7.3 C
bujanovac
Thursday, April 23, 2026
Ballina Blog Faqe 41

Dr.Burhan Halili zgjidhet kryetar i ri i degës së PVD-së në Bujanoc

Dega e Partisë për Veprim Demokratik në Bujanoc, gjatë pasdites së sotme ka mbajtur Kuvendin zgjedhor, në të cilin janë zgjedhur strukturat e reja drejtuese të PVD-së për Bujanoc.

Në ketë kuvend zgjedhor të PVD-së, me shumicë votash, kryetar dege u zgjodh dr.Burhan Halili, ndërsa për sekretar Ismail Pajaziti.

Gjithashtu, në ketë kuvend, u zgjodhën edhe katër nënkryetar dege; Xhemila Hasani, Lemane Mustafa, Selami Mustafa dhe Galip Beqiri.

Me organizimin dhe mbajtjen e Kuvendit, Dega e PVD-së në Bujanoc ka përfunduar procesin e saj të rregullt zgjedhor.

Nostrifikimi i diplomave të Kosovës, Mustafa: Proces i vështirë dhe me probleme

Njohja e diplomave të Kosovës në Serbi vazhdon të mbetet problematike thotë kryetari i KKSH-së, Ragmi Mustafa. Ai thekson se njohja e diplomave përmes qendrës evropiane ENIC / NARIC që është pritur të jetë më fleksibël dhe i përshtatshëm, por nuk është ashtu, sipas tij pritjet janë shumë të gjata dhe me mangësi të mëdha.   

 Ajo që është më e rëndësishmja deklaroi Mustafa se njëjtësimi i diplomave të studentëve nga Lugina e Preshevës që studiojnë në Kosovë mund të bëhet vetëm për punësime por jo edhe për ngritje akademike. Që do të thotë një student që ka mbaruar fakultetin në Kosovë nuk mund të vazhdojë master në Serbi por vetëm të punësohet.

 Kryetari i KKSH-së, Ragmi Mustafa deklaroi se procesi i nostrifikimit përmes qendrës ENIC / NARIC është thënë se zgjatë tre muaj, por kalon shume më shumë kohë.

 “Më pas është bërë përmes ENIC / NARIC, qendrës evropiane që e kanë adaptuar disa vende. Këtë rast e ka adaptuar edhe Republika e Kosovës dhe ajo e Serbisë, megjithatë në atë proces ka shumë mangësi dhe ka një numër të madh të diplomave që janë në pritje e sipër. Përkatësisht disa diploma që janë të nostrifikuara nuk janë në përshtatshmëri me titujt që kanë marrur të diplomuarit e që kanë nevojë për korrektim. Një pjesë e madhe gjendet në proces e sipër edhe pse në vetë udhëzimin e ENIC / NARIC qendrës theksohet se nga ai proces mund të zgjasë më së shumti tre muaj nostrifikimi i një diploma, përkatësisht barasvlerësimi. Përmes qendrës ENIC / NARIC mund të bëhet barasvlerësimi vetëm për çështje pune dhe jo për ngritje akademike dhe më pas është shprehur edhe një problem i madh sa i parket fushës së mjekësisë dhe disa fushave të tjera” – tha Mustafa.

 Problemet nuk janë vetëm për Kosovën, por edhe për studentët nga Lugina e Preshevës që studiojnë në Shqipëri apo Maqedoni. “I njëjti proces është edhe nga Shqipëria por edhe diplomat nga Maqedonia, për më tepër nga Maqedonia është edhe një problem shtesë. Pra shqiptarët e Luginës së Preshevës të cilët kanë lindur në Republikën e Kosovës ata e vendosin vendin dhe shtetin e lindjes dhe për shkak të vendosjes së Republikës së Kosovës në ato diploma e kanë të pamundur të nostrifikohen në Serbi. Apo qoftë përmes qendrës ENIC / NARIC. Nëse dëshiron me vazhdu ngritjen akademike në Serbi, atëherë diploma do duhej të nostrifikohej nga njëra njësi akademike e cila do ta bënë barasvlerësimin akademik. Jo përcaktimin e profesionit” – deklaroi Ragmi Mustafa.  

Mediat serbe: Grenell i solli Vuçiqit porosi shumë të rënda për Serbinë, nga presidenti Trump

Presidenti serb, Aleksandër Vuçiq, mori porosi shumë të rënda të Donald Trump, nga i dërguari special i presidentit amerikan, Richard Grenell.

