët janë të vendosur që ta realizojnë ëndrrën e tyre në këtë vend, ta rrisin e ta zbukurojnë atë, me besim të pathyer në të ardhmen.

Të dashur qytetarë të Republikës!

Sot, Republika jonë është 12-vjeçe. Ajo e ka afërsisht moshën e këtyre 12 fëmijëve, fëmijëve të pavarësisë, të cilët i shihni këtu dhe të cilët ju ftoj t’i nderojmë. Ata kanë lindur me shtetin dhe janë rritur krahas shtetit, të cilin po e ndërtojmë përditë e ngapak, duke u siguruar që Kosova të jetë strehë e sigurt dhe vend ku këta fëmijë do ta jetojnë të tashmen dhe ta ndërtojmë të ardhmen e tyre. Këta fëmijë, sot ndoshta nuk mund ta kuptojnë plotësisht peshën e vendimeve dhe të veprimeve tona politike, por nesër do të mund t`i gjykojnë ato. Brezat e ardhshëm, fëmijët tanë, nuk do të pyesin se cilës parti i kemi takuar, por do të duan ta dinë se cili ishte ko ntributi ynë në bërjen për shtetin. Është përgjegjësi e jona, prandaj, të punojmë me vullnet e përkushtim që atyre t’ua lëmë një Kosovë më të mirë!

Sot Kosova jonë jo vetëm frymon e lirë, por është vend që po e krijon imazhin e ri, duke i ofruar botës vlera të shquara në arte, në kulturë, në sport e në fusha të tjera. Xhudistet Majlinda Kelmendi, Distria Krasniqi, bashkë me trajnerin e tyre, Toni Kukën, e kanë skalitur emrin e Kosovës në qindra piedestale, deri në olimpiadën e Brazilit, duke e lartësuar flamurin e Kosovës aty ku nuk ishte e mundur më herët. Ata na kanë bërë të qajmë nga gëzimi e të buzëqeshim nga lumturia. Ju lus që me duartrokitje t’ua kthejmë nderin që ato ia kanë bërë shtetit të tyre.

Krahas tyre, djelmoshat e kombëtares së Kosovës i kanë ngrohur zemrat tona, por e kanë forcuar edhe identitetin tonë në botë. U duartrokasim fort nga ky tempull dhe i ftojmë të qëndrojnë fort pas nderit që ua jep flamuri i shtetit të tyre.

Artistët janë vlera shpirtërore që ne po na bën të njohur në botë. Nga këngëtaret DuaLipa e Rita Orate tenori Ramë Lahaj e artistja Arta Dobroshi, secili më shumë se tjetri kanë ndikuar që shteti i Kosovës të njihet e të duhet edhe nga popujt e tjerë gjithandej botës. Sot ne e nderojmë veprën e tyre, duke i pasur këtu dy nga ta: Ramën dhe Artën.

Shpirti ndërmarrës e inovativ i këtij populli është shtrirë gjithandej botës. Ai dëshmon cdo ditë se vlerat e rinisë sonë janë të qëndrueshme dhe se vështirësitë nëpër të cilën ka kaluar vendi nuk e kanë shuar etjen për dije. Sot, ne kemi këtu edhe një përfaqësues këtij shpirti ndërmarrës: Mërgim Cahani

Ky shpirt inovativ është shpirti i qytetarit të Republikës, është karakteri i fortë nga i cili priren të rinjtë tanë, vajza e djem punëtorë. Sot këtu e kemi përfaqësuesen e këtij shpirti, Jeta Zagraxha, e cila përfaqëson kreativitetin e mijëra vajzave dhe grave të Kosovës, të cilat po shpërthejnë në botën e teknologjive të reja dhe inovacionit.

Sukseset e studentëve tanë në botë, të cilët në gara ndërkombëtarë lanë pas qindra universitete prestigjioze në botë, na kanë dhënë shpresën se ky vend njëmend mund të bëhet e të shkëlqejë, ashtu siç shkëlqeu ekipi i studentëve të Fakultetit Juridik të Universitetit të Prishtinës, përfaqësuesin e të cilëve, Levik Rashiti, e kemi sot mes nesh. Ai na e shpërfaq imazhin e mijëra studentëve, të cilët janë të etur për dije dhe duan që vendin ta ndërtojnë me dije e urti.

Zonja e zotërinj!

Këta përfaqësues janë imazhi i sotëm i Kosovës sonë. Ai na bën ta ndjehemi krenarë për të sotmen dhe shpresëplotë për të ardhmen. Veçse, ky imazh është i skalitur mbi sakrificën e dhimbjen: këtë e kanë ndjerë mbi shpatullat e tyre fëmijët e policëve dhe ushtarëve të rënë në detyrë. I jemi përjetë mirënjohës veprës së policëve Enver Zymberi, Izet Demaj, Sami Thaci, fëmijët e të cilëve sot i kemi të pranishëm. Sot e nderojmë veprën e tyre dhe të shumë policëve të tjerë të rënë në detyrë.

Oficerët tanë të Ministrisë së Mbrojtjes, me flamurin e Kosovës në krah, sot trajnojnë oficerët ndërkombëtarë të disa prej akademive më prestigjioze në botë, përfshirë atë në Sandhurst e Newest Point, duke lartësuar kështu secilin luftëtar të lirisë që luftoi për këtë vend.

