Teatri i qytetit në Preshevë sonte hap edicionin e 15-të të festivalit tradicional “Ditët e komedisë Shqiptare”, ku përgjat 5 netëve rresht të gjithë artëdashësit kanë mundësi për të parë komedi nga artistë të vendeve ndryshme si Kosova, Shqipria e Maqedonia. Ndërkaq hapjen e këtij festivali do ta bëjë shfaqja nikoqire “Misteri” në regji të Afeida Boricit, kurse në role janë aktorët nga teatri i Preshevës. Në natën e dytë të këtij festivali para publikut do të prezantojë teatri i kumanoves me shfaqjen “As andej as këndej”, gjithashtu në natën e tretë para publikut Preshevarë do të servohet shfaqja “Un Inspektori” nga teatri i Ferizait, nata e katërt vazhdon me shfaqjen “Vrapo pas gruas tënde” nga teatri i Gjilanit si dhe përmbylljen e këtij festivali do ta bëjë shfaqja “As nuk dëgjoj as nuk shoh” nga Tirana.

Vlen të ceket se ky festival ka karakter garues kështu që për të gjitha shfaqet pasojn edhe 7 cmimet për të cilat përzgjedhjen do ta bëjë juria profesionale e përbërë prej 3 antarëve. Pasi që ky festival mbahet njëher në vit andaj ftohen të gjithë dashamirët e artit që mos ta lëshojnë ktë mundësi për të parë dicka të bukur, thotë drejtori i shtëpisë së kulturës Valon Nuhiu i cili falmnderon gjithë trupat teatrale pjesmarrëse si dhe kshillin organizativ rreth realizimit të këtij evenimenti kulturorë.

Ditën e diel në Preshevë u përurua objekti i ri  të “Universitetit Internacional të Novi Pazarit dega në Preshevë”. Në event ishin të ftuar shumë përfaqësues institucional por dhe profesor nga vendi dhe rajoni. 

Pas një pune sistematike disa vjeçare të koordinatorit Kujtim Sadriu, me bashkëpunëtorët e tij u arrit që në prani të mysafirëve të mbahet një ceremoni festive për arritjen e fundit të fillimit për hapësira të reja me dedikim arritjen e dijes dhe mësimnxënies. 

Një fjalim përshëndetës për të pranishmit folën koordinatori Kujtim Sadriu dhe bashkëfinancuesi Vullnet Rustemi, presidenti i Universitetit Internacional të Novi Pazarit dhe njëherit deputet popullor Muhamer Zukurliq, kryetari komunës, Shqiprim Arifi, Rektori Universitetit Sead Beqiroviq. Të gjithë këta folës para masës drejtuan mesazhe urimi, motivimi dhe inkurajimi për studentët dhe gjithë të rinjtë e Preshevës.

Ky objekt universitar sipas drejtuesve është hap konkret për rritjen cilësisë së punës arsimore.

Dega e Partisë për Veprim Demokratik në Bujanoc, gjatë pasdites së sotme ka mbajtur Kuvendin zgjedhor, në të cilin janë zgjedhur strukturat e reja drejtuese të PVD-së për Bujanoc.

Në ketë kuvend zgjedhor të PVD-së, me shumicë votash, kryetar dege u zgjodh dr.Burhan Halili, ndërsa për sekretar Ismail Pajaziti.

Gjithashtu, në ketë kuvend, u zgjodhën edhe katër nënkryetar dege; Xhemila Hasani, Lemane Mustafa, Selami Mustafa dhe Galip Beqiri.

Me organizimin dhe mbajtjen e Kuvendit, Dega e PVD-së në Bujanoc ka përfunduar procesin e saj të rregullt zgjedhor.

Njohja e diplomave të Kosovës në Serbi vazhdon të mbetet problematike thotë kryetari i KKSH-së, Ragmi Mustafa. Ai thekson se njohja e diplomave përmes qendrës evropiane ENIC / NARIC që është pritur të jetë më fleksibël dhe i përshtatshëm, por nuk është ashtu, sipas tij pritjet janë shumë të gjata dhe me mangësi të mëdha.   

