Kryeministri i Republikës së Kosovës, Albin Kurti, ka mbajtur një konferencë për media nga Ministria e Shëndetësisë, duke bërë thirrje për respektim strikt të rekomandimeve për higjienë dhe shmangie të grumbullimeve dhe kontakteve të ngushta, raporton Gazeta Express.

Kurti ka thënë se të vërtetën për koronavirusin do ta njohim vetëm në dy javët që po vijnë, ndërkohë thotë se duhet të respektohen masat në mënyrë që të mos përsëriten tragjeditë që po i pësojnë shtetet tjera.

Një pjesë e fjalimit të Kurtit:

Konferencave në ambient të mbyllur iu erdhi fundi, së shpejti do të na duhet që edhe këto konferenca të hapura ti përfundojmë, të komunikojmë vetëm përmes interentit, pasi cdo grumbullim paraqet rrezik”.

Kemi kaluar shumë kriza si popull, por kjo ësht ënjë krizë që s’jemi përballur. Duhet ta mbajmë si gjendje, dhe të mos e lejojmë të kthehet në krizë të pakthyeshmë. Ta frenojmë përhapjen e virusit COVID-19 dhe ta mbajm në funksion systemin shëndetësor.

Shpresojm që gjendja të mos rëndohet në javët në vijim, por nga ajo cfarë kemi parë ne Evropë, kurba e përhapjes së virusit po zgjërohet. Duhet ta frenojmë sa më shumë, duke qëndruar në shtëpi dhe duke shmangur kontatket.

Na duhet diciplinë, higjienë dhe qëndrim në shtëpi.

Rri i pastër, rri në distancë, rri në shtëpi.

Le të mësojmë nga fatkeqësitë e shteteve të tjera, që të mos e pësojmë edhe këtu tek ne.

Në dy javët e ardhshme do ta njohim të vërtetën e përhapjes së COVID-19.

Kryetari i Lidhjes Demokratike të Kosovës, Isa Mustafa, e ka quajtur të papranueshëm vendimin e kryeministrit Albin Kurti për shkarkimin e ministrit Agim Veliu.

Mustafa ka thënë se vendimi i Kurtit për shkarkimin e ministrit Veliu është shkelje e marrëveshjes së koalicionit.

Ai gjithashtu i ka dhënë Kurtit kohë që deri në fund të javës të anulojë vendimin për shkarkimin e Veliut, si dhe ta largojë taksën 100 për qind.

“Për mua dhe LDK-në është i papranueshëm shkarkimi i Ministrit të Punëve të Brendshme dhe Administratës Publike, z. Agim Veliu. Kjo është shkelje e Marrëveshjes së koalicionit. Me marrëveshje kemi përcaktuar se ministrat mund të shkarkohen nga Kryeministri në konsultim me Kryetarin e subjektit politik me të cilin është bërë koalicioni, bazuar në një arsyetim që e pranon Kryetari i LDK-së”, ka thënë Mustafa në reagimin e tij në Facebook.

Mustafa ka pohuar se si kryetar i LDK-së, nuk është konsultuar me kryeministrin Kurti dhe se nuk i pranon arsyet e tij publike.

“Kërkoj nga Kryeministri të anuloj vendimin për shkarkimin e z. Veliu dhe të merr vendim për heqjen e taksës deri në fund të javës. Veprimet e njëanshme të Kryeministrit janë të dëmshme dhe të papranueshme dhe qojnë në prishje të koalicionit”, ka pohuar Mustafa.

Ndryshe, kryeministri i Kosovës, Albin Kurti, ka shkarkuar sot Agim Veliun nga pozita e tij si ministër i Punëve të Brendshme. Kurti ka shkarkuar Veliun pas deklaratës së tij lidhur me pandeminë e coronavirusit.

Qeveria e Malit të Zi ka njoftuar se 2 persona kanë dalë pozitiv në koronavirus.

Kryeministri Dusko Markovic njoftoi se të prekura janë dy gra të moshës 72 vjeç dhe 47 vjeç.

Të prekurat kishin histori udhëtimi. Së fundi ato ishin kthyer nga Amerika, përkatësisht Spanja.

Spanja pas Italisë është vendi më i prekur nga koronavirus në Europë. Ndërkohë SHBA ka kaluar shifrën e 5 mijë të prekurve.