5.2 C
bujanovac
Friday, April 24, 2026
Ballina Blog Faqe 37

Grenell nis sonte vizitën në Kosovë, takohet me Thaçin

Presidenti i Kosovës, Hashim Thaçi, do të takojë sonte në një darkë pune me emisarin special të presidentit Donald Trump për dialogun në mes të Kosovës dhe Serbisë, ambasadorin Richard Grenell.

Vizita emisarit amerikan në Kosovë vjen pas arritjes së marrëveshjes për hapjen e linjës ajrore Prishtinë-Beograd.

Kjo marrëveshje për krijimin e linjës ajrore Prishtinë-Beograd, është cilësuar si një hap i rëndësishëm drejt normalizimit të marrëdhënieve mes dy shteteve dhe është përshëndetur nga liderët në Kosovë e Serbi, si dhe nga ndërkombëtarët.

Grenell, i cili ka mbërritur sot në Prishtinë, do të qëndrojë edhe nesër ku do të zhvillojë disa takime me përfaqësues institucionesh dhe të partive politike.

LDK, ka konfirmuar se kryetari i LDK-së, Isa Mustafa në orën 11:30 pret në takim të Dërguarin e Posaçëm të ShBA-ve për dialogun Kosovë-Serbi, Ambasadorin Richard Grenell.

 Ndërsa, të premten do të udhëtojë në Beograd, ku do të takojë presidentin serb, Aleksandar Vuçiq.

Komunën e Bujanocit përgjatë ditës së sotme e ka vizituar Ambasadori i SH.B.A-së i akredituar në Beograd Anthony Godfrey

Komunën e Bujanocit përgjat ditës së sotme e ka vizituar Ambasadori i SH.B.A-së i akredituar në Beograd Anthony Godfrey i cili u prit nga kryetari i komunës Shaip Kamberi. Ambasadori Godfrey dhe kryetari Kamberi kanë biseduar për problemet thelbësore që preukupojnë qyetëtratë shqiptarë të Luginës së Preshevës.

Pas takimit, në prononcim për media, kryetari Kamberi falenderoi për vizitën e parë ambasadorin amerikan. “Falenderojmë ambasadorin amerikan i cili shprehu interesimin e tij dhe të Shteteve të Bashkuara të Amerikës për gjendjen tonë, nga ku e njoftova për problemtaikat e diplomava integrimin e shqiptarëve nëpër organe shtetërore, zhvillimin ekonomik të rajonit, dhe sigurisht me ndërtimin stabilitetit në ketë rajon që është shumë I rëndësishëm Lugina e Preshevës, si një rajon që gjendet në mesin e shumë shteteve ka dhe mundë të ketë ndikim në rajonin më gjerë, prandaj ruajtja e stabilitetit është një detyrë parësore për gjithë neve, dhe prezenca e Ambasadës amerikane, jep shtysë që kjo gjendje të ruhet.

Ndërkaq nga ana tjetër, ambasadori Godfrey, theksoi se: Sfidat me të cilat ballafaqohen ky rajon janë tejet të mëdha, por më pëlqen qasja e kryetarit të komunës ku dialogu me Beogradin duhet të jetë aktiv, gjithashtu aty futet edhe pjesëmarrja në zgjedhje. Gjithashtu kemi parasysh edhe sfidat ekonomike me të cilat ballafaqohen ky rajon, nga ku presim një qasje tjetër” – deklaroi ambasadori i cili po qëndron për një vizitë tre ditore në Luginën e Preshevës.

Reagon Presidenti Donald Trump pas marrëveshjes Kosovë-Serbi: Një tjetër fitore

Presidenti i Shteteve të Bashkuara të Amerikës, Donald Trump ka reaguar me një cicërimë në Twitter për marrëveshjen e re për linja ajrore Kosovë-Serbi, të arritur sot në Berlin të Gjermanisë

Kosova dhe Serbia kanë nënshkruar sot një marrëveshje për një linjë ajrore Prishtinë-Beograd.

Marrëveshja u arrit me ndërmjetësimin e të dërguarit të posaçëm të SHBA për Kosovën, Richar Gernell.

E pas kësaj arritje ka ardhur edhe reagimi i presidentit Donald Trump.

“Të gjithë thanë se nuk do të bëhet. Por, për herë të parë në një gjeneratë do të këtë linja direkte ajrore në mes të Serbisë dhe Kosovës. Një tjetër fitore. Faleminderit për @WHNSC,  ambasador Robert O’Brien dhe ambasador @RichardGrenell!”, ka shkruar Trump në Twitter.