 Ajo që është më e rëndësishmja deklaroi Mustafa se njëjtësimi i diplomave të studentëve nga Lugina e Preshevës që studiojnë në Kosovë mund të bëhet vetëm për punësime por jo edhe për ngritje akademike. Që do të thotë një student që ka mbaruar fakultetin në Kosovë nuk mund të vazhdojë master në Serbi por vetëm të punësohet.

 Kryetari i KKSH-së, Ragmi Mustafa deklaroi se procesi i nostrifikimit përmes qendrës ENIC / NARIC është thënë se zgjatë tre muaj, por kalon shume më shumë kohë.

 “Më pas është bërë përmes ENIC / NARIC, qendrës evropiane që e kanë adaptuar disa vende. Këtë rast e ka adaptuar edhe Republika e Kosovës dhe ajo e Serbisë, megjithatë në atë proces ka shumë mangësi dhe ka një numër të madh të diplomave që janë në pritje e sipër. Përkatësisht disa diploma që janë të nostrifikuara nuk janë në përshtatshmëri me titujt që kanë marrur të diplomuarit e që kanë nevojë për korrektim. Një pjesë e madhe gjendet në proces e sipër edhe pse në vetë udhëzimin e ENIC / NARIC qendrës theksohet se nga ai proces mund të zgjasë më së shumti tre muaj nostrifikimi i një diploma, përkatësisht barasvlerësimi. Përmes qendrës ENIC / NARIC mund të bëhet barasvlerësimi vetëm për çështje pune dhe jo për ngritje akademike dhe më pas është shprehur edhe një problem i madh sa i parket fushës së mjekësisë dhe disa fushave të tjera” – tha Mustafa.

 Problemet nuk janë vetëm për Kosovën, por edhe për studentët nga Lugina e Preshevës që studiojnë në Shqipëri apo Maqedoni. “I njëjti proces është edhe nga Shqipëria por edhe diplomat nga Maqedonia, për më tepër nga Maqedonia është edhe një problem shtesë. Pra shqiptarët e Luginës së Preshevës të cilët kanë lindur në Republikën e Kosovës ata e vendosin vendin dhe shtetin e lindjes dhe për shkak të vendosjes së Republikës së Kosovës në ato diploma e kanë të pamundur të nostrifikohen në Serbi. Apo qoftë përmes qendrës ENIC / NARIC. Nëse dëshiron me vazhdu ngritjen akademike në Serbi, atëherë diploma do duhej të nostrifikohej nga njëra njësi akademike e cila do ta bënë barasvlerësimin akademik. Jo përcaktimin e profesionit” – deklaroi Ragmi Mustafa.  

Në ambientet e Fakulteti Ekonomik në Bujanoc, përfaqësuesit e programit EU PRO, kanë zhvilluar sesionin informativ mbi konkursin e dytë publik për mbështetjen e ndërmarrjeve të vogla dhe mikro bizneseve.

Sipas zyrtarëve të EU PRO-s, të drejtë aplikimi kanë ndërmarrësit, ndërmarrjet mikro dhe të vogla të cilat merren me prodhimtari dhe janë të regjistruara në periudhën prej nga 1 janari i vitit 2014, deri më 31 dhjetor të vitit 2018, në 99 qytete dhe komuna të cilat janë të përfshira në realizimin e programit EU PRO.

Afati i fundit për dërgimin e aplikacioneve është 10 nëntor, kurse informata më të hollësishme mund të gjeni në ketë link: http://bit.ly/2ljSkNO

Megjithate Unioni Evropian nëpërmjet të këtij konkursi mbështet biznesin e vogël dhe avancimin e konkurrencës së ekonomisë lokale në vlerë prej 2,5 milionë euro.

Kujtojmë konkursit të parë gjatë vitit 2018-të, pesë ndërmarrje të vogla kishin përfituar mbështetje financiare nga ky program i EU PRO-s.