Më lejoni, prandaj, që në këtë ditë të veçante për qytetarët dhe institucionet tona, t’ju ftoj që së bashku t’i kujtojmë bijat e bijtë e këtij vendi, të cilët, të bindur fort se liria është e arritshme, nuk reshtën së punuari për dhejtëvjetësha të tërë për ta jetësuar Republikën tonë; t’i kujtojmë me mallë e respekt gjithë brezat që punuan për lirinë e vendit dhe pavarësinë e tij; ta kujtojmë para së gjithash ideatorin e projektuesin e pavarësisë së vendit, arkitektin e shtetit të Kosovës, atin themelues, dr. Ibrahim Rugovën, ikonën e përbashkët të lirisë, njeriun e dijeve, liderin shpirtëror të shqiptarëve, i cili politikës ia dha dimensionin më të çmueshëm të saj, dimensionin human; t’i kujtojmë po kështu heronjtë tanë, të cilët lirinë e vendit e patën ideal jetësor, komandantin e Ushtrisë Çlirimtare, Adem Jasharin, familjen Jashari, e cila u sakrifikua për lirinë e vendit, të gjithë dëshmorët e heronjtë, të pagjeturit, martirët e shumtë, përfshirë gra, fëmijë e pleq, si dhe gjithë njerëzit e mirë të këtij vendi, të cilët sakrifikuan çdo gjë për lirinë e vendit të tyre; ta nderojmë gjeneratën e deputetëve të këtij kuvendi, të cilët më 1990 e shpallën Deklaratën e Pavarësisë, aktin themeltar të shtetit të Kosovës dhe, më pas, Kushtetutën e Republikës së Parë, atë të Kaçanikut; si dhe gratë dhe burrat e këtij kuvendi, të cilët në këtë ditë të vitit 2008 e deklaruan botërisht vullnetin tonë për të jetuar të pavarur, duke e shpallur shtetin më të ri europian, dhe neve europianët e vjetër, na rikthyen në shtetarët e rinj.

Këtë rrugëtim ne e bëmë bashkë me miqtë tanë të shumtë, të cilëve do t’u jemi përjetësisht mirënjohës. Ata jo vetëm u rreshtuan krah popullit të Kosovës në synimin për liri e pavarësi, por qëndruan krah nesh edhe në ndërtimin e shtetit të Kosovës që nga dita e parë e çlirimit. Ne sot i lusim ata të qëndrojnë krah nesh në synimet tona të përbashkëta për jetësim të vullnetit të qytetarëve tanë, për integrim të shpejtë në strukturat euroatlantike, për zhvillim të ekonomisë dhe për prosperim të përgjithshëm të vendit.

U jemi mirënjohës vendeve dhe popujve europianë, me të cilët ne i ndajmë të njëjtat hapësira gjeografike, por edhe të njëjtat vlera. Në veçanti u jemi mirënjohës Shteteve të Bashkuara të Amerikës, popullit të lirë amerikan, me të cilët ne ruajmë miqësi të hershme dhe të përhershme.

Të dashur qytetarë!

Historia e hershme dhe e re e Kosovës është histori e përpjekjeve për të dëshmuar se qytetarët e këtij vendi e kanë përqafuar në vazhdimësi idenë e lirisë. Pavarësia e Kosovës e ka vulosur fatin dhe lirinë e popujve në Ballkan. Ajo ishte hapi vendimtar në konsolidimin e raporteve mes popujve në Ballkan, të cilët duan të jetojnë të lirë, të mosvarmë dhe në paqe me njëri-tjetrin.

Si kryetare e institucionit më të lartë përfaqësues, si e para grua në këtë detyrë, unë shpreh mirënjohjen time ndaj politikanëve të vendit, të cilët po e ndërtojnë ngadalë kulturën politike të bashkëpunimit e të tolerancës, të mirëkuptimit me njëri-tjetrin dhe të përkushtimit ndaj shtetit të tyre.

Kuvendi është institucion përfaqësues i vullnetit të qytetarëve të Republikës dhe, rrjedhimisht, edhe i vullnetit të tyre për zhvillim e mirëqenie. Shumëkush mund të mos besojë në përkushtimin tonë për ta shndërruar vendin në partner të fuqishëm ndërkombëtar dhe në vend me të cilin bijtë e bijat tona do të ndjehen krenarë, por unë jam thellësisht e bindur në këtë synim. Përfaqësuesit tuaj në këtë dhomë e kanë këtë besim. Ata janë të përzgjedhurit tuaj të cilët do të kujdesen që vullneti juaj të realizohet, që Kosova të jetë vend i qytetarëve të saj, që dallimet mes nesh në pikëpamje politike, kulturore a religjioze të jenë shtysë për kohezion nacional, që diversiteti i mendimeve të jetë thelbi i sjelljes për vlerat e përbashkëta, që qëndrimet e ndryshme, edhe në këtë kuvend, ta nxisin kultivimin e mëtejmë të frymës së demokracisë. Ne jemi shtet europian, qytetarë të botës, pjesë e diversitetit kulturor perëndimor, ne jemi europianët e rinj, përplot vullnet e dëshirë për zhvillim.

Është thelbësore që institucionet tona dhe politikbërësit të studiojnë dhe vlerësojnë mesazhin që u dërgohet nga qytetarët dhe të jenë të përgjegjshëm ndaj mendimeve dhe dëshirave të njerëzve tanë. Ne çdo ditë takojmë qytetarët tanë dhe e shohim që ata janë të ndryshëm, por i kanë të njëjtat ëndrra. Para vitit 1999 ëndërronin një Kosovë të lirë. Sot, ëndrrat e tyre janë të lidhura për zhvillim të përshpejtuar ekonomik, social e kulturor; për qeverisje efektive dhe transparente. Së bashku me institucionet e vendit, këto dëshira të tyre t’i përmbushim, duke siguruar arsimim cilësor për të rinjtë tanë e krijim të mundësive për zhvillim.

Të nderuar deputetë, të dashur qytetarë të vendit tim!

Sot Kosova është e vendosur që të integrohet në bashkësinë e popujve të qytetëruar evropianë, dhe të shndërrohet në epiqendër të stabilitetit në rajon. Ne kemi dëshmuar tradicionalisht kulturë të bashkëpunimit dhe të fqinjësisë së mirë. Këto janë vlerat kulturore tonat, të cilat do të vazhdojmë t’i ruajmë dhe t’i kultivojmë edhe më tutje. Por, në të njëjtën kohë ne do ta thellojmë përpjekjen për shtetndërtim e demokratizim. Prandaj, sot na duhet një patriotizëm konstitucional, duke u përpjekur maksimalisht që referencë e jona e çdoditshme të jetë Kushtetuta, ligjet dhe respekti ndaj tyre. Ndaj , është i domosdoshëm bashkëpunimi i të gjithëve për një shtet stabil, të zhvilluar ekonomikisht, të lidhur me botën dhe të sigurt për të gjitha komunitetet që jetojnë në të.

