13.2 C
bujanovac
Thursday, April 23, 2026
Ballina Blog Faqe 49

Musliu: Le ta vlerësojë populli përse KKSH nuk i dha mirënjohje Jonuz Musliut për kontributin në Referendum

Këshilli Kombëtarë Shqiptarë me rastin e 1 dhe 2 Marsit të vitit 1992 kur shqiptarët e Preshevës, Bujanocit dhe Medvegjës përmes Referendumit i thanë PO, bashkangjitjes me Kosovën, ndau Mirënjohje për përfaqësues të caktuar politik, që në këtë rast ishin PVD dhe UDSH, duke përvetësuar interesin e gjithë popullatës shqiptare të kësaj treve në dy subjekte politike. Presheva.com, për dy ditë radhazi ka kontaktuar persona të cilat më 1 dhe 2 Mars të vitit 1992 kishin dhënë kontributin e tyre të jashtëzakonshëm e të cilët asnjëherë nuk u përmendën në deklaratat e liderëve, të cilët ishin harruar edhe nga KKSH. “Referendumi nuk ka qenë i PVD-së as i PDSH-së edhe pse i përkas njërit prej këtyre subjekteve politike, nuk mund të pajtohem me kryetarin e KKSH Ragmi Mustafën i cili ka bërë selektimin se kujt ti ndahen mirënjohjet.

Kam kontribuar në atë periudhë me të gjitha mundësit që kam patur, kam bartur materialin e votimit me shumë rreziqe sikurse edhe disa shokë të mi. Nuk po i them këto fjalë pse nuk kam marë mirënjohje, po i them sepse disa prej të dekoruarve nga Ragmi Mustafa nuk e meritojnë as edhe një shkronjë të asaj Mirënjohje” është shpehur njëri ndër kontribuesit e Referendumit i njohur për redaksinë, i cili për shkaqe familjare ka dashur të mbesë anonim. Nga ana tjetër gjatë bisedës telefonike me kryetarin e LPD-së Shqiprim Musliun, djalin e atdhetarit Jonuz Musliut, mësuam se, kontributi Jonuz Musliut në Referendumin e 1 dhe 2 Marsit ka qenë i pazëvendësueshëm kontribut i cili vazhdoi edhe gjatë periudhave më pas, deri te lufta e lavdishme e UÇPMB-së, e që u harruar në momentin ku u ndanë mirënjohjet. “Kontributin e Jonuz Musliut le ta vlerësojë popullata, ata e dinë më së miri se sa ka kontribuar babai im. Normal që nuk mund të jemë i kënaqur me anashkalimin në ndarjen e Mirënjohjeve me rastin e Referendumit sepse jetësimin e Referendumit e ka mundësuar UÇPMB dhe kontributin e Jonuz Musliut në këtë drejtim e dinë të gjithë” është shprehur kryuetari i LPD-së Shqiprim Musliu. Vlenë të theksohet se në Akademinë përkujtimore më rastin e përvjetorit të Jonuz Musliut është folur aq shumë për kontributin e tij të dhënë gjatë Referendumit sa që ka qenë e pamundur të harrohet nga KKSH./presheva.com/

Zyrtari amerikan : S’ka vija të kuqe, palët mund të flasin për kufijtë

Shtetet e Bashkuara të Amerikës kanë përsëritur edhe një herë kërkesën e tyre që Qeveria e Kosovës ta suspendojë ose ta heqë përkohësisht tarifën e vendosur ndaj mallrave serbe dhe boshnjake në mënyrë që të rinisë procesi i bisedimeve me Serbinë. Express të hënën ka biseduar me një zyrtar të qeverisë amerikane i cili ka sqaruar edhe çështje tjera aktuale si atë se a kërcënuan amerikanët me largim të ushtarëve nga kampi Bondsteel për shkak se Qeveria po refuzon ta heqë taksën, për investimin e administratës së Trumpit në bisedime, për atë se cilat janë vijat e kuqe të Amerikës në negociata, brenda çfarë afati duhet të arrihet marrëveshja, për kërkesën që Serbia ta njohë pavarësinë e Kosovës dhe mundësinë që e gjithë kjo situatë ta çojë vendin në zgjedhje.

Amerikanët janë duke zhvilluar një aktivitet të dendur diplomatik në përpjekje për ta bindur Kosovën që të hapë rrugë për të rifilluar bisedimet me palën serbe. Të hënën, nga Shkupi një diplomat amerikan, Philip Reeker, i cili së shpejti do të marrë postin e ndihmësekrearit të shtetit për Europë dhe Eurazi ka bërë thirrje që Kosova ta heq menjëherë tarifën dhe të ulet të bisedoj pa kushte. Këtë qëndrim e kishin bërë të qartë edhe dy zyrtarë nga Shtëpia e Bardhë të cilët takuan autoritetet kosovare javën që shkoi.

Nga Amerika së shpejti pritet të vijë edhe një vizitor i nivelit të lartë, Nënsekretari për Çështje Politike në Departamentin e Shtetit, David Hale i cili do t’i përforcojë këto mesazhe.

Të hënën Gazeta ka biseduar me një zyrtar të qeverisë amerikane i cili duke komentuar refuzimin e Kryeministrit Haradinaj ka kërkuar që tarifa të hiqet përkohësisht në mënyrë që të fillojnë bisedimet. Ai po ashtu ka kërkuar edhe nga Serbia hapa konstruktivë për këtë proces. I pyetur nëse ka ndonjë afat të prerë se kur duhet të merret ky vendim nga Qeveria e Kosovës, zyrtari amerikan ka thënë se nuk ka një të tillë.

“S’ka afat, sa më parë që suspendohet tarifa dhe të fillojë dialogu aq më mirë” ka thënë ai.

Vuçiq paralajmëron mundësinë e njohjes së Kosovës

Presidenti serb, Aleksandar Vuçiq, ka lënë të kuptohet se nuk e përjashton mundësinë e njohjes së pavarësisë së Kosovës, por se ka deklaruar se Beogradi duhet të fitojë diçka si kundërshpërblim.

“Para së gjithash ekziston mundësia për kompromis. Nuk mund ta njohim Kosovën, e të mos fitojmë diçka nga pala tjetër”, ka thënë Vuçiq në një intervistë për agjencinë italiane ANSA, shkruan Danasi serb.

Vuçiq po ashtu ka deklaruar se çështja e ndryshimit të kufijve është një temë kontravrese, pasi që nuk i njohin të gjithë kufijtë e njëjtë, varësisht nga ajo nëse e kanë njohur Kosovën ose jo.

“Për dallim nga liderët e Kosovës të cilët çdo ditë po i mashtrojnë qytetarët e tyre me premtime jo reale, se Prishtina do të fitojë gjithçka e Beogradi asgjë, detyrë e imja është që serbëve t’ua shpjegoj kuptimin e kompromisit me Kosovën, i cili nuk përbën as fitore as humbje. Fitore për të ardhmen e Serbisë”, ka thënë tutje Vuçiq.

Vuçiq ka mohuar se ka pasur takime sekrete me presidentin e Kosovës, Hashim Thaçi, siç shkruajnë disa media, dhe i ka përshkruar si “rrenë e kulluar” pretendimet e ekzistimit të një drafti të marrëveshjes mes Kosovës dhe Serbisë, përcjell lajmi.net.

Ai ka përsëritur se dialogu mes Kosovës dhe Serbisë nuk do të vazhdojë derisa qeveria e Kosovës nuk e tërheq taksën prej 100 për qind ndaj mallrave të Serbisë dhe Bosnjës e Hercegovinës

Shtrenjtohen karburantet në Maqedoninë e Veriut

Benzinat në Maqedconinë e Veriut, prej sonte në mesnatë, shtrenjtohen për dy denarë, ndërsa për një denar diseli dhe vaji ekstra i lehtë për amvisëri, vendosi sot Komisioni rregullator për energjetikë.

Çmimi i ri i një litër Eurosuper BS-95 do të kushtojë 64,5 denarë, ndërsa një litër Eurostar BS-98 do të shitet për 66,5 denarë. Për një litër Eurodisel (D-E V) do të paguhet 61 denarë, ndërsa vaji ekstra i lehtë për amvisëri (EL-1) për 49,5 denarë.

Për 0,619 denarë rritet çmimi i mazutit M-1 NS dhe një kilogram nga ai energjens do të kushtojë 32,847 denarë.

Çmimet me pakicë të derivateve të naftës mesatarisht janë rritur për 2,24 për qind, përderisa rritja e çmimeve rafinerike është 3,64 për qind.

KRRE e solli vendimin për çmimet e reja të derivateve në bazë të çmimit mesatar të naftës së papërpunuar në tregun botëror dhe kursin e denarit në raport me dollarin gjatë dy javëve të fundit.

Tuzi me udhëheqës shqiptar, Nikë Gjeloshaj fiton zgjedhjet (Video)

Tuzi për të parën herë i është drejtuar kutive të votimit për të zgjedhur kryetarin e komunës e kjo është konsideruar një ditë historike për shqiptarët që banojnë në Malin e Zi.

Nikë Gjeloshaj ishte kandidati i përbashkët i koalicionit të tre partive: Alternativa Shqiptare, Lidhja Demokratike Shqiptare dhe Unioni Demokratik Shqiptar. Koalicioni “Forumi shqiptar”, gjatë fushatës garoi me parullën “Malësia na bashkon”.

Rezultatet jozyrtare nxjerrin fitues pikërisht Nikë Gjeloshajn, që ka marrë 3682 vota, ose rreth 50% të totalit, raporton TCH.

DSP e Milo Gjukanoviçit ka marrë 2490 vota, ose 31 % të totalit, ndërsa Partia boshnjake ka marrë 960 vota, ose rreth 12 % të totalit.

Vlen të theksohet se është e sigurt tashmë që Nikë Gjeloshaj do të jetë kryetari i ardhshëm i Komunës së Tuzit, por nuk dihet nëse shqiptarët do të arrijnë të marrin shumicën në këshill.

Tuzi bëhet kēshtu komuna e dytë e Malit të Zi, që drejtohet nga shqiptarët, pas komunës së Ulqinit.

Rita Ora publikon këngën “Only Want You”

Këngëtarja shqiptare me famë botërore, Rita Ora, gjatë ditës së sotme ka publikuar këngën “Only Want You”.

Kjo këngë e Ritës erdhi në bashkëpunim me 6Lack.

Kënga u paralajmërua nga vetë këngëtarja disa ditë më parë.

Gjithashtu Rita Ora kishte thënë se në këtë këngë do të ketë një musafir special.

Kënga “Only Want You” është pjesë e albumit të Rita Oras i cili titullohet “Phoenix”

Forcat e mbështetura nga SHBA-ja avancojnë në lindje të Sirisë

Forcat që mbështeten nga Shtetet e Bashkuara, që luftojnë kundër militantëve të Shtetit Islamik në lindje të Sirisë, raportohet se kanë avancuar në zonën e fundit që ekstremistët kanë nën kontroll.

Forcat Demokratike Siriane (SDF) thanë sot se kanë avancuar në dy fronte në Baghouz, në provincën Deir el-Zour.

Zana Amedi nga Forcat Demokratike Siriane tha për agjencinë Associated Press se “një forcë aktive tokësore” po avancon në territoret e kontrolluara nga IS-i, ndërsa ekstremistët po sulmojnë me snajperë dhe me mina tokësore.

AP raporton se dy helikopterë të koalicionit që udhëhiqet nga SHBA-ja, janë parë të kenë fluturuar mbi këtë zonë ku po zhvillohen luftimet. Një shpërthim i fuqishëm është dëgjuar dhe qielli është mbuluar nga tym i zi, që duket të jetë shkaktuar nga një sulm ajror i koalicionit.

SDF më 1 mars rinisi operacionet ushtarake për të çliruar territoret e fundit të kontrolluara nga IS-i në Deir el-Zour, pasi u evakuuan mijëra civilë dhe pengje, që kishin qenë në këtë zonë.

Presidenti i Shteteve të Bashkuara, Donald Trump më 28 shkurt deklaroi se IS-i ka humbur “100 për qind” territorin që dikur kontrollonte në Siri, por zyrtarët vlerësojnë se në Siri gjenden qindra militantë që kontrollojë pjesë të vogla të territorit në Baghouz. /rel

Ushqimet që shërojnë prostatën

Sipas studimeve të fundit, pretendohet se mënyra e ushqyerjes së meshkujve ndikon në rritjen e rrezikut e kancerit të prostatës.

1 – Një program i pasur me fibra, karbohidrate, me pak yndyra dhe proteina ul me 70% rrezikun e kancerit të prostatës. Këtu ka shumë rëndësi lloji i burimit të karbohidrateve. Ndërkohë që karbohidratet komplekse ulin rrezikun, karbohidratet e thjeshta e rrisin atë.

2 – Krahas kësaj edhe konsumimi i tepërt i qumështit rrit rrezikun e kancerit. Studimi ka treguar se vetëm qumështi e rrit këtë rrezik, ndërsa produktet e tij si kosi, djathi, akullorja etj nuk përbëjnë rrezik.

3 – Ashtu si tek sëmundjet e tjera sindroma metabolike ndikon negativisht edhe tek kanceri i prostatës.

4 – Edhe niveli i mineralit kalcium është shumë i rëndësishëm. Personat që kanë një nivel të ulët kalciumi në gjak janë më të rrezikuar nga kanceri i prostatës se ato që kanë një nivel normal.

5 – Tregoni kujdes dhe konsumoni të paktën 2 litra ujë në ditë.

6 – Pakësoni konsumimin e alkoolit dhe pijeve me acidë dhe kafeinë.

7 – Ushqehuni me produkte të pasura me fibra, zarzavate, fruta, bishtajore dhe drithëra.

8 – Minimizoni konsumin e mishit të kuq, përpiquni të konsumoni mishin e pulës dhe peshkun. Acidi omega 3 i gjendur tek peshku mbron ndaj prostatës.

9 – Ushqehuni me produkte të pasura me antioksidues, veçanërisht me likopen dhe vitaminë C të cilët janë dy përbërës shumë të rëndësishëm në luftimin e kancerit. Konsumoni shumë domate dhe shalqi.

10 – Seleniumi njihet si mbrojtës kundër prostatës. Tek personat me probleme të prostatës është vënë re një nivel i ulët seleniumi.

11 – Zinku është një mineral i rëndësishëm për trupin tonë. Mungesa e tij ndikon negativisht në funksionet qelizore.

12 – Mbani gjithmonë në kuzhinën tuaj produkte si brokoli, lakra, lulelakra, grejpfurtin e kuq, shalqirin, domaten, çajin jeshil dhe hudhrën.

Luftoni pagjumësinë me këto metoda natyrale

Nëse vuani nga pagjumësia dhe dëshironi të evitoni medikamentet, ka disa mënyra natyrale që ju vijnë në ndihmë.

Kopra mund të duket si një shtesë e veçantë për lëng, por ka një arsye shumë të mirë për ta provuar.

Kopra përmban eugenol, i cili inkurajon trurin për çlirimin e enzimave që të qetësojnë dhe të relaksojnë, duke ju ndihmuar të flini më shpejt dhe po ashtu të bëni një gjumë të rehatshëm.

Nga ana tjetër, edhe selinoja përmban pthalides, të cilat janë komponimet që ndihmojnë arteriet tuaja të relaksohen, duke ulur tensionin e gjakut. Selino qetëson gjithashtu sistemin tuaj nervor qendror, duke lehtësuar efektet e stresit. Si selino ashtu dhe kopër përmbajnë nivele të larta të kaliumit dhe magnezit, të cilat mund t’ju ndihmojnë të relaksoheni.

ÇFARË E SHKAKTON PAGJUMËSINË

Ka shumë shkaqe të pagjumësisë. Disa janë të përkohshëm, ndërsa të tjerët mund të zgjasin për muaj apo edhe vjet në fund. Kushtet e zakonshme mjekësore, shqetësimet fizike dhe çështje të tjera që mund të kontribuojnë në pagjumësi përfshijnë: · çrregullimet gastrointestinale · alkooli · alergjia · ankthi · artriti · astma · kafeina · dhimbjet kronike · depresioni · kushtet endokrine · dhimbje të ulët mbrapa · orari i punës · stresi Këto janë vetëm disa faktorë që kontribuojnë në pagjumësi. Disa kërkojnë ndërhyrje mjekësore, prandaj vizitoni mjekun tuaj nëse mendoni se mund të jenë pjesë e problemit tuaj. Të tjerët janë mjaft të lehtë për t’u zgjidhur edhe nga ju vetë.

MËNYRA PËR PËRMIRËSIMIN E GJUMIT

Përveç lëngjeve të pijshme për gjumë më të mirë, është mirë të provoni disa nga këto këshilla: · Filloni me identifikimin e shkakut të pagjumësisë nëse mundeni dhe më pas shqyrto nëse ka hapa që mund të ndërmerrni për të përmirësuar situatën tuaj. · Nëse rutina juaj në mbrëmje përfshin shumë kohë para ekranit, është mirë të dini se drita nga ekrani juaj stimulon trurin tuaj dhe nxit zgjimin. Nëse keni nevojë për një mënyrë për të mbajtur mendjen tuaj larg nga problemet kur përpiqeni të relaksoheni, atëherë mos nguroni të lexoni një libër. · Po ashtu një shëtitje e shkurtër pas darkës mund të jetë e dobishme.

Unitedi ka gati rreth 180 milionë euro për dyshen e Benficas

Manchester United thuhet është i gatshëm të thyej bankën për të transferuar dyshen e Benficas, Joao Felix dhe Ruben Dias.

Djajtë e Kuq janë të interesuar të përforcojnë edhe më shumë ekipin për sezonin e ri, pasi tanë shpresojnë të zënë një vend që i dërgon në Ligën e Kampionëve.

Shumë emra të futbollistëve të konfirmuar janë lidhur tashmë me Unitedin, por tani kanë dalë në skenë disa emra të rinj për ekipin nga Old Trafford.

Sipas mediumit Record, dyshja e talentuar e ekipit portugez, Benfica, Felix dhe Dias kanë përfunduar në radarin e gjigantit anglez.

Ky mediumi raporton se Unitedi është i gatshëm të paguajë plot 154 milionë funte apo rreth 180 milionë euro për të aktivizuar klauzolat e lirimit të kësaj dyshe.

Mbrojtësi Dias, 21 vjeç, dhe mesfushori Felix, 19 vjeç, po llogaritet ndër talentet më të mëdhenj në futbollin evropian.

Edhe klube tjera të mëdha duke përfshirë Juventusin dhe Arsenalin thuhet se gjithashtu janë duke mbajtur shënime për këtë dyshe.

Presidenti i Benficas, Luis Filipe Vieira ka përjashtuar shitjen e dyshes për më pak se klauzolat e lirimit të tyre.

1...484950...60Faqja 49 nga 60
Are Web developer / Veton Rexhepi

EDHE MË SHUMË LAJME

KATEGORI E POPULLARIZUAR

©