Vaksinimi kundër koronavirusit ka filluar sot në shtëpinë e pleqve në Beograd dhe në Novi Sad.

Ndërsa nga udhëheqsia e shtetit vaksinën e morën kryemistrja e vendit Ana Brnabiq dhe ministrja Darija Kisiq Tepaveçevic, si dhe epidemiologu Predrag Kon.

20,000 dozat e reja të vaksinave, të cilat janë planifikuar për punonjësit shëndetësorë, priten në fillim të janarit të arrijnë , ka  njoftuar  Ekipi Kombëtar i Koordinimit të Imunizimit.

Problemet me shpërndarjen e vaksinave mund të fillojnë në mes të janarit, supozon  Presidenti i Serbisë. Ndërsa , mbrojtja e vetme kundër virusit mbetet edhe më tej  masa mbrojtëse.

Imunologët besojnë se nuk ka mundësi që ato të zvogëlohen ndjeshëm duke menduar se festat e fundit të vitit të festohen sikur çdo vit.

 Një alarm i ri për mjekët – një lloj i ri i virusit që është shfaqur në Britani. Ndryshe nga shumë vende, Serbia nuk ka ndaluar fluturimet nga ai vend, por epidemiologët paralajmërojnë se është e rëndësishme të monitorohet lëvizja e mutacionit të ri të virusit.

Në lehtësimin e masave pa rrezikuar përpjekjen e përbashkët anti-epidemike, ne do të diskutojmë se si t’i bëjmë masat më mirë të matura, të jenë sa më kufizuese sa të jetë e nevojshme dhe jo më shumë se kaq dhe çfarë saktësisht do të thoshte, kjo është një çështje për diskutim në kohë reale, ne ndjekim nga dita në ditë.Nga stafi mjeksor i Shtabit të Krizave thuhet se  nuk është koha të mendojmë të dorëzohemi sepse situata nuk ka filluar të përmirësohet në një masë të konsiderueshme. Vaksinimi mund të ndihmojë për ta bërë atë më të dukshëm, por presim që valët e ardhshme të epidemive në vendet e tjera të fillojnë të dobësohen.

Në mbledhjen e sotme të Këshillit Komunal të komunës së Bujanocit, anëtarët e Këshillit komunal njëzëri votuan propozim buxhetin për vitin 2021. Buxheti për vitin 2021 kap vlerën prej 1.298.000.000,00 dinarëve.

Për vitin 2021, ndër të tjera janë paraparë investimet në infrastrukturën rrugore, që përveç përmirësimit të kushteve të qytetarëve, do të ndikojë edhe në zhvillimin direkt apo indirekt ekonomik, në bujqësi, zhvillim ekonomik, aftësim profesional, si dhe përkrahjen financiare të mediave, klubeve sportive, shoqatave kulturore artistike, organizatave joqeveritare, etj.

Në pikat tjera të rendit të ditës janë aprovuar edhe programet e ndërmarrjeve publike.

Po vazhdojnë investimet në Malësi të Bujanocit. Kësaj here, kryetari i komunës së Bujanocit Nagip Arifi me bashkëpunëtorët e tij, në prani të banorëve të fshatit Bilinicë përuruan trafo stacionin në këtë fshat, duke bërë kështu zgjidhjen e problemit shumëvjeçar me rrjetin elektrik.

Investimi në këtë trafo stacion kap shumën prej më shumë se 100.000 €, dhe pas projektit të realizuar muaj më parë të asfaltimit të rrugës Muhoc – Zarbincë, kjo e sotit paraqet një investim tejet të rëndësishëm për banorët e Bilinicës.

Banorët e Bilinicës për rreth katër vite kanë pasur probleme me rrymën elektrike, e si pasojë e saj shumë pajisje shtëpiake, si makina e larjes, bojlerat, televizorat nuk kanë funksionuar në mungesë të përforcimit të rrjetit.

Ndërkohë, qytetarët e Bilinicës ndjehen të lumtur që kërkesa e tyre u trajtua seriozisht nga pushteti lokal, dhe nuk hezituan të shprehin falemnderime dhe mirënjohje për të parin e komunës së Bujanocit për premtimin e mbajtur.

Ushtruesi i detyrës së shefit të diplomacisë së Shqipërisë Gent Cakaj ka deklaruar se janë në pritje të përgjigjes pozitive për hapjen e konsullatës së përgjithshme shqiptare në Bujanoc.

Ai në një postim në Facebook ka shkruar se hapja e kësaj konsullate do të ndikojë në mbështetjen dhe forcimin e lidhjeve me shqiptarët e Luginës së Preshevës.

Postimi i plotë:

Bujanoc. Aty ku ende presim të marrim një përgjigje pozitive për të çelur Konsullatën e Përgjithshme të Republikës së Shqipërisë, për t’i shtrirë dorën e mbështetjes e për të forcuar lidhjen tonë me shqiptarët e gjithë Luginës.

Komisioni për ndarjen e mjeteve financiare për personat me nevoja të veçanta për komunën e Bujanocit ka shpallë listën e përfituesve.

Cdo vend padyshim se ardhmërin e ka në rini, çdo përkrahje ndaj tyre është investim për një të ardhme më të mirë.

Kët po e bënë edhe zyra për të rinjë në Bujanoc e cila tashmë ka edhe kordinatorin e sajë të ri Arbnor Sadriun, një frym e re, me energji dhe vullnet për të mbështet planet dhe idet e të rinjëve të vendit tonë.

 Arbnori përgjat bisedes na shpalozi edhe disa projekte të cilat do të fillojnë nga java e ardhshme.

Nga data 24 dhjetorë do të fillojë kursi i gjuhës angleze dhe gjithashtu kurset tjera për matematike, informatikë dhe do të u jepet hapsirë edhe grupeve të cilët kanë interes për lexim.

Dera e zyrës për të rinjë është e hapur për të gjithë ata që duan të japin kontributin e tyre me aktivitete të ndryshme qoft me karakter edukativ, humanitarë apo kulturorë shtoi kordinatori Sadriu.

Kryetari i komunës së Bujanocit Nagip Arifi sot gjatë ditës ka shpërndarë paketa për të gjithë nxënësit me nevoja të veçanta që ndjekin mësimin fillor dhe të mesëm në komunën e Bujanocit. Këto dhurata po jepen në prag të përfundimit të gjysmëvjetorit të parë.

Kategoria e personave me nevoja të veçanta kërkon angazhim dhe përkujdesje më të madhe, dhe për këtë shkak komuna e Bujanocit ka angazhuar rreth 30 asistentë personal që merren kryesisht me zhvillimin dhe aftësimin e personave në fjalë.

Komuna e Bujanocit do të vazhdojë ta përkrahë këtë kategori personash edhe në të ardhmen në mënyra konkrete për t’i integruar në shoqërinë tonë.

Ushtruesi i detyrës së Barnatores së qytetit Naser Asani ka marrë vendim që barnatorja në fshatin Muhoc të riaktivizohet pas rreth 4 viteve. Ky lajm i ka gëzuar pa masë qytetarët e Malësisë së Bujanocit, të cilët deri më tani është dashur të udhëtojnë në pikat më të afërta, respektivisht në Bujanoc dhe në Rogan të Kamenicës për t’u furnizuar me barna.

Barnatorja do të jetë e hapur çdo të mërkurë duke filluar nga ora 09:00, dhe përveç qytetarëve të Muhocit, do të jetë në shërbim edhe të të gjithë banorëve të Malësisë së Bujanocit.