Lajmi për hapjen e linjës ajrore Prishtinë – Beograd është bërë në kryeqytetin gjerman ku janë duke qëndruar zyrtarë të lartë të administratës amerikane në Konferencën për Libinë, përfshirë Sekretarin e Shtetit Mike Pompeo dhe këshilltarin për Siguri Kombëtare të Presidentit Trump, Robert O’Brien.

Dje u vendos gurthemeli i pllakës përkujtimore të Jonuz Musliut

Në varrezat e fshatit Konçul të komunës së Bujanocit, në mënyrë solemne është vendosur gurëthemeli i pllakës përkujtimore të veprimtarit Jonuz Musliu.

Familjarë, përfaqësues politik e institucional morën pjesë në këtë ceremoni të fillimit të punës për ndërtimin e pllakës përkujtimore si dhe u mbajtë turneu memorial i shahut “Jonuz Musliu”, në shtëpinë e kulturës  në Bujanoc.

Aktivitet në kuadër të aktivitet “Ditët përkujtimore të Jonuz Musliut”vazhdojnë të hënën më 20 janar me akademinë në sallën e madhe të shtëpisë së kulturës në Bujanoc duke filluar nga ora 13:00.

Organizohet akademi përkujtimore për Jonuz Musliun në Bujanoc (agjenda)

Me rastin e dy vjetorit të vdekjes së liderit të Lëvizjes së Progresit Demokratik,  Jonuz Musliu organizohet akademi përkujtimore dhe aktivitet tjera përcjellëse në komunën e Bujanocit, shkruan Titulli.com.

Aktivitetet fillojnë më 18 janar me vedosjen   e gurëthemelit të pllakës përkujtimore në vendlindjen e tij ndërsa  përfundojnë më 20 janar me akademinë në sallën e madhe të shtëpisë së kulturës në Bujanoc.

Këshilli organizativ ftonë për pjesëmarrje ndërsa organizimi mbështetet nga komuna e Bujanocit dhe Këshilli Kombëtar Shqiptar.

Jonuz Musliu, në kohën  e vdekjes ishtë në pozitën e Këshillit Kombëtar Shqiptar dhe kryetarit të kuvendit komunal të komunës së Bujanocit.

I ndjeri Musliu ishte kryetar i kuvendit të komunës së Bujanocit,  kryetar i Këshillit Kombëtar Shqiptar dhe mbrojtës  politik  i të drejtave të shqiptarëve në Luginë të  Preshevës dhe njëri nga të vetmit që në vazhdimësi përsëriste qëndrimin se duam bashkim me Kosovën.

Jonuz Musliu, ish i burgosur politik dhe veprimtar në fillim rreshtohet në Ushtrinë Çlirimtare të Kosovës, pas luftës ishte pjesë e Trupave Mbrojtëse të Kosovës ndërsa ishte ndër themeluesit e parë të Ushtrisë Çlirimtare për Preshevë, Medvegjë dhe Bujanoc dhe  ka drejtuar Këshillin Politik të UÇPMB-së , një formacion ushtarak i kryengritësve shqiptarë që luftonin për liri në këtë rajon./Titulli.com/

“Skenari i Nënës” dokumentari i cili përloti mbrëm një numër të madh të publikut

Mes lotësh dhe duartrokitjeve u prit premiera e filmit dokumentar “Skenari i Nënës” i shfaqur mbrëm në pallatin e kulturës në Presheve, në prani të shumë spektatorëve të cilët kishin ardhur mbrëm jo vetëm të shohin ktë dokumentarë por njëkohsisht edhe të respektojnë personazhin kryesorë siç ishte në këtë rast Avni Hetemi, i cili jetën e tijë pas moshës 3 vjeç e kaloi në karrocë.

Personazhi i këtij dokumentari filmik, Avni Hetemi, ndonëse është një person me aftësi të veçanta, ai,është një djalosh komunikativ dhe i shoqërueshëm me të gjithë. Regjisori i këtij filmi dokumentar, Kastriot Saqipi, nuk e ka pasur vështirë, të realizoj një projekt të tillë filmik, meqë ka të bëjë me një djalosh, vërtet, ambicioz dhe shumë energjik, i cili përkundër vështirësive në qarkullim, nuk ndalet dot me karrocën e tij, qoftë në aktivitete private, qoftë edhe në ato shoqërore.