Kosova është mbi të gjitha!

Sot në 12-vjetorin e pavarësisë duhet zotohemi se çdo ditë do të përpiqemi që ta forcojmë shtetin, sundimin e ligjit, mbrojtjen e lirive themelore njerëzore dhe jetë me dinjitet për të gjithë. Duhet të zotohemi sërish se do të mbrojmë çdo pëllëmbë të Kosovës sonë, të sigurojmë pacenueshmërinë e integritetit territorial e sovranitetit të vendit dhe që jo vetëm fjalët tona por edhe veprat tona të dëshmojnë se 17 shkurti 2008 është i pakthyeshëm dhe se Republika e Kosovës është e përhershme.

Kosova nuk ka alternativë, atë duhet ta bëjmë gjithnjë e më e fortë, sepse është mëmëdheu ynë i vetëm!

Urime 12-vjetorin, shteti ynë!

Zoti i bekoftë familjet tuaja!

Zoti i bekoftë miqtë e Kosovës!

Zoti e bekoftë Republikën tonë!​ 

Kryetari Arifi nuk mbeti pa takuar edhe bashkëatdhetarët e tij në Amerikë

Kryetari i Komunës së Preshevës Shqiprim Arifi në vazhdën e vizitës së tijë në Amerikë lshte i ftuar në Queens të New Yorkut, për të takuar bashkatdhetarët nga gjitha viset shqiptare që jetojnë në New York, ku pati rastin me një fjalim rasti t’i informoj të pranishmit me situatën aktuale në Luginën e Preshevës. Gjithashtu takoi biznismenin dhe veprimtarin e çështjes kombëtare Harry Bajraktari si dhe asambleistin e Këshillit Bashkiak të New York-ut, Mark Gjonaj. Një takim dhe një bashkëbisedim shumë i frytshëm me të gjithë Shqiptarët, ku të gjithë u dakorduan që komuniteti Shqiptar në New York të jetë një zë i fuqishëm dhe që do të lobojnë pë Shqiptarët e Luginës së Preshevës.

Drita gjunjëzon Gjilanin, Haxhimusa heroi i derbit të Anamoravës

Drita ka arritur të shënojë fitore të madhe, duke mposhtur Gjilanin me rezultatin 2:0.

Përveç atmosferës në tribuna, në këtë derbi kemi parë spektakël edhe në fushën e blertë, me dy skuadrat që krijonin shanse të shumta shënimi.

Ishte Drita që u tregua më konkrete, duke gjetur dy herë rrugën e golit. Në të dyja rastet, ishte Betim Haxhimusa ai që shënoi golat.

Fillimisht, ishte minuta e 65’ kur Haxhimusa tundi rrjetën e Gjilanit, për rezultatin 1:0. 10 minuta më vonë, heroi i Dritës dyfishoi epërsinë e skuadrës së tij.

Me këtë fitore, Drita tejkalon Gjilanin dhe Prishtinën, në klasifikimin e Superligës, duke marrë tashmë vendin e dytë me 34 pikë, aq sa ka edhe Prishtina. Gjilani mbetet në pozitën e katërt, me dy pikë më pak se Prishtina e Drita.

Kurti:Po tregohem me rezerva sepse nuk isha pjesë e negociatave për këto marrëveshje

Kryeministri i Kosovës, Albin Kurti, i cili po merr pjesë në Konferencën e Sigurisë në Mynih, tha për Radion Evropa e Lirë se ka rezerva sa i përket nënshkrimit të dy letrave të shprehjes së interesit, ndërmjet Kosovës dhe Serbisë, për autostrada dhe hekurudha.

Marrëveshja për autostrada dhe hekurudha u nënshkrua në Mynih më 14 shkurt dhe u ndërmjetësua nga i dërguari i Shtëpisë së Bardhë për dialogun Kosovë-Serbi, ambasadori Richard Grenell.

Kurti thotë se për këto marrëveshje ka rezerva, pasi që nuk ka qenë pjesëmarrës në negociata.

“Unë vetëm po tregoj rezerva, për shkak se nuk kam qenë pjesëmarrës në negociata për këto letra të interesit. Natyrisht se ne na duhet lidhje, infrastrukturë më e mirë, autostrada dhe hekurudha. Por, sërish, punëtorët civilë që nënshkruan këto marrëveshje nisën negociatat gjatë qeverisë së kaluar dhe faktikisht i përmbyllën ato pa pjesëmarrjen tonë dhe ne jemi në qeveri për më pas se dy javë”, tha Kurti në një prononcim për REL.

Për palën kosovare, marrëveshjet për autostradën dhe hekurudhat i kanë nënshkruar Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore. Kurse nga pala serbe, të dy marrëveshjet i ka nënshkruar drejtori i të ashtuquajturës Zyrë për Kosovën në Qeverinë e Serbisë, Marko Gjuriq. Të pranishëm në ceremoninë e nënshkrimit, përveç ambasadorit Grenell, ishte presidenti i Kosovës, Hashim Thaçi dhe ai i Serbisë, Aleksandar Vuçiq.

Përmes letrave të shprehjes së interesit për autostrada dhe hekurudha, të dy vendet shprehën gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

I pyetur se nëse kritikat e shprehura nga ai lidhur me marrëveshjet për autostrada dhe hekurudha kanë bërë që ambasadori Grenell të mos e takojë atë në Mynih, kryeministri Kurti thotë se komunikimi me amerikanët është i mirë dhe se gjatë qëndrimit në Mynih nuk ka qenë në plan që të takohet me të dërguarin e Shtëpisë së Bardhë.

