Fakulteti ekonomik i Suboticës dega në Bujanoc ka filluar procedurat për regjistrimin e studentëve të rinj për vitin akademik 2020/2021.
Shërbimi i këtij fakulteti njofton të gjithë të kandidatët e interesuar se dorëzimi i dokumentacionit për regjistrim në vitin e parë pranë këtij fakulteti bëhet më datë 24, 25 dhe 26 qershor të vitit 2020.
Kandidatët e interesuar do të kenë mundësinë te regjistrohen në drejtimin Menaxhment.
Pas verifikimit të dokumentacionit, provimi pranues do të mbahet më datë 2 korrik 2020, ndërsa 90 studentët e parë që do të regjistrohen do të financohen nga buxheti i Ministrisë së Arsimit, Shkencës dhe Teknologjisë.
