Këshilli i Evropës ka vendosur t’i hap negociatat me Maqedoninë e Veriut dhe Shqipërinë.

Gjatë takimit, që u mbajt përmes një video-konference për shkak të pandemisë së Covid-19, ministrat e jashtëm të vendeve anëtare të BE-së, e mbështetën unanimisht propozimin përmes një procedure të shkruar.

“Këshilli i Evropës përfundimisht arriti të jep përgjigje për pritjet e vendve të Ballkanit Perëndimor dhe qytetarëve të tyre, që kanë pritur kaq gjatë që diçka pozitive të ndodhë. Ky akt tani është shumë domethënës. Jo sepse u dëshpëruam nga vendimi i Këshillit në tetor, por pasi Evropa dhe bota tani janë në një moment të padëshirueshëm. Drita e gjelbër për të filluar negociatat me Maqedoninë e Veriut dhe Shqipërinë, tregon se Evropa mund të merr vendime edhe në kohë krizash”, thotë anëtari i Parlamentit Evropian, Ilhan Kyuchyuk, njofton Telegrafi Maqedoni.

Sipas tij i cili është raportues për Maqedoninë e Veriut, BE nuk ka mundur ta lë vetëm rajonin në këtë moment krize.

“Së bashku me disa kolegë të Parlamentit Evropian, kemi kërkuar nga Komisioni Evropian të propozojë masa efektive për të mbështetur Ballkanin Perëndimor në luftën e tyre ndaj coronavirusit. Jam i kënaqur që kjo çështje është diskutuar edhe në takimin e Këshillit, si nevojë urgjente për nevojat e rajonit”, thotë Ilhan Kyuchyuk.

Për vendimin pozitiv të Këshillit të Evropës ka njoftuar edhe komisioneri për zgjerim, Oliver Varhalyi.

“Shumë i kënaqur që vendet anëtare të BE-së arritën sot një marrëveshje politike për hapjen e bisedimeve të anëtarësimit me Shqipërinë dhe Maqedoninë e Veriut. Unë i uroj me gjithë zemër të dy vendet. Ky është një mesazh se Ballkani Perëndimor: E ardhmja juaj është në BE”, ka shkruar Varhelyi.

Ndërsa ka reaguar edhe ministri gjerman për Punë të Jashtme dhe Evropë, Michaell Roth.

Ai shkruan se ky vendim është “win-win” për Bashkimin Evropian dhe Ballkanin Perëndimor./Telegrafi/

Ambasadorja e Francës dhe ambasadori i Gjermanisë i kanë bërë thirrje LDK-së që të rishqyrtojë votimin e mocionit të mosbesimit dhe të ruajnë qeverinë.

Në një deklaratë të përbashkët ambasada e Francës dhe Gjermanisë kanë kërkuar që të ruhet besimi i qeverisë dhe të jenë krah popullit në këtë krizë.

“Qëndroni në krah të popullit të Kosovës në këtë krizë. Ftojmë LDK-në të rishqyrtojë votimin e mosbesimit dhe të ruajë besimin dhe qeverinë e qëndrueshme për t’u përballur me sfida”, thuhet në deklaratën e tyre. 

Kryeministri i Republikës së Kosovës, Albin Kurti, ka mbajtur një konferencë për media nga Ministria e Shëndetësisë, duke bërë thirrje për respektim strikt të rekomandimeve për higjienë dhe shmangie të grumbullimeve dhe kontakteve të ngushta, raporton Gazeta Express.

Kurti ka thënë se të vërtetën për koronavirusin do ta njohim vetëm në dy javët që po vijnë, ndërkohë thotë se duhet të respektohen masat në mënyrë që të mos përsëriten tragjeditë që po i pësojnë shtetet tjera.

Një pjesë e fjalimit të Kurtit:

Konferencave në ambient të mbyllur iu erdhi fundi, së shpejti do të na duhet që edhe këto konferenca të hapura ti përfundojmë, të komunikojmë vetëm përmes interentit, pasi cdo grumbullim paraqet rrezik”.

Kemi kaluar shumë kriza si popull, por kjo ësht ënjë krizë që s’jemi përballur. Duhet ta mbajmë si gjendje, dhe të mos e lejojmë të kthehet në krizë të pakthyeshmë. Ta frenojmë përhapjen e virusit COVID-19 dhe ta mbajm në funksion systemin shëndetësor.

Shpresojm që gjendja të mos rëndohet në javët në vijim, por nga ajo cfarë kemi parë ne Evropë, kurba e përhapjes së virusit po zgjërohet. Duhet ta frenojmë sa më shumë, duke qëndruar në shtëpi dhe duke shmangur kontatket.

Na duhet diciplinë, higjienë dhe qëndrim në shtëpi.

Rri i pastër, rri në distancë, rri në shtëpi.

Le të mësojmë nga fatkeqësitë e shteteve të tjera, që të mos e pësojmë edhe këtu tek ne.

Në dy javët e ardhshme do ta njohim të vërtetën e përhapjes së COVID-19.

Kryetari i Lidhjes Demokratike të Kosovës, Isa Mustafa, e ka quajtur të papranueshëm vendimin e kryeministrit Albin Kurti për shkarkimin e ministrit Agim Veliu.

Mustafa ka thënë se vendimi i Kurtit për shkarkimin e ministrit Veliu është shkelje e marrëveshjes së koalicionit.

Ai gjithashtu i ka dhënë Kurtit kohë që deri në fund të javës të anulojë vendimin për shkarkimin e Veliut, si dhe ta largojë taksën 100 për qind.

“Për mua dhe LDK-në është i papranueshëm shkarkimi i Ministrit të Punëve të Brendshme dhe Administratës Publike, z. Agim Veliu. Kjo është shkelje e Marrëveshjes së koalicionit. Me marrëveshje kemi përcaktuar se ministrat mund të shkarkohen nga Kryeministri në konsultim me Kryetarin e subjektit politik me të cilin është bërë koalicioni, bazuar në një arsyetim që e pranon Kryetari i LDK-së”, ka thënë Mustafa në reagimin e tij në Facebook.

Mustafa ka pohuar se si kryetar i LDK-së, nuk është konsultuar me kryeministrin Kurti dhe se nuk i pranon arsyet e tij publike.

“Kërkoj nga Kryeministri të anuloj vendimin për shkarkimin e z. Veliu dhe të merr vendim për heqjen e taksës deri në fund të javës. Veprimet e njëanshme të Kryeministrit janë të dëmshme dhe të papranueshme dhe qojnë në prishje të koalicionit”, ka pohuar Mustafa.

Ndryshe, kryeministri i Kosovës, Albin Kurti, ka shkarkuar sot Agim Veliun nga pozita e tij si ministër i Punëve të Brendshme. Kurti ka shkarkuar Veliun pas deklaratës së tij lidhur me pandeminë e coronavirusit.