Ndryshimet kandrovike në Ndërmarrjen Publike Komunalia, përveç risive që kanë sjellë në menaxhimin e brendshëm të ndërmarrjes, ndryshimet janë të dukshme edhe në menaxhimin e jashtëm, sikurse përmirësimi i furnizimit me ujë të pijshëm, menaxhimin e mbeturinave, pastërtinë e qytetit e parasegjithash sanimin në mënyrën më të mirë të mundshme të deponisë.
Pas shuarjes së ish-ndërmarrjes Drejtoratit për Ndërtim menaxhimi i parkingjeve publike në qytet ka kaluar në kompetencë të NP Komunalia.
Së fundmi inkasantët e parkingjeve janë angazhuar maksimalisht që ky shërbim të jetë efikas, gjegjësiht çdo kush që dëshiron që veturën e tij ta ketë në vend të sigurt gjegjësisht në një parking publik atëherë duhet të kryej edhe pagesën e paraparë.
Shërbimi i parkingjeve njoftonë të gjithë shoferët se çdo hapsirë e shënuar për parking do të jetë me pagesë dhe se inkasantët nuk do të bëjnë lëshime për askend në këtë drejtim.
Përpos inkasantëve kontrolla do të ketë edhe nga udhëheqësit e këtij sektori me qëllim të zbatimit në mënyrë sa më të drejt të këtij aktiviteti.
NP Komunalia njoftonë shoferët se në rast të mos pagesës së parkingut, tiketa e vendosura nga inkasantët janë plotëfuqishme dhe ato shqiptohen në baz të ligjit.