“Më herët jam takuar me ambasadorin (Richard) Grenell dy herë, por jo kësaj here. Këtë herë kam qenë duke marrë pjesë në panel, në tryezë të rrumbullakët dhe ne nuk kemi pasur plane që të takohemi”.

“Po, për vete mund të konfirmoj për komunikimin tonë dhe gjithçka duket në rregull”, shtoi kryeministri Kurti.

Në Preshevë u mbajt punëtoria me temë: Hartimi i Planit të shëndetit publik

Në kuadër të aktivitetit të përfaqësuesve të Konferencës së përhershme të qyteteve dhe komunave (SKGO) lidhur me përgatitjen e anëtarëve të grupeve punuese të komunave të Rrethit të Pçinjës, komuna e Preshevës ka qenë nikoqire e punëtorisë së parë. Në këtë punëtori kanë marrë pjesë përfaqësuesit e grupeve të punës për përpilimin e Planit të shëndetit publik të komunave Rrethit të Pçinjës, si dhe përfaqësuesit e Entit të shëndetit publik me seli në Vranjë. Në kuadër të këtij aktiviteti parashihet që komunat pjesëmarrëse të këtij programi, deri në korrik të këtij viti, të hartojnë Planet e shëndetit publik për periudhën vijuese, me qëllim të listimit të aktiviteteve dhe planifikimit të mjeteve buxhetore për realizimin e këtyre planeve. Hartimi i Planit të shëndetit publik është obligim ligjor për komunat, në bazë të Ligjit të shëndetit publik.

Mbahet trajnim dy ditorë në Preshevë nga Enti për Punësim i Vranjës

Enti për Punësim me përfaqësues të Filijales së Vranjës kanë mbajtur trajnim dy ditorë për “Zhvillim të ndërmarrësisë” Me ndjekjen e këtij trajnimi pjesëmarrësit do të çertifikohen, njëkohësisht do të përfitojnë të drejtën për të përfituar nga programi i subvencioneve për vetpunësim (hapjen e bizneseve të reja) për vitin 2020. Ky program do të financohet nga Enti për Punësim si dhe Komuna e Preshevës. Andaj inkurajojmë të gjithë pjesmarrësit në trajnim të rrinë në gatishmëri për të aplikuar me projekte konkrete në kohën kur thirjet do të happen, si dhe për çdo informatë shtesë të lajmërohen tek Enti, zyra në Preshevë.

Delegacioni nga Shqiperia u prit sot nga Ardita Sinani

Gjatë ditës së sotme kryetarja e degës së Partisë për Veprim Demokratik, Ardita Sinani e shoqëruar nga bashkëpunëtorët e saj priti në takim delegacionin nga Shqipëria, Jemin Gjanën, anëtarë i kryesisë së PD-së, Enver Ferizaj, kryetar i Unionit Kombëtarë të Agrobiznesit Shqiptar dhe Selim Istrefi, biznesmen dhe zv.kryetar i Unionit Kombëtarë të Agrobiznesit Shqiptar.

Delegacioni nga Shqipëria u njoftua nga kryetarja Sinani me gjendjen reale me të cilën përballen shqiptarët e Luginës së Preshevës. Theks të veçantë në këtë takim kishte sfera e zhvillimit ekonomik, e veçanërisht problemet me të cilat përballen ndërmarrësit e Luginës në plasimin e produkteve të tyre.

Maqedonia pritet që t’i hapë kufijtë javën e ardhshme me vendet e rajonit

Ministri i Shëndetësisë, Venko Filipçe thotë se vendet e rajonit gjatë javës së ardhshme do të marrin vendim përfundimtar për hapje të kufijve.

Mbledhja e ardhshme për regjimin e lëvizjes së qytetarëve nga rajoni do të zhvillohet ‘online’ mes gjashtë vende nga Ballkani Perëndimor, përfshirë këtu Bullgarinë dhe Greqinë.

Ministri Filipçe në emisionin ‘Rruga drejt’ tha se gjendja epidemiologjike është e ngjashme në gjithë rajonin dhe kjo balancë do të mund të liberalizojë kalimin në kufij dhe lëvizjen e lirë në vendet e rajonit.

Një nga kushtet është edhe heqja e PCR testimet në mënyrë që të kalohet kufiri.

Cakaj: Qeveria e Shqipërisë do të ndajë mjetet financiare për hapjen e zyrës së KNSH – së në Medvegjë

Postimi i plotë

Edhe një punë fort domethënëse për Luginën e Preshevës

Pas mbështetjes financiare për shpërndarjen falas të materialeve shkollore për nxënësit shqiptarë në Luginën e Preshevës, Qeveria e Shqipërisë tani ka vendosur të ndajë edhe mjetet e nevojshme financiare për hapjen e zyrave të Këshillit Kombëtar Shqiptar në Medvegjë.

Shqiptarët e Medvegjës, sot, kanë nevojë të jashtëzakonshme për praninë e Këshillit dhe mbështetjen e Shqipërisë, veçanërisht në përballjen e tyre me çështjen e pasivizimit të adresave dhe para sfidës madhore për ruajtjen e gjuhës shqipe si gjuhë zyrtare.

Ndaj, përballë këtyre sfidave historike të shqiptarëve të Medvegjës, ne duhet të marrim përgjegjësitë politike për t’i mbështetur edhe institucionalisht ata.

Mbështetja e Shqipërisë për hapjen e zyrave të Këshillit Kombëtar Shqiptar në Medvegjë është e domosdoshme, por e pamjaftueshme. Kjo shënon thjesht fillimin e një pune më të thellë e sistematike për ruajtjen e të drejtave e mbështetjen e fortë edhe për shqiptarët e Medvegjës…

#JemiNjë

Si u zbulua dhe parandalua “skandali” me mjetet e mediave në komunën e Buajnocit?