Kështu raportojnë mediat serbe, të cilat, edhe pse nuk kanë dhënë shumë detaje, kanë thënë se takimi midis Vuçiq dhe Grenell ishte shumë i vështirë.

Sipas Blic.rs, pas takimit, Vuçiq nuk donte as të bënte deklaratë për shtyp.

Ndryshe Grenell vizitoi Beogradin, disa ditë pasi mori përsipër rolin e të Dërguarit Special të SHBA-së për Kosovën.

Grenell është një njeri me besimin më të lartë nga Trump dhe erdhi me një mandat të drejtpërdrejtë nga presidenti amerikan, shkruan Blic.rs.

Siç mëson mediumi në fjalë, porositë që Vuçiq mori nga Grenell mbajnë peshë të madhe për Serbinë.

“Takimi, ku u diskutua zgjidhja e çështjes së Kosovës, zgjati më shumë se një orë”, thuhet ndër tjerash në shkrimin e këtij mediumi, përcjell Telegrafi.

Se takimi nuk ka qenë i lehtë e ka konfirmuar edhe këshilltarja e presidentit serb, Suzana Vasiljeviq, e cila ka thënë se takimi midis Aleksandar Vuçiqit dhe të dërguarit special të SHBA-së për dialogun Beograd-Prishtinë, Richard Grenell ishte shumë i vështirë, por nuk mund të jepte shumë detaje.

Ajo i ka thënë “TV Prva” se Vuçiq dhe Grenell biseduan për dhjetë minutat e para, “sy më sy” – dhe më pas atyre iu bashkua drejtori i të ashtuquajturës Zyra e Qeverisë së Serbisë për Kosovën, Marko Gjuriq.

Vasiljeviq gjithashtu ka thënë se shpesh ndodh që takimet të jenë të vështira kur bëhet fjalë për Kosovën, por siç shtoi ajo, përcjell Telegrafi, nuk kanë qenë asnjëherë në atë masë që presidenti të mos dëshirojë të flasë as me bashkëpunëtorët e tij dhe të kërkojë kohë për të menduar se si të komunikojë atë se çfarë mund të jetë një zgjidhje për atë që mund të ketë dëgjuar nga Grenell.

Ndryshe, Richard Grenell ka vizituar edhe Kosovën ku pati takime me të krerët e partive kryesore politike në vend, si dhe me presidentin Thaçi.

Grenell, i cili do të mbetet edhe ambasador në Gjermani, do t’i udhëheqë përpjekjet e SHBA-së, për t’iu ndihmuar Kosovës dhe Serbisë në arritjen e një marrëveshjeje zyrtare të paqes, e cila do të mund të rezultojë me njohjen e Kosovës nga ana e Serbisë. /Telegrafi/

EU PRO zhvillon sesionin informativ mbi konkursin për mbështetje të ndërmarrjeve të vogla dhe mikro bizneseve

Në ambientet e Fakulteti Ekonomik në Bujanoc, përfaqësuesit e programit EU PRO, kanë zhvilluar sesionin informativ mbi konkursin e dytë publik për mbështetjen e ndërmarrjeve të vogla dhe mikro bizneseve.

Sipas zyrtarëve të EU PRO-s, të drejtë aplikimi kanë ndërmarrësit, ndërmarrjet mikro dhe të vogla të cilat merren me prodhimtari dhe janë të regjistruara në periudhën prej nga 1 janari i vitit 2014, deri më 31 dhjetor të vitit 2018, në 99 qytete dhe komuna të cilat janë të përfshira në realizimin e programit EU PRO.

Afati i fundit për dërgimin e aplikacioneve është 10 nëntor, kurse informata më të hollësishme mund të gjeni në ketë link: http://bit.ly/2ljSkNO

Megjithate Unioni Evropian nëpërmjet të këtij konkursi mbështet biznesin e vogël dhe avancimin e konkurrencës së ekonomisë lokale në vlerë prej 2,5 milionë euro.

Kujtojmë konkursit të parë gjatë vitit 2018-të, pesë ndërmarrje të vogla kishin përfituar mbështetje financiare nga ky program i EU PRO-s.

Grenell takon Kurtin në ambasadën amerikane

Përfaqësuesi Special i Presidentit të SHBA-ve, Donald Trump, për dialogun Kosovë-Serbi, ambasadori, Richard Grenell po qëndron sot në Kosovë.

