Drejtori i Interit, Beppe Marotta po konsideron trajnerët Antonio Conte ose Massimiliano Allegrin për sezonin e ardhshëm.

Sipas gazetës Tuttusport, Luciano Spalletti do të zëvendësohet gjatë verës dhe Marotta po kërkon opsione te klubin e tij i vjetër, Juventusi.

Conte është lidhur me stolin e Interit disa herë që nga përvoja e tij e keqe në Chelsea, ndërsa Roma është gjithashtu e interesuar në shërbimet e tij.

Burime të shumëfishta gjithashtu kanë theksuar së fundmi se ky është sezoni i fundit i Allegrit te Juventusi, pavarësisht rezultateve në Ligën e Kampionëve.

Tuttosport pretendon se Interi mund të hapë dyert e tij për Allegrin për një sfidë të re, edhe pse do të ishte një surprizë e madhe për trajnerin që të kalonte te rivalët e Juventusit.

Do të ishte gjithashtu edhe një çështje tjetër për shkak se Allegri ka punuar për disa vite te rivalët tjerë të Interit, Milanin.

Nëse Allegri largohet nga Juventusi, ai pritet të ketë interesim edhe nga klubet jashtë vendit, si Manchester Unitedi dhe Real Madridi.

Ndërkohë, mediumit tjetër Corriere dello Sport pohon se Zinedine Zidane nuk është e vetmja mundësi për të zëvendësuar Allegrin në Juve sezonin e ardhshëm.

Kjo gazetë sugjeron një rikthim të Contes, i cili ishte larguar në vitin 2014 nga Zonja e Vjetër.

Kampionati amerikan nis këto ditë dhe dukej se shqiptari i vetëm i mbetur në MLS, Shkëlzen Gashi, po rikthehej protagonist pas një viti plot dëmtime, por sot ka ardhur befasia: sulmuesi largohet zyrtarisht nga Colorado Rapids!

Ka qenë vetë klubi amerikan që e ka lënë jashtë ekipi 30-vjeçarin, në prag të sfidës hapëse të kampionatit, kundër Portland Timbers.

Kjo bën që Colorado të lirojë vend për një futbollist ndërkombëtar, ndërkohë që Gashi ishte “Designated Player”, një ndër tre futbollistët më të shtrenjtë për klubin.

Sulmuesi u transferua te Rapids në vitin 2016, nga Basel, ndërsa shënoi 9 gola e dha 4 asiste në sezonin e parë amerikan (Colorado shkoi në play-off), por më pas rendimenti i tij pësoi rënie graduale, me pak minuta e shumë pak gola.

Gjithsesi, Gashi kishte kontratë edhe për vitin 2019, ndaj Rapids është i detyruar ta paguajë, 1.67 milionë dollarë në bazë të kontratës.

Nëse Gashi nuk gjen ekip të ri në 2019, do të paguhet tërësisht nga Colorado, ndërsa në rast se një klub tjetër i ofron kontratë më të ulët, Gashi do të marrë diferencën nga Colorado.

Paul Pogba ka nisur t’i tregojë vlerat dhe se pse Manchester United e bleu atë për më shumë se 100 milionë euro nga Juventusi.

I kritikuari nga të katërta anët, Paul Pogba, ka shpërthyer me ardhjen e trajnerit të ri, Ole Gunnar Solskjaer.

Pogba, që kaloi kohë të vështira me Jose Mourinhon, ka nisur t’i tregojë vlerat dhe t’i përmirësojë statistikat personale.

Ai ka barazuar rekordin personal për produktivitet, për gola dhe asiste në Ligë në një sezon.

Te Juventusi, sezonin më të mirë në Serie A kishte regjistruar më 2015/16, ku kishte marrë pjesë në 20 gola (8 finalizime dhe 12 asiste).

Këtë shifër e ka arritur këtë edicion pas tri sezoneve në Premierligë.

Me 10 ndeshje deri në fund të edicionit 2018/19, Pogba tashmë ka kontribuar në 20 gola për “Djajtë e Kuq” (11 gola, 9 asiste) dhe duket se do të thyejë gjithçka.

Kurse sa i përket sezonit në përgjithësi, në të gjitha garat, Pogba po kalon më të mirin në karrierë për sa i përket golave, 14 në United, 10 në Juventus – por jo në total.

Ai deri më tani ka kontribuar në 25 gola për “Djajtë e Kuq” në të gjitha garat (11 gola, 14 asiste), kurse me Juven regjistron sezonin më të mirë (10 gola, 16 asiste).

Megjithatë, kanë mbetur edhe më shumë se 10 xhiro në të gjitha ndeshjet dhe është e qartë se Pogba po shkon sigurt drejt statistikave më të mira personale që ka pasur ndonjëherë në një sezon.

25-vjeçari lidhej me një largim të mundshëm nga “Old Trafford” pas teleasheve me Jose Mourinhon, por jo më, jo me ardhjen e Solskjaer. Ai pritet ta veshë për shumë vite fanellën e “Djajve të Kuq.

Liverpooli dhe Manchester City duhet t’i forcojnë dhëmbët deri në fund të edicionit, pasi kanë një orar të ngjeshur në luftën për titull.

Është zgjidhur dilema më e madhe në Premierligë sa i përket titullit të kampionit.

Liverpooli i Jurgen Kloppit, ose Manchester City i Pep Guardiolës – njëra prej këtyre dy skuadrave pritet të ngrejë lart trofeun në fund të sezonit, pasi janë shkëputur tetë pikë nga ndjekësi më i afër, Tottenhami.

“Redsat” prijnë me 69 pikë të grumbulluara, vetëm një më shumë se “Cityzens”, 68.

Kur kanë mbetur edhe 10 xhiro deri në fund të edicionit, Liverpooli dhe Manchester City, duke parë orarin e ndeshjeve – duhet të djersiten shumë për të arritur te titulli.

Prej 10 ndeshjeve, Liverpooli 5 do t’i luajë si mysafirë dhe 5 të tjera në shtëpi, për dallim nga Manchester City, që 6 do t’i luajë si mysafirë dhe 4 në shtëpi.

Nga këto 10 ndeshje, më të vështirat për ekipin e Jurgen Klopp konsiderohen; kundër Tottenham (31 mars, në shtëpi) dhe Chelsea (14 prill, në shtëpi).

Kurse, për Man Cityn e Guardioloës, ndeshjet më të vështira konsiderohen; kundër Tottenham (20 prill, në shtëpi) dhe ndaj Man United (24 prill, në udhëtim).

Të gjitha ndeshjet e Liverpoolit dhe Manchester City deri në fund të edicionit: