Në shenjë rrespekti për punën dhe angazhimin e tyre në Komunën e Bujanocit, për hirë të 8 Marsit, Ditës ndërkombëtare të gruas, një pritje për gratë e administratës komunale.
Urime 8 Marsi.
Përfaqësues të ambasadës së SHBA-së në Beograd kanë qëndruar për vizitë në komunën e Bujanocit dhe kanë zhvilluar takime me përfaqësues institucional lokal.
Sekretari I dytë i ambasadës, Adam Schick dhë ndihmësi I atasheut ushtarake Robert t Hamilton është pritur në zyrën e kryetari të komunë së Bujanocit, Shaip Kamberi.
“Gjatë takimit u diskutua për gjendjen politike në Luginë të Preshevës, sfidat dhe problemet në arsim, rëndësinë e funksionalizimit dhe shtrirjes së rrjetit të gjyqësorit, diplomat dhe sendet tjera të rëndësishme për të cilat nevojitet zgjidhje e shpejtë”, ka thënë Kamberi.
Sipas Kamberit është diskutuar edhe për mundësinë e realizimit të projekteve të përbashkëta me qëllim të avancimit të kushteve, me theks të veçantë, në sistemin edukativo arsimor.
Ky delegacioni nga ambasada e Shteteve të Bashkuara të Amerikës në Beograd ka mbajtur edhe një ligjëratë në shtëpinë e kulturës në Bujanoc me temën si të forcohet ndikimi i femrave në përgjithësi, organizuar nga Këndi Amerikan (American Corner).
Tre të lënduar rëndë në aksidentin e Gjilanit janë duke u trajtuar në Qendrën Klinike Universitare të Kosovës në Prishtinë, ndërsa gjendja e tyre është stabile.
Kështu ka thënë doktor Naser Syla shef i ndërrimit në Qendrën Emergjente, i cili bëri me dije që ndodhë mund të sillet në QKUK edhe rasti i katërt nga spitali i Gjilanit.
Mësohet se nga aksidenti në qendër të Gjilanit një person ka vdekur kurse 23 janë të lënduar.
“Rreth orës 16:30 kemi pranuar tri raste nga spitali i Gjilanit të lënduar në aksident komunikacioni , mosha e tyre është moshë mesatare prej 40 deri në moshën 70 vjeçare. Ka prezantim të rënda trupore, por gjendja e tyre për momentin është stabile. I kemi kryer të gjitha ekzaminimet e duhura që kanë qenë të nevojshme për këta pacientë, ndërsa tash do t’i dërgojmë nëpër klinikat adekuate për trajtimin e mëtutjeshëm. Lëndimet janë më tepër në kokë, mirëpo mund të themi se janë lëndime të rënda, edhe pse gjendja e tyre është stabile”, tha Syla.
Të lënduarit në trajtim aktualisht në QKUK janë: Lumnie Sahiti(1972) nga Malisheva, Naser Nuhiu(1967) nga Vitia dhe Fatime Islami (1936) nga Gjilani.
Aksidenti ka ndodhur kur një kamion pasi që nuk ka mundur të frenojë ka goditur shumë vetura dhe njerëz.
Sipas Policisë ngasësi i kamionit është ndaluar nga Policia.
Në bazë të nenit 76. paragrafi 6. I Ligjit mbi kulturën (“Gazeta zyrtare RS nr. 72/09), nenit 4. të Rregullores mbi mënyrën e fnancimit, kriteret dhe procedurën e ndarjes së mjeteve në fushën e kulturës në Komunën e Bujanocit (“Gazeta zyrtare e Komunës së Bujanocit”, nr. 19/14), Komisioni për vlerësimin e programeve dhe projekteve në fushën e kulturës, i Komunës së Bujanocit në seancën e mbajtur më 06. mars 2019, shpallë:
KONKURS PUBLIK
për financimin e programeve vjetore dhe projekteve në fushën e kulturës me seli në territorin e Komunës së Bujanocit
I.
Lëndë e këtij konkursi publik është shpërndarja e mjeteve të orientuara në vendimin mbi buxhetin e Komunës së Bujanocit për vitin 2019 në pozicionin 189, funksioni 860, klasifikimi ekonomik 481 “grantet për organizatat joqeveritare – shoqëritë kulturo artistike”, për realizimin e programeve vjetore dhe projekteve në fushën e kulturës, me qëllim të realizimit të nevojave dhe interesave në këtë sferë, në territorin e Komunës së Bujanocit, në shumë prej 2.000.000,00 dinarë, në pajtim me Rregulloren mbi mënyrën e fnancimit, kriteret dhe procedurën e ndarjes së mjeteve në fushën e kulturës, në Komunën e Bujanocit (në vazhdim të tekstit: Rregullorja).
