Sot në seancën e dytë të Asamblesë komunale të Komunës së Bujanocit, këshilltarët komunal me shumicë votash kanë votuar për kryetar të Organit të Përkohshëm të N.P. “Komunalia “, Ruzhdi Halilin nga radhët e Partisë Demokratike.

Gjatë seancës është bërë edhe verifikimi i mandateve të tre këshilltarëve të rinjë, si dhe janë bërë ndryshime në Shtabin për Situata të Jashtëzakonshme, pjesë e të cilit bëhen kryetari Nagip Arifi dhe zv. kryetari Shqiprim Musliu.

Nëpërmjet një njoftimi në profilin e saj në facebook, Partia Demokratike, ka bërë të ditur që sot edhe zyrtarisht, Nagip Arifi, ka marrë mandatin e kryetarit të komunës së Bujanocit.

Në njoftim thuhet:

Në orën 11:00 të së hënës së 27.07.2020 kryetari i komunës së Bujanocit Nagip Arifi ka pranuar zyrtarisht mandatin e katërt si kryetar komune nga kryetari i deritanishëm Shaip Kamberi.

Pranim dorëzimi është bërë në zyrën e kryetarit të komunës në prani të delegacioneve të dy partive.

Kryetari Arifi pranoi ekstraktin financiar ditor me vlerë prej 6.588.509,45 din, ku nga to rreth 4 milion dinarë të Ministrisë për Punë dhe Mirëqenie Sociale të dedikuara për asistencë sociale, derisa borxhi total me datë të sotit kap vlerën prej 4.554.514 dinarëve.

Kryetari i komunës Nagip Arifi u zotua se do t’i shërbejë të gjithë qytetarëve pa dallim.

Fillimi i punimeve të Xhamisë së madhe në Pishtinë është një lajm i mirë për gjithë besimtarët dhe Shqiptarët ku do qoftë që jetojnë, por sidomos të Kosovës dhe Prishtinës.

Me ndërtimin e kësaj Xhamie, toleranca fetare, dialogu dhe respekti ndërfetar, që e karakterizon Popullin Shqiptar, do të ketë edhe një simbol më të fort dhe të qartë për identitetin tonë kombëtar dhe fetar.

Urime Bashkësise Islame, besimtarëve, Prishtinës, Rep së Kosovës dhe gjithë Shqiptarëve. Le të jetë një Xhami me shumë lutje për Popullin Shqiptar dhe mbarë njerëzimin!

Të gjithë ata pacientë që janë me simptoma më të lehta e që janë të konfirmuar pozitiv me Covid-19 do të dërgohen nën mbikqyrjen e mjekëve 24 orë në Banjën e Bujanocit.

Nga dita e sotme spitali special banja e Bujanocit është shëndrruar në Covid spital për të iu dal në ndihmë pacientëve që janë nga komuna e Bujanocit, Preshevës me rrethinë.

Ky spital në dispozicion ka rreth 180 vende për pacient ndërsa nga dita e sotme vetëm se kanë filluar me pritjen e pacientëve.

Pasi që në Vranjë janë të mbushura të 4 spitalet sa janë aktualisht ditë më parë është vendosur që banja eBujanocit dhe e Vranjës të shëndrrohen në Covid-spitale.

Vlen të ceket se edhe në muajt mars prill dhe maj banja e Bujanocit shërbeu si karantinë të gjithë personave që kishin ardh nga vende të ndryshme, ndërsa mëpas është dezinfektuar komplet për të filluar me punë në sezonin verorë në pritjen e mysafirëve të sajë, por ngaqë këto ditë është rritur ndjeshëm numri i të infektuar kjo banjë prap i doli në shërbim pacientëve të rrethit tonë.

Boksieri shqiptar Shefat Isufi të shtunën mbrëma është ngjitur në ring pas një pushimi të gjatë. Ai në Wiesbaden të Gjermanisë mposhti kroatin nga Bosnja, Boshko Mishiq, me nokaut teknik në raundin e tretë.

