Përfaqësuesi i përhershëm i Rusisë në Bashkimin Evropian, Vladimir Chizhov, i ka bërë thirrje Shqipërisë dhe Maqedonisë Veriore që të anëtarësohen në Bashkimin Ekonomik të Euroazisë (EEU).

Sipas IBNA, përcjell Telegrafi, diplomati rus ka theksuar se këto dy vende do të gjejnë mirëkuptim më shpejt në EEU sesa brenda BE-së.

“Jam i sigurt që vendet, të cilat janë kandidate për anëtarësim në BE, së fundmi janë vënë ‘në akull’ nga Brukseli, ato mund të gjejnë më shumë mirëkuptim në Bashkimin Ekonomik të Euroazisë”, tha Chizhov.

Ftesa e Rusisë për vendet e Ballkanit që të anëtarësohen në Bashkimin Ekonomik të Euroazisë vjen vetëm disa ditë pas një vendimi negativ të presidentit francez Emmanuel Macron për të vënë veton ndaj datës për fillimin e negociatave për pranim në BE të Shqipërisë dhe Maqedonisë së Veriut.

Bashkimi Ekonomik i Euroazisë është themeluar në vitin 2014 dhe në këtë organizim marrin pjesë Rusia, Armenia, Bjellorusia, Kazakistani dhe Kirghistani.

Presidenti Macron gjatë një prononcimi për media kishte thënë se shumica e vendeve ishin kundër hapjes së negociatave me Shqipërinë, por vetëm disa kundër Maqedonisë së Veriut.

Ai ka shtuar se hapja e negociatave vetëm për Maqedoninë e Veriut, duke lënë anash Shqipërinë, do të ishte e tmerrshme për rajonin.

“Besoj se hapja e negociatave me Maqedoninë e Veriut, duke lënë mënjanë Shqipërinë, do të ishte diçka e tmerrshme për rajonin. Ndaj nuk ishte serioze. I vlerësoj përpjekjet e ndërmarra nga Rama dhe Zaev. Ata kanë bërë punë, ne duhet të bëjmë tonën gjithashtu, por le të mos gënjejmë vetveten. Ne kemi nevojë për progres të proceseve tona bashkë me ata”, ishte shprehur ai.

Kujtojmë se Bashkimi Evropian kishte refuzuar të hap negociatat për anëtarësim për Shqipërinë dhe Maqedoninë e Veriut.

Kryeministri i Shqipërisë, Edi Rama, dhe lideri i VV-së, njëherësh partisë fituese në zgjedhjet e Kosovës, Albin Kurti, do të takohen sot, për herë të parë prej kur Kurti doli si fitues i zgjedhjeve të 6 tetorit.

Takimin e ka konfirmuar vetë Edi Rama, duke iu përgjigjur pyetjes së gazetares Jehona Bajrami Gashi, në Opinion, se pse Rama e Kurti nuk ishin takuar, kur ky i fundit ishte në Tiranë ditë më parë.

Edi Rama duke iu përgjigjur Gashit ka thënë se nuk ishte marrë vesh paraprakisht për një takim me Kurtin por se ata do të takohen sot. Rama ka thënë, gjithashtu, se pret me shumë pozitivizëm emërimin në postin e kryeministrit të Albin Kurtit dhe të fillojnë punën dhe bashkëpunimet.

Gashi e ka pyetur Ramën edhe nëse vlerësonte se takimet mes dy qeverive Kosovë – Shqipëri kishin dështuar pasi vetë Rama ka kërkuar një ministri bashkëpunimin mes dy shteteve, por se Rama nuk pranoi një gjë të tillë.

Ai tha se mbledhjet e dy qeverive nuk ishin shumë të suksesshme, por as të dështuara jo.

Pas debatit që zgjati deri në orët e vona të së mërkurës, Parlamenti Evropian miratoi sot rezolutën për Shqipërinë dhe Maqedoninë e Veriut.

412 eurodeputetë nga 578 të pranishëm në seancë votuan në favor të rezolutës ku kërkohet hapje e negociatave për anëtarësimin e Shqipërisë dhe Maqedonisë së Veriut në Bashkimin Evropian.

Ndër të tjera, në rezolutë, nënvizohet se Shqipëria dhe Maqedonia e Veriut duhet të vazhdojnë reformat. Parlamenti Evropian i bën thirrje Këshillit Evropian, të ndalojë frenimin e perspektivës së negociatave të pranimit dhe të kërkojë një propozim të Komisionit për një partneritet të ri me këto vende; po kështu të monitorojë përdorimin e fondeve në Maqedoninë e Veriut dhe të sigurojë një raport të hollësishëm në Parlament; Udhëzon Presidentin e tij që t’ua përcjellë këtë rezolutë Komisionit, Këshillit, qeverive e parlamenteve të shteteve anëtare dhe qeverive e parlamenteve të Shqipërisë e Maqedonisë së Veriut.

Gjatë fjalës së saj, ministrja finlandeze për Çështjet Evropiane, Tytti Tuppuraine, shprehu zhgënjim për vendimin e KE-së, por shtoi se do të bëhen përpjekjet për një vendim tjetër. /TCH/