Në kuadër të Pakos emergjente “Presheva 2020”, ku përveç bizneseve lokale, bujqëve, pensionistëve dhe studentëve, përfituan edhe institucionet publike Shtëpia e shëndetit dhe NP Moravica, ku kjo e fundit ka shpërblyer punëtorët e saj, të cilët kanë qenë aktiv dhe të ekspozuar ndaj rrezikut gjatë kohës së pandemisë COVID-19.

Që nga viti 2016 e këtej, falë menaxhimit profesional dhe ngritjes së kualitetit të shërbimeve, duke përfshirë të gjitha vendbanimet e komunës sonë, poashtu dhe përkrahjes së vazhdueshme nga ana e komunës së Preshevës, punëtorët e NP Moravica tashmë nuk presin më nga 4-5 muaj për pagat e tyre, që kanë qenë nën minimalen e mundshme, por përveç janë ngritur pagat në nivelin e pranueshëm, disave prej tyre sipas përshkrimit të punës, u paguhet dhe qumështi dhe beneficione tjera konform normave ligjore.

Vlen të ceket që ngritja e fundit të pagave për punëtorët, që përfshihen në kuadër të Pakos emergjente arrin në nivelin 15%. Ky stimulim para së gjithash nënkupton vlerësimin dhe respektin e punëtorëve, të cilët japin kontributin e tyre të vazhdueshëm, në mirëmbajtjen e pastërtisë së amvisërive në shumicën e vendbanimeve të komunës sonë, si dhe në mirëmbajtjen e infrastrukturës komunale, duke ofruar shërbime më kualitative ndaj qytetarëve tanë.

NP Moravica, falë punës së siqertë dhe menaxhimit profesional, tashmë paraqet një shembull të suksesit institucional, në komunën tonë.

Kryetari i komunës së Bujanocit Nagip Arifi ka ftuar për të dytën her në takim drejtorët e institucioneve publike, shkollave dhe veprimtarive shoqërore, jemi duke e bërë përgaditjen e rishikimit të buxhetit për vitin 2020 theksoi kryetari Arifi, si dhe jemi duke bërë përgaditjet e fillimit të vitit shkollorë ku përgjat ditës po presim edhe urdhëresën nga ministria e arsimit kështu që do të veprojmë konform qëndrimeve të ministrisë për fillimin e vitit të ri shkollor.

Kryetari Arifi poashtu theksoi disa paknaqsi lidhur me tejkalimin e buxhetit në Shtëpin e shëndetit, barnatore e qytetit si dhe Shtëpin e Kulturës.

Kryetari Arifi është shprehur se po punohët në përmirësimin e gjendjes financiare të komunës, kështu që do të shqyrtojmë mundësin mbi pagesën e bursave studentore.

Shtabi për situata të jashtëzakonshme në mbledhjen e saj të parë të kryesuar nga kryetari i komunës, njëherit komandant i këtij shtabi Nagip Arifi, me kërkesë të drejtoreshës së Shtëpisë së Shëndetit në Bujanoc iu ka drejtuar me një kërkesë Ministrisë së Shëndetësisë, respektivisht sektorit për organizimin e shërbimit shëndetësor për sigurimin e një aparati të Rentgenit.

Kërkesa e shtabit është shqyrtuar menjëherë nga Ministria e Shëndetësisë dhe iu është lejuar donacioni i një aparati të Rentgenit.

Për ta kompletuar donacionin e Ministrisë së Shëndetësisë ka kontibuar edhe donatori nga Bujanoci, afaristi Bujar Sejdiu, të cilit iu është ndarë një mirënjohje nga drejtoresha e Shtëpisë së Shëndetit Dr.Lela Jovanoviq për kontributin e dhënë.

Nga viti 1982 Shtëpia e Shëndetit nuk ka siguruar ndonjë aparat tjetër të Rentgenit, dhe pas 38 vjetësh pajiset me një të ri.

“Mbështetja për bashkëqytetarët tanë në Luginën e Preshevës nuk do të mungojë asnjëherë!

Në kuadër të kësaj mbështetjeje, qytetarëve të Luginës u është siguruar një kuotë e veçantë për shkollim specialistik.

Ministria e Shëndetësisë do të financojë shkollimin e kandidatëve të ardhur nga Lugina, kuadro të cilat do të kthehen të shërbejnë si staf profesional shëndetësor në komunën e Preshevës, të Medvegjës dhe në atë të Bujanocit!

Përfaqësuesit e Luginës, i sigurova që kujdesi dhe mbështetja ime për bashkëqytetarët tanë atje, do të vazhdojë”

Zv. Kryetari i komunës së Bujanocit Shqiprim Musliu ka qëndruar sot në vendkalimin Konçul – Dheu i Bardhë dhe me anë të një postimi në profilin e tij facebook i ka informuar qytetarët se mund të lëvizin lirshëm në drejtim të Kosovës.

Postimi i plotë:

Pas situatës së krijuar në lidhje me moslejimin e kalimit të qytetarëve të Luginës në Kosovë, e kemi konsideruar veten të obliguar të interesohemi maksimalisht deri në sqarimin e plotë të situatës. Me këtë rast, e kemi parë të udhës që të dalim në pikëkalimin te Dheu i Bardhë, për të marrë informacione rreth kësaj situate. Na konfirmuan se vendimi i qeverisë do të interprerohet drejtë dhe qytetarët e Luginës do të lëvizin lirshëm pa ndonjë kufizim.