Fillojnë punimet në vendosjen e rrethojave metalike rreth shtratit të lumit në fshatin Raincë
Në kuadër të planit investiv kapital, komuna e Preshevës ka filluar të realizoj projektin për vendosjen e rrethojave metalike rreth shtratit të lumit të fshatit Raincë.
Me realizimin e këtij projekti, do të ngritet niveli i sigurisë së kalimtarëve, e sidomos siguria e fëmijëve, të cilët kanë qenë më së shumti të rrezikuar, në mungesë të rrethojave.
Qeveria sllovene deklaroi fundin e epidemisë së coronavirusit, duke e bërë Slloveninë vendin e parë evropian që e bëri këtë.
Instituti Kombëtar i Shëndetit Publik vlerësoi se të gjithë treguesit thonë se përhapja e coronavirusit është ngadalësuar, dmth, që janë regjistruar gjithsej 35 raste të reja të infeksionit në 14 ditët e fundit. Sidoqoftë, pasi ende ekziston rreziku i përhapjes së infeksionit, disa masa kufizuese mbesin në fuqi, shkruan Reuters.
Rasti i parë i konfirmuar i coronavirusit në Slloveni u regjistrua në 4 mars, dhe deri më 13 maj, 1464 raste të infeksionit ishin identifikuar, dhe 103 njerëz vdiqën nga coronavirusi, transmeton Telegrafi.
Epidemia e coronavirus u shpall në Slloveni më 12 mars, dhe kështu Mbrojtja Civile mori një bazë ligjore për marrjen e masave për të luftuar epideminë COVID-19.
Të enjten, qeveria miratoi gjithashtu masa në lidhje me kalimin e kufirit, në mënyrë që qytetarët e Sllovenisë dhe vendeve të tjera të BE-së të mos kenë më nevojë të karantinohen kur hyjnë në Slloveni.
Kuvendi i Serbisë ka shfuqizuar gjendjen e jashtëzakonshme në Serbi e vendosur më 15 mars për shkak të gjendjes se pandemisë së korona virusit.
Propozimin për heqjen e gjendjes së jashtëzakonshme e ka paraqitur kuvendit popullorë, kryeministrja Ana Brnabiq e cila theksoi se nuk ka asnjë arsye që gjendja e jashtëzakonshme të ekzistojë në Serbi.
Ajo tha përpara deputetëve se janë krijuar kushtet për heqjen e gjendjes së jashtëzakonshme tash, më se një javë ka më pak se 5 % të infektuar nga Covid-19 dhe ky është kushti më i rëndësishëm.
Sipas saj në mbledhjen e ardhshme të Shtabit Emergjent do të qartësohen masat që do të aplikohen për qytetarët që vijnë në Serbi nga vendet e jashtme dhe që mos të jenë në karantinë.
Siç mësohet jo zyrtarisht, Republika e Shqipëris është duke planifikuar ndihmë financiare për tri komunat e Luginës së Preshevës, atë të Preshevës, Bujanocit dhe Medvegjës.
Gjatë ditëve në vijim Qeveria e Shqipërisë do të komunikoj me kryetarin e komunës së Preshevës dhe të Bujanocit, si dhe me përfaqësuesit shqiptarë të Medvegjës.
Ky paralajmërim vie pas ndarjes së ndihmës financiare me vlerë prej 500.000.00 euro nga Qeveria e Kosovës për Luginën e Preshevës, si përkrahje për të luftuar pasojat e shkaktuara nga situata me pandeminë.
Qeveria e Shqipërisë, për dallim nga ajo e Kosovës, ndihmë financiare që do ta ndajë pritet të e kaloj përmes Këshillit Kombëtar Shqiptar me qëllim të anashkalimit të problemeve të mundshme me komunën e Medvegjës.
Enti për Shëndetësi Publike në Vranjë gjatë kryerjes së dezinfektimit në Bujanoc, ka vërejtur se në Bujanoc nuk respektohen dhe pjesërisht zbatohen masat mbrojtëse nga përhapja e pandemisë COVID-19.
Qytetarëve iu rekomandohet respektimi i këtyre masave:
Nga Komandanti i shtabit – Shaip Kamberi
Drejtori Ekzekutiv i CeSID, Bojan Klacar tha sot se zgjedhjet e rregullta mund të mbahen në qershor nëse lejon situata epidemiologjike
Klacar sqaroi për Tanjug se në vendimin e Komisionit Republikan Zgjedhor thuhet se zgjedhjet nuk janë anuluar, por u shtynë, që do të thotë se koha e mbetur për fushatën duhet të “harxhohet” në momentin e ndërprerjes e gjendjes së jashtëzakonshme.
Meqenëse gjendja e jashtëzakonshme u prezantua në 16 mars dhe zgjedhjet janë caktuar për 26 Prill, fushata duhet të zgjasë aq ditë sa kan mbetur në mes të dy datave, që do të thotë 39 ditë fushatë dhe dy ditë heshtje zgjedhore – tha Klacar.
Presidenti i Kosovës, Hashim Thaçi, ka bërë të ditur se pasi të gjitha partitë, pos Vetëvendosjes, janë shprehur pro formimit të Qeverisë së re pa shkuar në zgjedhje, do t’ia japë mandatin atyre që mund të formojnë shumicën parlamentare.