Lufta ishte e vlefshme për titullin e përkohshëm Internacional të Gjermanisë në peshën gjysmë të rëndë. Isufi e rrëzoi Mishiqin disa herë, para se trajneri i kroatit ta dorëzonte meçin.

Për Shefat Isufin 30-vjeçar ishte meçi i parë që nga dhjetori i vitit të kaluar. Ai ishte paraparë të boksonte në Zvicër në prill, por mbrëmja ishte anuluar për shkak të pandemisë COVID-19.

Mbrëmja në Wiesbaden ishte ndër të rrallat në Evropë që është zhvilluar me shikues. Të pranishëm ishin rreth 250 shikues.

“Meçi ka shkuar shumë mirë, pa lëndime. Ka shkuar ashtu siç kemi planifikuar me trajnerin tim. Ndonëse kam pushuar gjatë, unë kam qenë vazhdimisht në stërvitje. Natyrisht se më ka munguar ringu dhe kjo është edhe arsyeja pse jam ngjitur në ring më me emocione se në përballjet tjera”, ka thënë Isufi për “KOHËN”. “Kishte rreth 250 shikues, normalisht duke iu përmbajtur rregullave, duke mbajtur distancën fizike. Por, nuk ka munguar atmosfera. Pas kësaj fitore shpresoj që së shpejti të boksoj për një titull me peshë dhe të ngrihem në renditje botërore. Ende nuk e di se kur do të jetë meçi i radhës, por shpresoj sa më shpejt. Qëllim kam të luftoj edhe një herë për titull bote”.

Isufi në boksin profesionist ka bilanc prej 30 fitore (22 KO), katër humbje e dy barazime. Për Mishiqin ishte humbja e 13-të karshi 20 fitoreve.

Ai në maj të vitit të kaluar boksoi për titull bote, në peshën super të mesme, në versionin WBO. Pësoi me vendim unanim pas 12 raundeve në Britani nga ylli britanik Billy Joe Saunders.

Meçin kryesor në mbrëmjen në Wiesbaden e pati shqiptari tjetër, Arben Shemallari. Shemallari triumfoi me vendim unanim pas tetë raundeve ndaj hungarezit Istvan Zeller, në duelin për titullin e Evropës në versionin UBF.

Partitë politike shqiptare tashmë kanë mbyllur marrëveshjen për bashkëqeverisje në Bujanoc.

Kjo është pothuajse e arritura më domethënëse që kemi shënuar bashkërisht në Luginë: Bujanoci do të qeveriset drejtë nga shqiptarët e nuk do të varet nga askush tjetër, përveç shumicës shqiptare.

Personalisht i detyrohem një falënderim të posaçëm z. Nagip Arifi, z. Shaip Kamberi, z. Shqiprim Musliu e z. Arbër Pajaziti që i qëndruan fjalës së dhënë në mbledhjen e djeshme në Tiranë duke arritur këtë marrëveshje që është jetike për Bujanocin e shqiptarët e Luginës!

Neve, ndërkaq, na takon ta vazhdojmë punën e pakursyer në shërbim të mbështetjes së Luginës e gjithë shqiptarëve në përgjithësi!

URIME BUJANOC, LUGINË E PRESHEVËS E SHQIPTARË NË PËRGJITHËSI!

Konsultimet për formimin e Qeverisë së Serbisë filluan sot me një takim midis Presidentit të Serbisë, Aleksandar Vuçiq dhe përfaqësuesve të listës shqiptare “Alternativa Demokratike Shqiptare – Lugina e Bashkuar”.

Përfaqësuesit e listës shqiptare arritën në ndërtesën e Presidencës pak para orës 10, kurse takimi ka filluar në orën 10 të mëngjesit në ndërtesën e Sekretariatit të Përgjithshëm të Presidentit të Republikës