Grenell fillimisht është takuar me presidentin e Kosovës Hashim Thaci ndërsa pas takimit në ambasadën amerikane ka zhvilluar një takim me liderin e Vetëvendosjes Albin Kurti.

Gazetarët e KosovaPress nga vendi i ngjarjes raportojnë se takimi Grenell-Kurti sapo ka përfunduar ndërsa pritet që emisari i Trump të takojë edhe përfaqësuesit politik të partive tjera.

Kurti ka dal nga takimi me Grenell dhe i njëjti nuk është deklaruar para gazetarëve.

Ditë më parë, presidenti i Shteteve të Bashkuara të Amerikës, Donlad Trump, ka zgjedhur ambasadorin amerikan në Gjermani, Richard Grenell, si të dërguar të administratës amerikane për dialogun Kosovë-Serbi.

Stefanoviq: Emërimi i Grenell, dëshmi se SHBA kërkon rol kryesor në zgjidhjen e çështjes së Kosovës

Ministri i Punëve të Brendshme i Serbisë, Nebojsa Stefanoviq ka komentuar emërimin e Richard Grenell si i dërguar special i Donald Trump për bisedimet mes Beogradit dhe Prishtinës.

Ministri i Punëve të Brendshme i Serbisë, Nebojsa Stefanoviq ka deklaruar se emërimi i Richard Grenell si i dërguar special i Donald Trump për bisedimet mes Beogradit dhe Prishtinës është dëshmi se Shtetet e Bashkuara të Amerikës tani mundohen të luajnë rol më të madh në zgjidhjen e çështjes së Kosovës.

Stefanoviq ka thënë për “TV Pink” se pozicioni i Serbisë është shumë i rëndësishëm dhe shumë i qartë dhe se Prishtina duhet ta heq taksën që siç thotë ai është e kundërligjshme dhe paraqet shkelje të marrëveshjes së CEFTA-së, transmeton lajmi.net.

“Si të ulemi në tavolinën e bisedimeve me persona që nuk kanë dashur të përmbushin kushtet nga marrëveshja e Brukselit, me njerëz që kërcënojnë sigurinë e serbëve që jetojnë në veri të Kosovës,  hyjnë pa asnjë paralajmërim, i frikësojnë banorët”, u shpreh Stefanoviq. 

Këto janë ushqimet që e nxisin migrenën

Migrena është një çrregullim shumë i përhapur, i cili prekë shumë njerëz në tërë botën. Ky çrregulim manifestohet me dhimbje të vazhdueshme të kokës, vjellje dhe marramendje. Edhe pse nuk janë faktorët kryesor që e shkaktojnë atë, gjithsesi disa ushqime kanë tendencë ta nxisin kokëdhimbjen. Disa nga këto produkte janë:

Bylmeti- kosi, djathi apo qumësht nganjëherë mund ta shtojnë presionin e sistemin limfatik dhe të sistemit nervpr qëndror, duke prodhuar myk dhe duke shtuar kokëdhimbjen.

Vezët- nganjëherë ato mund ta rrisin sasinë e amoniakut, duke mbingopur dhe irrituar sistemin nervor qëndror.

Gluteni- të gjitha produktet e përbëra nga gruri, thekra dhe elbi mund ta çorientojnë sistemin imun dhe ta nxisin koëdhimbjen.

Mish ii përpunuar- nëse sistemi tretës dobësohet, sasia e amoniakut rritet duke e ngacmuar edhe sistemin qëndror nervor.

Ushqimet e fermentuara- turshitë apo keçapi që kanë si bazë uthullën interferojnë me sistemin intestinal, rritin aciditetin dhe nxisin kokëdhimbjen.

Poduktet e tjera të cilat nxisin migrenën janë edhe vajrat e ndryshëm, aditivët artificial të disa produkteve si dhe sasia e lartë e kripës.

Agjenti i Eriksenit në bisedime me Realin për një transferim në janar

Ylli danez i Tottenham Hotspur, Christian Eriksen mund të transferohet te Real Madridi gjatë afatit kalimtar dimëror.

Eriksen është në 12 muajt e fundit të kontratës së tij me klubin nga veriu i Londrës dhe janari do të ishte shansi i fundit që Spurs të fitojë sado pak nga 27-vjeçari.

Ish-mesfushori i Ajaxit shprehu dëshirën e tij për të kërkuar një sfidë të re në fillim të verës, por asnjë largim i tij u materializua.

Megjithatë, afati i dimrit pritet të jetë i nxehtë për Eriksenin, i cili mund të transferohet në Santiago Bernabeu.