“Si rrjedhojë e diskutimeve, si dhe duke marrë parasysh që të gjitha partitë e përfaqësuara në Kuvend, me përjashtim të njërës, janë për formimin e Qeverisë së re, ndodhemi para pyetjes: Si rrjedhojë e vullnetit tuaj të shprehur që vendi të ketë qeveri të re të dalë nga zgjedhjet e 6 tetorit, duke respektuar në tërësi dhe përpikëri Kushtetutën e Republikës së Kosovës, ligjet e Kosovës, unë do t’i jap mandatarin cilësdo parti apo koalicion që dëshmon se ka shumicën në Kuvend për të formuar qeverinë e re. S’është në diskrecionin tim të propozoj kandidatin e tillë. Siç e dini të gjithë, Qeveria rrjedh nga fuqia mbizotëruese brenda Kuvendit. Prandaj propozimi duhet të vijë nga partia apo koalicioni që do të ketë gjasa më të mëdha që të formojë qeverinë.”, ka thënë ai.
Në takimin që ai ka pasur me krerët e partive politike, të gjitha partitë, pos Lëvizjes Vetëvendosje janë shprehur pro formimit të qeverisë së re pa shkuarje në zgjedhje. Teksa kryetari i LDK-së, Isa Mustafa, është shprehur i gatshëm që partia e tij të sigurojë shumicën për formimin e qeverisë së re, ai i PDK-së, Kadri Veseli, ka thënë se partia e tij do të jetë opozitë. Krerët e AAK-së, Nismës, AKR-së e përfaqësues të partive nga minoritetet janë shprehur pro formimit të qeverisë së re, pa zgjedhje. Të gjithë kanë përmendur pandeminë e koronavirusit si ndër arsyet për shmangie të zgjedhjeve të reja.
Eurodeputetja Viola Von Cramon ka komentuar takimin e Presidentit Thaçi me liderët e partive politike për të shikuar mundësinë për krijimin e qeverisë së re.
Raportuesja për Kosovën në Parlamentin Evropian, ka pyetur në Twitter, se përse Presidenti Thaçi po e vë Kosovën në rrezik.
“Po bëhet çdo ditë e më tepër absurde. Hashim Thaçi jam pa fjalë. Pyes veten si do të përfundojë kjo. Pse presidenti po e vë vendin e tij në rrezik”, ka shkruar Eurodeputetja në Twitter.
Ndërkaq, në takimin e zhvilluar sot Presidenti i Republikës së Kosovës, Hashim Thaçi, pasi ka dëgjuar të gjitha qëndrimet e partive politike të cilat ishin kundër shkuarjes në zgjedhje të reja, përveç Lëvizjes Vetëvendosje, ka thënë se do t’i japë mandatin cilësdo parti apo koalicion që dëshmon se ka shumicën në Kuvend për krijimin e insistucioneve të reja.
Ministri i Shëndetësisë në detyrë, Arben Vitia, shpreson që deri më katër maj të ndalin ciklin e rritjes së numrit të të infektuarve me Covid-19.
Ai gjithashtu ka paralajmëruar një pako për Luginën e Preshevës.
“Njëra nga temat kyçe që kemi biseduar me ministrin e shëndetësisë së Serbisë ka qenë edhe Lugina. Para kësaj, të premten e kaluar bashkë me kryeministrin Kurti dhe ministrin Bislimi kemi biseduar për masat dhe ndihmat që ne si qeveri do t’i dërgojmë në Luginë dhe pas këtyre diskutimeve do të dalin me një pako. Njëra ndër kërkesat tona për ministrin serb ishte ajo për testimin, dhe mënyrën si po trajtohen qytetarët në Luginë”, ka thënë ai. “nga ana e ministrit na është thënë se do të funksionojnë si për qytetarët e tjerë. Në bashkëpunim edhe me komunat atje do të zgjidhet shumë shpejtë”.
Ai thotë se do të ketë përmirësim të situatës, por nëse respektohen masat e Qeverisë.
“Më 4 maj ne shpresojmë se do të ndalim ciklin e rritjes së numrit të të infektuarve. Ne kemi parë disa shtete si model, dhe kemi pasur fat që kemi marrë disa masa në fillim duke i mbyllur shkollat që ka pasur efekt. Kjo na ka ndihmuar shumë që të menaxhohet situata më mirë”, ka thënë Vitia.
Kryetari i Shoqatës Kulturore „Dituria“ Nexhmedin Ademi ka njoftuar se sot po bëhet shpërndarja e miellit në Preshevë, Bujanoc dhe Medvegjë, donacion nga fondacioni „FIRDEVS“ i hoxhë Elvis Naçit në bashkëpunim me Shoqatën Kulturore „Dituria“ raporton rtvpresheva.com
Me Bismil – lah.
Sot filluam me shperndarjen e miellit donacion nga fondacioni „FIRDEVS“ i
hoxhë Elvis Naçit në bashkëpunim me Shoqatën Kulturore „Dituria“.
Donacioni kap sasinë prej 50 ton miell (pesëdhjet mijë kilogram miell).
Ndihma është kontribut në kuadër të aksionit ndihmë: „Shqiptarët për shqiptarët“.
Në emër të qytetarëve të Luginës faliminderit për solidaritetin e treguar nga fondacioni „FIRDEVS“, në këtë situat të vështirë.
LUGINA NUK HARRON
Distribuimi do të bëhet në Preshevë, Bujanoc dhe Medvegjë.
Faliminderit gjithë aktivistëve për mobilizimin.
Faliminderit firmës Keramike të pronarit Samet Fejzullahut nga fsh. Cortoticë për ndihmën e ofruar.
Faliminderit bashkëpunëtorëve që po na mbështetin në realizimin e këtij aktiviteti madhor.
Së bashku ia dalim…. thuhet në njoftimin e Nexhedin Ademit, kryetar i shoqatës „Dituria“