3 milion dinarët nga 5 sa janë paraparë gjithsejë për media nga buxheti i komunës së Bujnaocit për vitin 2020 për pak sa nuk u avulluan në llogari të vetëm 4 mediave, kjo siç ka mësuar lajmi-AL nga burimet e sigurta brenda Administratës komunale, ish-Kryetarit të komunës së Bujanocit Shaip Kamberit i shpëtoi për një fije floku gjithashtu edhe mediave të “përzgjedhura”.

Cila ishte baza ligjore apo edhe morale që mjetet e parapara për media nga buxheti komunal ti ndahen pothuajse në mënyrë të fshehtë nga opinion dhe pa konkurs, (vetëm me një fjali të konkluzionit) katër mediave në komunën e Buajnocit këtë më së miri mund ta shpjegojë ish-Kryetari i komunës Shaip Kamberi dhe ish-Kryeshefi tashmë në dorëheqje Fadil Aliti i cili përmes një konkluzioni ishte autorizuar nga Kamberi për të lidhë kontratat me mediat për ndarjen e mjeteve financiare në shumë prej 3 milion dinarëve, mjete këto nga buxheti komunal të parapara për media, konkluzion të cilin e kishte miratuar Kamberi më 21 korrik të këtij viti, një ditë para se KK në seancën konstituive ta emrojë Nagip Arifin Kryetarë të komunës së Buajnocit.

Megjithëse në opinion ishte bërë e ditur nga përbërja e kaluar se komisioni për vlerësimin e projekteve për media që kishin konkuruar në konkursin për media të komunës së Buajnocit, muaj më parë ishte shpërbërë për shkaqe përsonale të kryetares së komisionit, kjo nënkupton se projektet për media ligjërisht nuk janë shqyrtuar nga komisioni përgjegjës sepse nuk kishte një të tillë.

Çështje me të cilët duhet të merren organet e drejtësisë është fakti se në çfar mënyre u përzgjodhën 4 mediat, 3 në gjuhën shqipe që në bazë të kontratës së nënshkruar do të përfitonin nga 800.000 dinarë secila dhe një në gjuhën serbe e cila kishte synim të përfitonte 600.000 dinarë.

Edhe përkundër mungesës së komisionit ish-kryeshefi Aliti më 22 korrik pikërisht në ditën e mbajtjes së seancës konstituive kishte lidhur kontrata me 4 mediat në shumën e lartpërmendur, por që në mungesë të mjeteve financiare, Kamberi më 23 korrik kur më nuk ishte Kryetar sepse një ditë më parë KK e kishte emruar Nagip Arifin për kryetarë të komunës së Bujnaocit kishte nënshkruar urdhëresat që këtyre mediave ti paguhen nga 500.000 dinarë.

Po të njetën ditë kur janë nënshkruar urdhëresat personi në shërbimin e financave (i njohur për redaksinë) ka “lëshuar një gabim pa dashje” i cili nuk ka lejuar që pagesat të kalojë te thesari dhe kështu kjo procedurë ka mbetur të kryhet për 24 korrik.

Për fat të mirë të mediave në komunën e Buajnocit, i sapozgjedhuri në postin e të parit të komunës Nagip Arifi më 24 korrik arrinë që ta parandalojë një gjë të tillë por edhe gjitha pagesat tjera, sepse tashmë në duart e tij e kishte dekretin që ia dha KK për ta menaxhuar buxhetin e komunës së Buajnocit.

Disa javë pasi kjo ishte parandaluar Lajmi-AL ka mësuar se ish-Kryeshefi Fadil Aliti i ka shfuqizuar vendimet që kishte nënshkruar me mediat, vendime këto që ishin lidhur pa kurfar konkursi apo komisioni për vlerësim të projekteve, vetëm në bazë të një konkluzioni me një fjali të vetme e cila i dedikohej pandemisë së Covid-19. 

Mediat që kanë nënshkruar kontrata me ish-Kryeshefin janë, Luginalajm 800.000 dinarë, Folonline 800.000 dinarë, Spekt 800.000 dinarë dhe Bujanovaçke në gjuhën serbe 600.000 dinarë.

Veç tjerash vlenë të përmendet, kur dhe cilat media kanë raportuar për mbledhjen e Këshillit Komunal në të cilën është aprovuar Konkluzioni i cili thirret në mbledhjen e Këshillit Komunal, nëse është mbajtur kjo mbledhje?/Ljamial/

Reagon PD: Viktimizimi vazhdon të mbetet arma e vetme e PVD-së

Partia Demokratike njofton gjithë opinionin se me ardhjen e saj në pushtet ka jetësuar vullnetin e qytetarëve shqiptarë të komunës së Bujanocit për të bashkëqeverisur me partitë politike shqiptare për katër vitet e ardhshme. Për këtë gjë kemi pasur takime të shumta në zyrën e PD-së, e gjithashtu bisedimet i kemi vazhduar edhe në Tiranë, ku jemi dakorduar për të bashkëqeverisur në interes të të gjithë qytetarëve.

Andaj, në këtë drejtim Partia Demokratike që nga marrja e mandatit ka filluar menjëherë të punojë në interes të qytetarëve duke filluar me realizimin e projekteve të mbetura për vite të tëra gjatë qeverisjes së kaluar. Për vetëm 50 ditë të qeverisjes kemi arritur që të përfundojmë rrugën Muhoc – Zarbincë, rrugë kjo që u politizua aq shumë, e që kishte edhe raste të dyshimta korrupcioni gjatë mandatit të kaluar. Shumë shpejt do të rregullojmë edhe problemin e rrymës në fshatin Bilinicë, që u neglizhua nga pushteti i kaluar pa ndonjë arsye të theksuar. Po përmirësojmë gjendjen në N.P Komunalia, ku në qeverisjen e kaluar ishte pranë kollapsit. Paguam bursat e studentëve në vlerë prej 85.000 eurove, të cilët ju i premtuat që nga janari i këtij viti, e që patët për synim t’i shfrytëzoni për qëllime paraelektorale. Këto ditë do t’i paguajmë edhe ata praktikantë që kanë punuar edhe gjatë pandemisë, e ju i latë nën mëshirën e fatit pa asnjë dinarë. Për punën tonë 50 ditëshe po flasin të gjithë qytetarët.