Sipas mediumit britanik Daily Star, agjenti i Eriksenit do të zhvillojë bisedime të mëtejshme me Realin këtë fundjavë pasi ylli danez kërkon të sigurojë një lëvizje në janar.

Mesfushorë tjerë që po lidhen me Realin janë edhe Paul Pogba i Manchester Unitedit dhe Donny Van de Beek i Ajaxit, ndërsa Eriksen pëlqehet edhe në Serie A.

Vriten katër policë në Paris

Katër zyrtarë të policisë franceze janë vrarë me thikë nga një person, jashtë selisë qendrore të policisë në Paris, raportojnë media franceze dhe BBC.

Sulmuesi, i cili u raportua të ishte anëtar i stafit brenda ndërtesës, u qëllua për vdekje nga policia. Zona në qendër të Parisit është mbyllur.

Sulmi i së enjtes ka ndodhur rreth orës 13:00 në oborrin e ndërtesës së policisë.

Sulmi vjen një ditë pasi policia franceze hyri në grevë, në të gjithë vendin, për shkak të rritjes së dhunës ndaj oficerëve dhe rritjen e niveleve të vetëvrasjeve brenda forcës.

Ministri i Brendshëm francez, Christophe Castaner ka dalur në vendin e ngjarjes, raporton BBC.

Kryetarja e Parisit, Anne Hidalgo konfirmoi përmes një postimi në rrjetin social Twitter se “disa njerëz” ishin vrarë në sulm, i cili ndodhi pranë vendeve të mëdha turistike përfshirë katedralen e Notre-Dame.

Donald Trump cakton të dërguarin e tij në bisedimet Kosovë-Serbi

Presidenti Donald Trump ka caktuar Ambasadorin e SHBA-së në Gjermani, Richard Grenell, si të dërguarin e tij për bisedimet e paqes Kosovë-Serbi.

Lajmi i dhënë nga Shtëpia e Bardhë, të enjten në darkë, 4 tetor, nuk ndryshon statusin e Grenellit që do të vijojë të jetë ambasador në Berlin.

Kjo lëvizje është shenjë se SHBA është e vendosur të arrijë një sukses të ri diplomatik në Ballkan, të ngjashëm po shumë më të vështirë se marrëveshja mes Greqisë dhe Maqedonisë së Veriut.

SHBA është përkrahësja më e madhe e pavarësisë së Kosovës dhe mbrojtësja kryesore në kuadrin e NATO-s të sigurisë së saj territoriale. Synimi amerikan është që konflikti të mbyllet edhe zyrtarisht, me njohjen e Kosovës nga Serbia.

FIllimi i dialogut do të presë krijimin e një qeverie të re pas zgjedhjeve të kësaj jave në Kosovë. Po dialogu është vështirësuar shumë nga përpjekjet e ethshme të Serbisë për të bindur vende të ndryshme të botës për të tërhequr njohjen e pavarësisë së Kosovës si dhe tarifa me vlerën 100% që qeveria kosovare ka vendosur për mallrat serbe.

Hipotezat se Kosova do të duhet të japë një pjesë të territorit për të fituar njohjen nga Serbia ka shkaktuar protesta e shqetësim në Kosovë. Nga ana tjetër mundësia e njohjes së Kosovës ka nervozuar Kishën Ortodokse Serb edhe nacionalistët në Serbi që shpresojnë se situata ndërkombëtare mund të përmbyset në favor të tyre.

Gati 100 shtete të botës e njohin Kosovën tani, 23 nga 28 vende anëtare të BE-së, përfshi edhe shumica e vendeve fqinje. Ajo që e rrezikon më shumë situatën është përpjekja ruse për ta mbajtur të gjallë konfliktin në rajon.

Të paktën një nga diplomatët e njohur të Kosovës e përshëndeti vendimin menjëherë. “Urime dhe fatin më të mirë @RichardGrenell”, shkroi në rrjetin Tuitër, kolegu i tij, Ambasadori i Kosovës në Gjermani, Beqë Cufaj. “Jam i sigurtë që miku im, Richard Grenell do të bëjë një punë të mirë. Koha ka ardhur që Serbia ta njohë Kosovën dhe një marrëveshje të arihet mes të dy vendeve që do të sjellë paqe dhe zhvillim në Balkan.

1...404142...60Faqja 41 nga 60
Are Web developer / Veton Rexhepi

EDHE MË SHUMË LAJME

KATEGORI E POPULLARIZUAR

©