Bashkim Ajdinit, një futbollist i përmasave ndërkombëtare, nga Ternoci, i lindur më 10.12.1992, në Halmstad të Suedisë, që jeton dhe vepron familjarisht në Gjermani, së bashku me nënën, babain dhe dy vëllezërit, është deklaruar për Portalin Jetapress, se ndjehet krenar që ka arritur të kthej mbiemrin Renneke në Ajdini, shenjën identifikuese të familjarëve të tij nga Lugina e Preshevës.
“Kam jetuar për 10 vjet rresht i vetëm pa familje në Gjermani. Mbiemrin Renneke e kam mbajtur për shkak të ish trajnerit të Klubit të Futbollit “Bashkim”, i cili për disa vite rresh më solli nga Tërnoci në Gjrmani, duke u përkujdesur si anëtar i familjes së tij”, u shpreh Bashkim Ajdini.
Pas disa vjet angazhimesh të pandërprera në fushën e futbollit, Bashkimi arrin të bëhet futbollist profesionist, duke arritur në Ligën e 3- të të Gjermanisë. Ai, bart fanellën me numër 7, luan aktualisht për Klubin VFL-Osnabrück, i cili gjendet në vendin e parë të Ligës, duke patur mundësinë të del në Bundesligen e 2- të Gjermanisë.
Pozicioni i djaloshit nga Tërnoci, në fushën e futbollit, është mesfushor, sulmues në krahun e djathtë, si dhe të majtë, por edhe mbrojtës në krahun e djathtë.
„Tani jam tepër i gëzuar e krenar, që pas kaq vitesh ta mbaj mbiemrin e familjarëve të mi të dashur nga Tërnoci, që në të ardhmen të jem prezent dhe të mbaj fanellën time me mbiemrin Ajdini, nga ajo që kisha dikur Renneke”, tha plot entuziazëm sportisti me perspektivë nga Tërnoci, që po e ngrit karrierën sportive në perëndim Bashkim Ajdini.
Me rastin e 7 marsit ditës së Mësuesit, nxënësit e shkollës së mesme ”Sezai Surroi” do të organizojnë një ekspozitë në ambientet e Shtëpisë së Kulturës dhe Shkollës së mesme ”Sezai Surroi” në Bujanoc.
Më poshtë ju paraqesim lajmërimin e publikuar në faqën zyrtare të SH.M ”Sezai Surroi” në Facebook:
“Me rastin e “7 Marsit”, ditës së Mësuesit në Shtëpinë e Kulturës do të hapet ekspozitë për nderë të kësaj ngjarje të rëndësishme arsimore dhe kulturore të popullit shqiptar.
Evenimenti i organizuar nga nxënësit e shkollës sonë do të hapet në ora 10.00-12.00 , ditën e enjte më 07.03.2019
Në shkollë nga ora 13.00-14.00“ thuhet në lajmërimin e publikuar nga SH.M ”Sezai Surroi”
Në Amerikë, afër 30% e njerëzve përdorin rregullisht vitamina të ndryshme, dhe shumica e tyre me mendimin se mund të parandalojnë sëmundjet e lidhura me zemër.
“Ishte gati e pamundur që njerëzit të binden se konsumimi I vitaminave dhe suplementeve minerale nuk ndihmon në prevenimin dhe shërimin e sëmundjet kardiake,” tha udhëheqësi i këtyre hulumtimeve duke shtuar “Ne shpresojmë që njerëzit të vetëdijësohen për të aplikuar praktika të tjera në parandalimin ë këtyre sëmundjeve siç janë ecja, aktiviteti fizik, ushqimi I shëndetshëm, dhe jo këto suplemente artificiale.”
Hulumtimet përdorën rreth 18 mijë raste nga vende të ndryshme si Suedia, Amerika, Franca, Japonia dhe Gjermania, disa prej të cilëve përdornin suplemente dhe vitamina. Ata panë se njerëzit të cilët përdorin këto vitamina nuk ishin më të mbrojtur apo me pak të rrezikuar nga sëmundjet e zemrës.
Këto produkte nuk duhet të reklamohen nga kompanitë farmaceutike sepse nëse nuk kanë ndonjë efekt negativ direkt, ato nuk kanë asnjë efekt pozitiv për këto sëmundje.
Njerëzit duhet të kuptojnë rëndësinë e një diagnostikimi të saktë të sëmundjës përkatëse, dhe pastaj të krijojnë një plan individual që përfshinë ushqyerjen e mirë dhe aktivitetin fizik për të prevenuar apo parandaluar këto sëmundje të lidhura më zemër.
Një studim i bërë na jep lajme të këqija duke pohuar që gjumi në fundjavë nuk do të na kthejë orët e humbura.