Një pjese të PVD-së me gjasë po i pengojnë sukseset tona, dhe ka riaktivizuar armën e tyre të vetme ‘’viktimizimin’’. Partia Demokratike vlerëson si gjest jo korrekt që të dilet në rrjetet sociale me reagime kundër PD-së, kurse në anën tjetër anëtarët e Këshillit Komunal të komunës së Bujanocit vazhdojnë të votojnë unanimisht të gjitha vendimet. Deri më sot, edhe këshilltarët e Kuvendit Komunal kanë ngritur dorën për ‘’diktatorin provincial’’ siç po e quani ju.

Por, kryetari i komunës z.Nagip Arifi, kurse për ju ‘’diktator provincial’’ po udhëheq me sukses pushtetin, por ai asnjëherë nuk pranon që dikush të marrë rroga duke ndejtur nëpër kafiteri, praktikë kjo e juaja e kahmotshme, nuk pranon që dikush të mos vijë në punë përshkak gjendjes shëndetësore, kurse gjithë ditën endet rrugëve dhe kafiterive të qytetit. Të sëmurët ose qëndrojnë në shtëpi, ose në spital.

E kuptojmë brengën tuaj që dëshironi të viktimizoheni, pasi që keni frikën se do t’ju dalin në shesh të gjitha malverzimet që i bëtë gjatë mandatit të kaluar. I kemi parë maskarallëqet e juaja përmes faturave ku keni shpenzuar shuma marramendëse në dreka e darka, keni dhënë vendime për përfituesit e bujqëve ende pa u hapur kërkesat se kush ka aplikuar, keni tentuar që jashtëligjshëm t’i ndani mjetet për informim në ditën konstituive të Kuvendit. Keni bërë ç’mos, por për hir të unitetit nuk i bëmë publike. Nuk do të lodhemi shumë për të bëmat tuaja, ngaqë ato i vlerësuan qytetarët në ditën e votimit.

Sa i përket asaj se ne paskemi të preferuar partinë SNS, ju kujtojmë se ishte kryetari i PVD-së po ai që po dëshiron me çdo kusht të bëhet pjesë e qeverisë së Serbisë që udhëhiqet nga SNS. Është po kjo PVD e cila para katër viteve votoi programin e qeverisë së Serbisë ku nënvizonte se Kosova është pjesë e Serbisë.

Prandaj, Partia Demokratike e ka guximin që keqpërdorimeve dhe hajnive t’i thotë STOP.

Partia Demokratike mendon se ‘’Ditët e mira’’ vijnë me njerëz të përgjegjshëm, duke punuar, e jo duke u viktimizuar nëpër rrjetet sociale.

Partia Demokratike do ta zbatojë marrëveshjen e Tiranës, e jo atë marrëveshje “dy vjet ti, dy vjet unë, e Nagipin ta lëmë në opozitë”. As Tirana zyrtare nuk pranon marrëveshje që keqpërdorimet dhe hajnitë të lejohen edhe më tej sikur kishte ngjarë në mandatin e kaluar.

Mos u viktimizoni në emër të shqiptarisë, të cilën nuk e keni në zemër, pasi që është parë që të gjitha projektet në vendbanimet serbe i keni kryer gjatë mandatit të kaluar, kurse i keni anashkaluar ato në vendbanimet shqiptare.

Kështu që, para se të viktimizoheni, ejani në punë dhe kryeni obligimet që keni marrë. Ejani diskutoni për problemet e qytetarëve aty ku është vendi. Përndryshe, e gjithë kjo lojë e juaja e viktimizimit nuk do të shitet më. Qytetarët e kanë kuptuar më së miri, dhe më së miri e kanë shprehur në kutitë e votimit ditën e 21 qershorit.

Nëse mendoni se për ‘’një pleshtë të digjet jorgani’’, atëherë bëjeni. Sot, pa vonesë.

Shërbimi për Informim i PD-së

Reagim i degës së PVD-së Bujanoc

PVD dhe njerëzit e saj nuk kanë nevojë as arsye të frigohen nga askush, sidomos jo nga një “diktator provincial”.

Është një rregull e pashkruar në parimet e demokracive parlamentare, që “qeverisjes së re i jepen njëqind ditë pa e shqetësuar për të kryer premtimet e dhëna”.

Duke respektuar këtë parim elementar demokratik, pavarësisht se ka pasur nevojë edhe në disa raste të reagohet, nuk kemi reaguar.

Edhe pse i zgjedhur në vendin e të parit të Komunës së Bujanocit me tetë votat e këshilltarëve të PVD-së, Nagip Arifi, nuk ka lënë asnjë rast pa sulmuar apo thumbuar partnerin e kolicionit (PVD-në) për këtë apo atë punë, për këtë apo atë çështje.

Kjo nuk është në etikën e ndërtimit të parteneritetit për bashkëqeverisje të mirë, që është ndër parimet kryesore të “Marrëveshjes së Tiranës”, aq më pak shkon në dobi të ndërtimit të partneritetit shqiptar në Bujanoc.

I pari i komunës së Bujanocit e paska quajtur frikacak kryeshefin e deritashëm për investime, Rahim Salihi, duke harruar që gjithë këto investime që po i kryen këto ditë janë punë të përgatitura nga Rahim Salihi.

Është tepër naive “loja”. Aq naive sa në atë mund të besojnë vetëm ata “gjelat rreth kryetarit azgan”.

Qëllimi i gjithë kësaj parodie është të revoltohet PVD, për tu larguar nga koalicioni në mënyrë që të krijohet hapësirë për të preferurit e kryetarit “SNS”.

