Në kuadër të aktivitetit të përfaqësuesve të Konferencës së përhershme të qyteteve dhe komunave (SKGO) lidhur me përgatitjen e anëtarëve të grupeve punuese të komunave të Rrethit të Pçinjës, komuna e Preshevës ka qenë nikoqire e punëtorisë së parë. Në këtë punëtori kanë marrë pjesë përfaqësuesit e grupeve të punës për përpilimin e Planit të shëndetit publik të komunave Rrethit të Pçinjës, si dhe përfaqësuesit e Entit të shëndetit publik me seli në Vranjë. Në kuadër të këtij aktiviteti parashihet që komunat pjesëmarrëse të këtij programi, deri në korrik të këtij viti, të hartojnë Planet e shëndetit publik për periudhën vijuese, me qëllim të listimit të aktiviteteve dhe planifikimit të mjeteve buxhetore për realizimin e këtyre planeve. Hartimi i Planit të shëndetit publik është obligim ligjor për komunat, në bazë të Ligjit të shëndetit publik.
