Pas nënshkrimit të Marrëveshjes për pjesmarrje me një listë të përbashkët në zgjedhjet parlamentare të 4 subjekteve politike, PVD, APN, LPD dhe LRPDSH, ksaj listë sot iu është bashkangjitur edhe PD.

Në deklaratën e tij Kryetari i PD-së Nagip Arifi ka thënë, “Të nderuar qytetarë pas iniciativës dhe angazhimit nga ana e shtetit amë për dalje në zgjedhjet parlamentare dhe unifikimit të faktorit politik shqiptarë në një listë të përbashkët, Partia Demokratike në mbledhjen e fundit të kryesisë ka marrë vendim që të përkrahë iniciativën e shtetit amë dhe të jetë pjesë e listës së përbashkët për këto zgjedhje”, është shprehur Arifi.

Sipas tij, “edhe në të kaluarën Luginën e Preshevës e kanë përfaqësuar deputet në Parlamentin e Sërbisë, e që asnjëherë nuk kanë arritur ta përmirësojnë gjendjen e shqiptarëve dhe ta ndalojnë diskriminimin e shtetit sërb ndaj shqiptarëve. Por, ne kësaj radhe kemi vendosur që ta rresepktojmë vendimin e shtetit amë, me mbështetjen e Presidentit të Republikës së Kosovës, duke mbetur me shpresë se ky unifikim do të jetë i mbykqyrur nga ana e tyre”.

Partia Demokratike sipas Arifit, qysh nga vitit 2012 e ka shtrirë dorën e bashkimit dhe bashkëpunimit dhe si primare ka pasur unifikimin e faktorit politik shqiptarë në komunën e Bujanocit. “Por atëher kur dolëm partia e parë fituese, bashkëpunimi me ne u refuzua nga pala tjetër për interesa të ngushta personale dhe kalnore. Gjithashtu dua të ritheksoj se edhe në zgjedhjet lokale të vitit 2016, kur dolëm si partia e dytë kundrejt koalicionit të dy partive tjera shqiptare ne përsëri shtrimë dorën e bashkimit dhe bashkëpunimit, por ndodhi ajo që sot po e përjeton gjithsecili” ka deklaruar Kryetari i PD-së.

Ai gjithashtu ka potencuar se, “bashkëpunimi ndërshqiptarë gjthmonë ka qenë i mirëseardhur nga ana e PD-së por për fat të keq në këtë aspekt kemi patur sulme e linçime të ndryshme. Për hirë të unitetit të shqiptarëve ne sot përsëri e shtrim dorën e bashkimit dhe bashkëpunimit, na priftë e mbara dhe shpresojmë të mos përsëritet e kaluara” ka deklaruar Arifi në një video postim. Sipas Marrëveshjes PD do të radhitet e treat në listën e përbashkët për zgjedhjet parlamentare.

Komunën e Bujanocit përgjat ditës së sotme e ka vizituar Ambasadori i SH.B.A-së i akredituar në Beograd Anthony Godfrey i cili u prit nga kryetari i komunës Shaip Kamberi. Ambasadori Godfrey dhe kryetari Kamberi kanë biseduar për problemet thelbësore që preukupojnë qyetëtratë shqiptarë të Luginës së Preshevës.

Pas takimit, në prononcim për media, kryetari Kamberi falenderoi për vizitën e parë ambasadorin amerikan. “Falenderojmë ambasadorin amerikan i cili shprehu interesimin e tij dhe të Shteteve të Bashkuara të Amerikës për gjendjen tonë, nga ku e njoftova për problemtaikat e diplomava integrimin e shqiptarëve nëpër organe shtetërore, zhvillimin ekonomik të rajonit, dhe sigurisht me ndërtimin stabilitetit në ketë rajon që është shumë I rëndësishëm Lugina e Preshevës, si një rajon që gjendet në mesin e shumë shteteve ka dhe mundë të ketë ndikim në rajonin më gjerë, prandaj ruajtja e stabilitetit është një detyrë parësore për gjithë neve, dhe prezenca e Ambasadës amerikane, jep shtysë që kjo gjendje të ruhet.

Ndërkaq nga ana tjetër, ambasadori Godfrey, theksoi se: Sfidat me të cilat ballafaqohen ky rajon janë tejet të mëdha, por më pëlqen qasja e kryetarit të komunës ku dialogu me Beogradin duhet të jetë aktiv, gjithashtu aty futet edhe pjesëmarrja në zgjedhje. Gjithashtu kemi parasysh edhe sfidat ekonomike me të cilat ballafaqohen ky rajon, nga ku presim një qasje tjetër” – deklaroi ambasadori i cili po qëndron për një vizitë tre ditore në Luginën e Preshevës.

Në varrezat e fshatit Konçul të komunës së Bujanocit, në mënyrë solemne është vendosur gurëthemeli i pllakës përkujtimore të veprimtarit Jonuz Musliu.

Familjarë, përfaqësues politik e institucional morën pjesë në këtë ceremoni të fillimit të punës për ndërtimin e pllakës përkujtimore si dhe u mbajtë turneu memorial i shahut “Jonuz Musliu”, në shtëpinë e kulturës  në Bujanoc.

Aktivitet në kuadër të aktivitet “Ditët përkujtimore të Jonuz Musliut”vazhdojnë të hënën më 20 janar me akademinë në sallën e madhe të shtëpisë së kulturës në Bujanoc duke filluar nga ora 13:00.

Me rastin e dy vjetorit të vdekjes së liderit të Lëvizjes së Progresit Demokratik,  Jonuz Musliu organizohet akademi përkujtimore dhe aktivitet tjera përcjellëse në komunën e Bujanocit, shkruan Titulli.com.

Aktivitetet fillojnë më 18 janar me vedosjen   e gurëthemelit të pllakës përkujtimore në vendlindjen e tij ndërsa  përfundojnë më 20 janar me akademinë në sallën e madhe të shtëpisë së kulturës në Bujanoc.

Këshilli organizativ ftonë për pjesëmarrje ndërsa organizimi mbështetet nga komuna e Bujanocit dhe Këshilli Kombëtar Shqiptar.

Jonuz Musliu, në kohën  e vdekjes ishtë në pozitën e Këshillit Kombëtar Shqiptar dhe kryetarit të kuvendit komunal të komunës së Bujanocit.

I ndjeri Musliu ishte kryetar i kuvendit të komunës së Bujanocit,  kryetar i Këshillit Kombëtar Shqiptar dhe mbrojtës  politik  i të drejtave të shqiptarëve në Luginë të  Preshevës dhe njëri nga të vetmit që në vazhdimësi përsëriste qëndrimin se duam bashkim me Kosovën.

Jonuz Musliu, ish i burgosur politik dhe veprimtar në fillim rreshtohet në Ushtrinë Çlirimtare të Kosovës, pas luftës ishte pjesë e Trupave Mbrojtëse të Kosovës ndërsa ishte ndër themeluesit e parë të Ushtrisë Çlirimtare për Preshevë, Medvegjë dhe Bujanoc dhe  ka drejtuar Këshillin Politik të UÇPMB-së , një formacion ushtarak i kryengritësve shqiptarë që luftonin për liri në këtë rajon./Titulli.com/