Dëshirohet me çdo kusht të përmbyset Marrëveshja e Tiranës, me lojra tinzare e jo me guxim politik. Nëse vërtetë ke guxim prishe Marrëveshjen por lirohu nga politikat tinzare.

PVD dhe njerëzit e saj nuk kanë nevojë as arsye të frigohen nga askush, sidomos jo nga një “diktator provincial”.

Po afrohen 100 ditët dhe po afrohet momenti kur do të të pyesim “ku mbetën Ditët e mira”.

Nëse si “Ditë të mira” e keni menduar asfaltin ua kujtojmë atë parollën tuaj “Asfalti nuk hahet”.

Shërbimi për informim i PVD-së

Ministrja Shahini shprehet e lumtur me shpërndarjen e librave shqip në Luginë

Ministrja e Arsimit e Shqipërisë, Besa Shahini, është shprehur e lumtur me nisjen e aktivitetit të shpërndarjes së librave shqip për nxënësit në Luginë të Preshevës.

“Jam e lumtur teksa Këshilli Kombëtar Shqiptar në Serbi ka nisur shpërndarjen e librave shqip falas nga Shqipëria për rreth 4 mijë nxënësit e Preshevës, Bujanocit dhe Medvegjës, një kontribut ky i rëndësishëm i qeverisë shqiptare nëpërmjet përpjekjeve të vazhdueshme të Ministrisë së Arsimit, Sportit dhe Rinisë”, ka thënë Shahini, transmeton Klan Kosova.

“Kjo ditë e shumëpritur për të gjithë, le të jetë një ogur i mirë i punëve të dobishme që çojnë në rritjen e arsimit cilësor në gjuhën shqipe”.

N.P Komunalia zgjidh problemin shumëvjeçar me punëtorët e vet

Udhëheqësia e re e NP Komunalisë në bashkëpunim me kryetarin e komunës së Bujanocit Nagip Arifi kanë dhënë rezultatet e para në dobi të punëtorëve. Pas shumë viteve probleme mes udhëheqësisë së NP Komunalisë dhe sindikatës së punëtorëve të kësaj ndërmarrje, më në fund është gjetur zgjidhja.

73 punëtorë të Komunalisë kishin paditur ndërmarrjen në fjalë përshkak të mospagesës së regresit dhe shujtave, të cilat nga 1 janari 2020 me ligj i takojnë punëtorëve. Pas neglizhencës së udhëheqësisë së kaluar të Komunalisë, udhëheqësia e re e NP Komunalisë në bashkëpunim me kryetarin e komunës së Bujanocit Nagip Arifi kanë arritur që të bien dakord me sindikatën e punëtorëve të Komunalisë që t’i tërheqin paditë, dhe t’ju paguhen shujtat dhe regresi për punëtorët që nga 1 janari 2020 e këndej.

Kjo njëherit përbën një hap të rëndësishëm drejt normalizimit të kësaj ndërmarrje, dhe ndihmon në shmangien e kolapsit financiar të shkaktuar gjatë katër viteve të kaluar.

Me këtë rast, të gjithë punëtorëve të NP Komunalisë tash e tutje do t’ju paguhen shujtat dhe regresi të garantuara me ligj, kurse gjithashtu do t’ju kompenzohen me këste edhe muajt të cilët nuk i pranuan.

Ambasadori amerikan në Beograd paralajmëron “ditë të mrekullueshme” për Kosovën e Serbinë

Anthony Godfrey, ambasadori amerikan në Serbi, ka paralajmëruar se e premtja do të jetë një “ditë e mrekullueshme për Kosovën dhe Serbinë”.

Në një postim në Twitter, teksa ka shpërndarë agjendën e presidentit amerikan Donald Trump që sot do të takohet me krerët e Kosovës dhe Serbisë, për të nënshkruar marrëveshjen për të cilën janë dakorduar të enjten.

“Ditë e mrekullueshme për Serbinë dhe Kosovën. Normalizimi ekonomik do të thotë punë për të rinjtë, investime të reja, e ekonomi më të qëndrueshme dhe të fortë. Njerëzit në Kosovë dhe Serbi e meritojnë një standard më të mirë jetese. Mirëpresim përpjekjet e liderëve të Serbisë dhe Kosovës në kërkim të paqes, pajtimit e normalizimit ekonomik”, ka shkruar Godfrey.

Marrëveshja mes Kosovës e Serbisë pritet të nënshkruhet rreth orës 17:00 sipas kohës sonë lokale. Ajo do të nënshkruhet në Shtëpinë e Bardhë, një ditë pas nisjes së diskutimeve me ndërmjetësues SHBA-në.

Pas takimit të së enjtes, kryeministri i Kosovës, Avdullah Hoti, e cilësoi marrëveshjen hap të madh përpara drejt marrëveshjes finale, ndërsa presidenti serb, Aleksandar Vuçiq, kishte thënë se në takim i ishte ofruar një pikë për ta njohur Kosovën, por kjo ka thënë se është refuzuar.

Konfirmohet: Trump merr pjesë në takimin e Hotit dhe Vuçiqit

Presidenti i Shteteve të Bashkuara të Amerikës (SHBA), Donald Trump, do të marrë pjesë në takimin e Kryeministrit të Kosovës, Avdullah Hoti, dhe Presidentit të Serbisë, Aleksandar Vuçiq, njofton Klan Kosova.

Këtë e bënë të ditur nga Shtëpia e Bardhë me anë të një njoftimi, sipas të cilit, Trump do të jetë pjesë e takimit në momentin e nënshkrimit të marrëveshjes, në orën 11:00 me orë lokale, që në Kosovë i bie të zhvillohet takimi në ora 17:00.

Pas kësaj thuhet se Trump do të mbajë një takim privat i cili është trilateral me Hoti dhe Vuçiqin. Në këtë njoftim nuk është përmendur se çfarë lloji marrëveshje pritet të nënshkruhet.