Nderkaq per producentin Gani Veseli nuk ishte e leht te marre mbi supe nje projekt te ketij lloji por kur ke vullnet te mire padyshim se çdo projekt finalizohet me sukses shtoi ai, andaj dhe idea e ketij dokumentari ishte që këtyre personave ti kushtojmë rëndësi më të madhe dhe mos ti shohim ndryshe shprehet producenti Veseli.

Publikohen pamjet e sulmit ndaj Ambasadës së Malit të Zi në Beograd

Përmes një postimi në Twitter, kryeministri malazez Dusko Markovic tregoi se mbrëmjen e kaluar, ka pasur një tjetër sulm ndaj ambasadës malazeze në Beograd.

“Qëndrimi i autoriteteve serbe është tronditës. Mali i Zi po përballet edhe një herë me sfidimin e pavarësisë dhe lirisë së tij. Por ne do ta mbrojmë vendin tonë, pavarësisht urrejtjes që ushqehet nga të njëjtët aktorë brenda dhe jashtë kufijve tanë”, ka shkruar ai.

Me qindra mbështetës të kishës ortodokse serbe e mësynë edhe në 28 dhjetor ndërtesën e ambasadës malazeze, drejt të cilës hodhën flakadanë, vezë e përsëritën slogane përmes të cilave kërkonin që ambasadori i Malit të Zi në vend të shpallej persona non grata.
Kisha Ortodokse serbe pretendon se përmes miratimit të ligjit për komunitete fetare, autoritetet malazeze mund të konfiskojnë pronat e saj.

Irani pas vrasjes së gjeneralit: Do të hakmerremi ndaj Shteteve të Bashkuara

Lideri suprem i Iranit, Ayatollah Ali Khamenei paralajmëroi për ‘hakmarrje të ashpër’ për ‘kriminelët që gjakosën duart e tyre të urryera me gjakun e tij’, ndërsa ministri i jashtëm e quajti vrasjen e gjeneralit Qassem Solemaini, si një ‘një përshkallëzim të rrezikshëm të situatës’.

Soleimani, gjenerali i rangut më të lartë në ushtrinë iraniane dhe përgjegjës për formimin e politikës së jashtme të Iranit në të gjithë Lindjen e Mesme, u vra me një sulm me dron afër aeroportit të Bagdadit, gjatë orëve të hershme të ditës së sotme

Raketat vranë edhe Abu Mahdi al-Muhandis, zëvendës komandant i militantëve të mbështetur nga Irani në Irak, të njohur si Forcat e Mobilizimit Popullor, që gjatë të martës, e rrethuan ambasadën amerikane në Bagdad.

Kryeministri irakian, Adil Abdul-Mahdi pretendon se ky sulm me raketa mund të ‘shkaktojë një luftë shkatërruese në Irak’, duke shtuar është “një shkelje e pacipë e sovranitetit të Irakut dhe një sulm i ashpër ndaj dinjitetit të kombit”.

Ndërkohë, Ministri iranian i Mbrojtjes Amir Hatami tha se ‘do të bëjmë hakmarrje shkatërruese për vrasjen e padrejtë të Soleimanit. Ne do të marrim hak nga të gjithë ata të përfshirë dhe përgjegjës për vrasjen e tij.’

Vetura e djegur, brenda së cilit ndodhej gjenerali Solemaini

Presidenti Hassan Rouhani, shtoi se ‘martirizimi i Soleimanit nga agresori dhe Amerika kriminale, e ka trishtuar zemrën e kombit të Iranit dhe të gjitha kombeve të rajonit.’

Vdekja tij e ka ‘dyfishuar vendosmërinë e kombit të Iranit dhe kombeve të tjera të lira, të qëndrojnë kundër ngacmimit të Amerikës dhe të mbrojnë vlerat islamike’, tha Rouhani.

Pentagoni ka konfirmuar se presidenti, Donald Trump ka urdhëruar një sulm ajror që vrau Gjeneralin e Gardës Revolucionare Qassem Soleimani, kreun e fuqishëm të elitës së Forcave Quids të Iranit.

Shkak Ligji për fetë, protestuesit në Mal të Zi përleshen me policinë

Policia e Malit të Zi përdori gazin lotsjellës vonë të dielën për të shpërndarë dhjetëra mbështetës të Kishës Ortodokse Serbe që ishin duke protestuar ndaj një ligji të ri për bashkësitë fetare.

