Manchester City është duke e përgatitur një ofertë prej 60 milionë euro për mesfushorin qendror të Real Madrid, sipas Don Balon.

Pep Guardiola është në kërkim të përforcimeve në mesfushë, duke qenë se karriera e Fernandinhos po vjen drejt perëndimit, dhe në përpjekje për t’i mbajtur gjallë ambicionet për ta fituar Ligën e Kampionëve.

Vendi i Kroosit në Real Madrid ka qenë i luhatshëm gjatë vitit të fundit dhe mendohet se nëse City vjen me një ofertë fitimprurëse për Realin dhe Kroosin, atëherë gjermani mund të përfundojë në Premierligë sezonin e ardhshëm.

Maurizio Sarri do të takohet sot me drejtuesit e Chelseat për të biseduar për të ardhmen e tij në klub, si dhe për incidentin me Kepa Arrizabalagan, i cili i refuzoi urdhrat e trajnerit për t’u zëvendësuar.

Trajneri italian është nën presion për ta shpëtuar pozitën e tij si trajneri i Chelseat, pas disfatës në finalen e Carabao Cup, kundër Manchester Cityt.

Besohet se ai është shumë afër shkarkimit dhe kjo karriera e tij mund të përfundojë qysh pas ndeshjes që zhvillohet nesër, kundër rivalit të qytetit, Tottenhamit, nëse “Të kaltrit” nuk arrijnë të sigurojnë fitore.

Për më tepër, Kepa ngriti dyshime mbi autoritetin e Sarrit në klub, kur nuk pranoi të zëvendësohet në fund të pjesës shtesë në finalen e së dielës. Willy Caballero po priste rreth fushës për të hyrë në lojë, mirëpo ai u detyrua të rrinte në stol edhe për gjuajtjet e penalltive.

Kepa nuk arriti ta mbrojë një penallti të gjuajtur keq nga Sergio Aguero dhe Manchester City e fitoi titullin e Carabao Cup, duke fituar 4:3 në gjuajtjet e penalltive, ndërsa koha e rregullt kishte përfunduar me rezultat 0:0.

Pronari i Chelseat, Roman Abramovich, nuk ishte në stadium kur ndodhi ky incident, megjithatë i pranishëm ishte drejtori ekzekutiv, Bruce Buck.

Jose Mourinho ka zbuluar se në punën e tij të ardhshme, si trajner i ndonjë klubi, ai do të punojë vetëm me njerëz të cilët i do.

Strategu portugez ka mbetur pa punë si trajner, që nga dhjetori, kur u shkarkua nga pozita e trajnerit të Manchester Unitedit.

Ai i ka drejtuar një numër të klubeve më të mëdha të Evropës gjatë karrierës së tij, përfshirë këtu Chelsean, Real Madridin, Interin, si dhe, së fundi, “Djajtë e kuq”.

Mourinho ka bërë të ditur se ai veçse e ka refuzuar një klub për shkak të mungesës së ambicies së tyre, duke shtuar se klubi i tij i radhës do të jetë me njerëz me të cilën atij i pëlqen të punojë.

“Nëse është një klub, pa ambicie, unë nuk do ta pranoj. Unë e refuzova sepse dua të jem në futbollin e nivelit më të lartë dhe në një klub me ambicie të nivelit më të lartë”, ka thënë Mourinho.

“Ky është kushti im i dytë. Kushti im i parë ka të bëjë me empatinë strukturore. Dua të punoj me njerëz që i dua. Njerëzit me të cilët dua të punoj, me të cilën do të jem i lumtur të punoj, me të cilët i ndajmë të njëjta ide”.

“Këtë gjë e kisha në Inter. Ka klube të tilla. Natyrisht, kjo është një pjesë shumë e rëndësishme e një klubi”

Chelsea e ka ndëshkuar zyrtarisht Kepa Arrizabalagan për mosbindje të urdhrave të trajnerit, Maurizio Sarri, gjatë finales të dielën në humbjen nga Manchester City.

Kepa refuzoi të zëvendësohet para ekzekutimit të penalltive në stadiumin “Wembley”, ku Chelsea humbi 4-3 dhe Sarri humbi krejtësisht kontrollin.

Edhe pse  “The Sun” raportoi se portieri “nuk do të ndëshkohet”, tashmë ka ardhur edhe zyrtarizimi.

Klubi anglez ka njoftuar përmes faqes zyrtare se Kepa është ndëshkuar me para, atij do t’i merret paga e një jave dhe do të dhurohet për fondacionin e Chelseas.

Ish-portieri i Athletic Bilbaos u bë portieri më i shtrenjtë në botë kur Chelsea e bleu atë për 80 milionë euro verën e kaluar.