Po ashtu gjatë ditës së djeshme ka pasë takime në mes dy delegacioneve atij të Kosovës dhe të Serbisë me delegacionin e Shtëpisë së Bardhë, ku pjesë ishte edhe Richard Grenell, emisari për dialog i SHBA-së, Këshilltari për Siguri Kombëtare në SHBA, Robert O’Brien dhe në pjesën e dytë të takimit ishte edhe vajza e Trump, Ivanka.

Kryeministri i Kosovës, Avdullah Hoti pas takimit të djeshëm, ka thënë se kanë bërë një hap të madh drejt përmbylljes së marrëveshjes finale.

Shqiptarët e Luginës së Preshevës nuk presin që të jenë pjesë e qeverisë serbe

Përfaqësuesit e shqiptarëve në Luginën e Preshevës, nuk janë optimistë se do të mund të bëhen pjesë e qeverisë së re të Serbisë.

Ata thonë se shqiptarët gjithmonë kanë qenë të gatshëm të punojnë për të drejtat e tyre në këtë pjesë të Serbisë.

Kryetari i Komunës së Bujanocit, Nagip Arifi, i cili vjen nga Partia Demokratike, tha për Radion Evropa e Lirë, se shqiptarët e luginës kanë shprehur vullnet që të jenë pjesë e qeverisë së re me kusht që të avancohen të drejtat politike dhe individuale të shqiptarëve në Luginë e Preshevës.

“Sipas asaj që përmenden shqiptarët në opinion në aspektin negativ nga ana qeveritare e Republikës së Serbisë, nuk kemi ndonjë shpresë se shqiptarët do të jenë pjesë përbërëse e qeverisë së ardhshme”, tha Arifi.

Pas zgjedhjeve të 21 qershorit, presidenti i Serbisë, Aleksandar Vuçiq, ka takuar përfaqësuesit politikë të shqiptarëve. Në ketë takim është thënë se shqiptarët kanë parashtruar kërkesat e tyre për mundësinë e të qenit pjesë e qeverisë. Vuçiq nuk u ka dhënë ndonjë përgjigje në takim, derisa pala shqiptare është në pritje të një ftese tjetër para formimit të qeverisë se re.

Shqiptarët kanë shprehur interesim për të marrë pjesë në qeveri dhe kanë kërkuar Ministrinë e Vetëqeverisjes Lokale, postin e ndihmësministrit të Ekonomisë, atë të Sekretarit të Shtetit në Ministrinë e Arsimit dhe pozicionin e presidentit të Trupit Koordinues.

Edhe kryetari i Këshillit Kombëtar Shqiptar në Luginën e Preshevës, Ragmi Mustafa, tha për Radion Evropa e Lirë, se është shumë e vështirë që shqiptarët të jenë pjesë e qeverisë së re të Serbisë.

“Në këtë drejtim shoh mundësi të vogla minimale. Megjithatë, konsideroj se shqiptarët do të duhej të kenë një qasje pragmatike në drejtim të zgjidhjes së problemeve jetike. Për ne është e rëndësishme kjo që përfaqësuesit tanë të përfaqësojnë interesat e shqiptarëve të Luginës së Preshevës”, tha Mustafa.

Mustafa theksoi se nëse Partia Përparimtare e udhëhequr nga presidenti aktual në Serbi, Aleksandar Vuçiq, do të ndryshojë diskursin e deritanishëm me shqiptarët në Serbi, duhet që ata të përfshihen në qeveri.

Edhe Kujtim Sadriu, drejtor i Qendrës për Kërkime dhe Monitorim në Preshevë, i tha Radios Evropa e Lirë se nuk pritet që shqiptarët të jenë pjesë e Qeverisë së Serbisë, e as të marrin poste ministrore.

Megjithatë, ai thotë se njeri nga deputetët e zgjedhur shqiptar për parlamentin e Serbisë [Shaip Kamberi], mund të bëhet pjesë e qeverisë.

“Serbia nuk është në atë gjendje t’i ofrojë shqiptarëve ndonjë pozitë çfarëdo qoftë në qeverinë e ardhshme. Mund të ketë ndonjë pozitë ose që ndonjë nga shqiptarët të jenë pjesë e Këshillit të Arsimimit siç kanë qenë çdo herë, deri aty, a më lartë ndonjë pozicion nuk e besoj që Qeveria e Serbisë të jap. Partia për veprim Demokratike i pranon këto pozita të vogla që janë për arsye partiake dhe farefisnore e jo për interesa të shqiptarëve të Luginës së Preshevës”, tha Sadriu.

Deklarime se Partia për Veprim Demokratike, mund të marrë ndonjë pozitë edhe nëse partitë e tjera nuk hynë në koalicionin qeverisës në Serbi, janë hedhur poshtë nga vet kryetari i kësaj partia Shaip Kamberi.

“Kërkesa jonë primare ka të bëjë me planin shtatë pikësh. Nëse nuk kemi përgjigje konkrete, jo partia jonë, nuk e besoj që as deputetët e partive të tjera do të pranojnë të jenë pjesë e asaj qeveria”, tha Kamberi.

Plani shtatëpikësh ka të bëjë me marrjen e masave urgjente për të përmirësuar kushtet dhe pozicionin e komunitetit shqiptar në Luginën e Preshevës, realizimin e të drejtave kolektive dhe integrimin e mëtutjeshëm në institucionet e sistemit – policia, gjyqësori dhe arsimi.

Pesë parti politike shqiptare në komunat në jug të Serbisë, në Preshevë, Medvegjë e Bujanoc – që njihet edhe si Lugina e Preshevës – në zgjedhjet e 21 qershorit kanë marrë pjesë në zgjedhjet e Serbisë duke garuar me një listë të unifikuar zgjedhore. Si rezultat i këtij uniteti, shqiptarët kanë siguruar tri ulëse në Kuvendin e Serbisë.