Sipas mediave të huaja, përcjell Telegrafi, protestuesit në Zeta, jashtë kryeqytetit, Podgorica, sulmuan policinë me gurë, duke plagosur katër, dhe përdorën drunj për të bllokuar shkurtimisht rrugën që të çon në aeroportin kryesor të Malit të Zi.

Në qendër të qytetit, policia përdori gjithashtu gaz lotsjellës për të shpërndarë një turmë të mbledhur pranë katedrales ortodokse. Protestat përfunduan pa incidente në tre qytete të tjera.

Tubimet erdhën pasi Këshilli i Kishës Ortodokse Serbe, lëshoi një deklaratë duke u kërkuar besimtarëve “të mblidhen në tempuj për t’u lutur … dhe të tregojnë se ne nuk do të tundemi para regjimit malazez”.

Ndërkohë, në një deklaratë, policia malazeze akuzoi kishën për nxitje të dhunës.

“Deklaratat po çojnë në pengesa të rendit publik dhe plagosjen e oficerëve të policisë”, thuhet në deklaratë.

Sipas Ligjit, të miratuar të premten, bashkësitë fetare duhet të provojnë se kishin pronat para vitit 1918, kur Mbretëria e Malit të Zi u bashkua me Mbretërinë e serbëve, kroatëve dhe sllovenëve, paraardhësin e Jugosllavisë.

Nëse ata nuk mund ta vërtetojnë pronësinë, shteti do të marrë përsipër pronësinë mbi pronën e tyre.

Kisha Ortodokse Serbe thotë se shteti malazez dëshiron të kapë pasuritë e tij, diçka që qeveria mohon.

Kurti sërish refuzon ftesën e Thaçit për t’u mandatuar për kryeministër

Lëvizja Vetëvendosje i ka refuzuar dy takimet e ftuara nga Presidenti i vendit, Hashim Thaçi, për marrjen e mandatit të kryeministrit.

Vetëvendosje letrën drejtuar Thaçit e ka publikuar në rrjetin social, Facebook.

“Ju faleminderit për dy ftesat e sotme që të takohemi sot, ftesa këto që fillimisht publikoheshin nëpër portale, pastaj mbërrinin në zyrën tonë. Sot isha jashtë vendit. Nuk do të mund të vij as sonte. Për t’u konsultuar për caktimin e mandatarit për formimin e qeverisë, takohemi gjatë ditëve në vijim. Ndërkohë po i shqyrtoj këto nenet që i keni përmendur në dy letrat tuaja”, është shprehur Kurti.

Ndërkaq, Thaçi sot gjatë ditës e ka ftuar dy herë Albin Kurtin të takohet me të, mirëpo siç është bërë e ditur nga Lëvizja Vetëvendosje, Kurti nuk gjendet në Prishtinë.

Pas seancës konstituive të Kuvendit, të premten dy partitë që synojnë formimin e qeverisë, Lëvizja Vetëvendosje dhe Lidhja Demokratike e Kosovës kanë zgjedhur të heshtin. Nuk është raportuar as për ndonjë nismë të re për vazhdimin e bisedimeve.

Në bazë të Kushtetutës, fillimisht presidenti i Republikës i propozon Kuvendit kandidatin për kryeministër, në konsultim me partinë politike që ka fituar shumicën e nevojshme në Kuvend, në këtë rast Vetëvendosjen, për ta formuar Qeverinë.

Në bazë të Kushtetutës, kandidati për kryeministër, jo më vonë se pesëmbëdhjetë ditë pas emërimit, paraqet përbërjen e qeverisë para Kuvendit të Kosovës dhe kërkon miratimin nga ana e legjislativit.

Qeveria konsiderohet e zgjedhur nëse merr shumicën e votave (61 e më shumë) të të gjithë deputetëve të Kuvendit të Kosovës.

Nëse përbërja e propozuar e qeverisë nuk merr shumicën e votave të nevojshme, presidenti i Republikës së Kosovës, brenda dhjetë ditësh emëron kandidatin tjetër sipas së njëjtës procedurë. Por, në rast se as herën e dytë nuk zgjidhet Qeveria, atëherë presidenti i Kosovës i shpall zgjedhjet, të cilat duhet të mbahen jo më vonë se dyzet ditë nga dita e shpalljes së tyre.

1...363738...60Faqja 37 nga 60
Are Web developer / Veton Rexhepi

EDHE MË SHUMË LAJME

KATEGORI E POPULLARIZUAR

©