Një qendër për prevenimin dhe kontrollimin e sëmundjeve, raporton që 1 në 3 të rritur nuk bëjnë gjumë të rregullt gjatë natës, i cili do të ishtë shtatë orë. Deprivimi nga gjumi ndodhë për arsye të ndryshme zakonisht nga çrregullimet kronike të gjumit dhe nga stresi.
Ka një lidhmëri të fortë mes mungesës së gjumit dhe rritjes së rrezikut ndaj problemeve metabolike dhe atyre të zemrës. Fatkeqësisht gjumi i bollshëm gjatë fundjavës nuk është efektiv dhe nuk përmirëson dëmet që mund të shkaktojë një gjumë i pamjaftueshëm gjatë ditëve të punës.
Një grup hulumtuesish realizuan një eksperiment me 36 te rinjë dhe vërejtën se tek ata të cilët rrinin zgjuar vonë dhe bënin shumë pak orë gjumë kishin edhe një ves për të ngrënë gjatë natës, gjë e cila ndikonte negativisht në organizmit e tyre. Gjithashtu gjatë këtij eksperimenti panë se edhe nëse këta të rinjë bënin gjumë të bollshëm gjatë fundjavës gjithsesi këto probleme nuk përmirësoheshin.
Në vazhdimësi po zhvillohen ende shumë eksperimente dhe studime për të kuptuar edhe ndikimin e gjumit të ditës në përmirësimin e dëmeve që mund të shkaktojë një gjum jo i rregullt gjatë natës.
Nëse planifikoni të jetoni dhe të punoni në Zvicër për më shumë se tre muaj, do t’ju duhet një leje. Këto lëshohen nga autoritetet kantonale
Lloji i lejes që merrni do të varet nga faktorë që përfshijnë nacionalitetin tuaj, aftësitë tuaja dhe çdo kuotë relevante që janë në vend.
Zvicra ka një sistem të dyfishtë për lejimin e punëtorëve të huaj në vend: Bashkësia Evropiane (BE) dhe shtetasit e Shoqatës së Tregtisë së Lirë (EFTA) janë në një grup dhe njerëz nga të gjitha vendet e tjera (shtetas të vendeve të treta) janë në një grup të dytë, , përcjell albinfo.ch
Shtetasit nga BE-ja dhe vendet e EFTA-s janë në gjendje të jetojnë dhe të punojnë në Zvicër sipas kushteve të Marrëveshjes për Lirinë e Lirë të Personave (AFMP).
Njerëzit nga këto vende kërkojnë vetëm një leje qëndrimi, e cila gjithashtu përdoret edhe si leje pune. Këto leje nuk janë të lidhura me një kanton të vetëm, por ju duhet të informoni autoritetet nëse ndryshoni adresën tuaj. Ju gjithashtu mund të ndryshoni punë ose të merrni vetëpunësim, përcjell albinfo.ch.
Vini re se në përgjithësi do t’ju jepet leje qëndrimi në qoftë se keni një kontratë pune të nënshkruar me detaje për numrin e orëve të punës dhe kohëzgjatjen e pozicionit.
Megjithatë, njerëzit nga vendet e BE-së dhe EFTA-s, të cilët nuk janë ekonomikisht aktivë, si p.sh. pensionistët dhe studentët, mund të kenë të drejtën e një leje qëndrimi nëse ata mund të provojnë se kanë fonde të mjaftueshme për të mbështetur veten dhe që kanë sigurim shëndetësor.
Nëse jeni shtetas i BE-së ose EFTA-s, gjithashtu mund të vini në Zvicër dhe të kërkoni punë për një periudhë deri në tre muaj pa pasur nevojë për të marrë një leje, përcjell albinfo.ch.
Nëse gjuetia juaj e punës zgjat më shumë se tre muaj dhe ju keni fonde të mjaftueshme, ju mund të aplikoni për një leje qëndrimi të përkohshme që do t’ju lejojë të vazhdoni të kërkoni për tre muaj të tjerë.
Kjo mund të zgjatet deri në një vit nëse ka dëshmi të mjaftueshme që gjuetia juaj e punës mund të jetë e suksesshme.
Këngëtari Ermal Fejzullahu së fundmi ka shkuar në qytetin e Londrës për të performuar dhe nga atmosfera e krijuar i ka ndarë me ndjekësit disa imazhe.
Në videon e postuar në të cilën ai shihet duke kënduar, dëgjohen zëra vajzash të cilat brohorasin për të, e kjo e dëshmon se Ermali ka publik kudo.
Njësoj pritet kur këndon edhe në Prishtinë dhe shumicën dominuese të fansave i ka femra e për këtë fakt Ariana edhe mund të jetë xheloze.
