13.1 C
bujanovac
Thursday, April 23, 2026
Ballina Blog Faqe 44

Kryetari Shaip Kamberi mirëpriti shefin e Zyrës së Këshillit të Evropës, Tobias Flessenkemper

Kryetari i Komunës së Bujanocit, Shaip Kamberi, gjatë ditës ka pritur në takim, shefin e zyrës së Këshillit të Evropës në Beograd, Tobias Flessenkemer.

“Me Shefin e Zyrës së Këshillit të Evropës, z. Tobias Flessenkemper, i cili po qëndron për vizitën e tij të parë në Bujanoc, biseduam për pozitën e shqiptarëve në Luginë të Preshevës dhe (mos)realizimin e plotë të të drejtave të pakicave. Mosintegrimi i shqiptarëve në institucione publike, mosrealizimi i të drejtave të garantuara me ligj dhe konventa ndërkombëtare dhe ngecja në avancimin e pozitës së shqiptarëve në Luginë të Preshevës po vazhdojnë të jenë preokupime të përditshme dhe betejë politike e institucionale e përfaqësuesve shqiptarë” – ka shkruar kryetari Kamberi pas takimit në facebook.

Kryetari Shaip Kamberi, ndër të tjera ka shkruar edhe se: “Përkrahja ndërkombëtare dhe monitorimi i pozitës së pakicave, gjatë rrugëtimit të integrimit të vendit në BE, i domosdoshëm dhe i patjetërsueshëm. Prezenca dhe përkrahja ndërkombëtare garancë e avancimit dhe realizimit të plotë të të drejtave tona kolektive”.

Kujtojmë se, Komuna e Bujanocit, nga Këshilli i Evropës, zyrja në Beograd, ka përfituar një grant mbi dygjuhësinë në Bujanoc, nga i cili do të vendosen tabllot nëpër institucione lokale e republikane në dy gjuhë, shqip-serbisht.

Scott: Procesi i dialogut Kosovë – Serbi është komplikuar

Ambasadori i SHBA-së, Kyle Scott, ka thënë sot se situata në procesin e dialogut midis Kosovës dhe Serbisë është shumë komplekse. Ai thotë se nuk është e dobishme që të dy palët të vazhdojnë ta fajësojnë njëra-tjetrën.

Scott u tha gazetarëve në Beograd se është e nevojshme që të dyja palët të ulen për tryezën e negociatave dhe të normalizojnë dialogun.

“Kjo është ajo për të cilën angazhohen SHBA-ja dhe Bashkimi Evropian, dhe kjo është arsyeja pse ne përqendrohemi në të dy anët”, ka thënë Kosnett.

Ministri i Brendshëm serb, Nebojsha Stefanoviq, tha se është mirë që SHBA-ja dhe BE-ja kanë bërë thirrje për heqjen e taksave të Kosovës për mallrat nga Serbia dhe BeH, por që, sipas tij, nevojitet presion shtesë për ta arritur këtë.

Zbehet vlera e meçit të Isufit për titull të botës

Shefat Isufi ishte paraparë të ndeshej me yllin britanik Billy Joe Saunders, më 13 prill në “Wembley” për titull të botës në versionin WBO në peshën super të mesme.

Mirëpo, ndonëse ka mbetur kundërshtari i njëjtë, data dhe titulli kanë ndryshuar. Isufi do të ndeshet me Saundersin tash më 18 maj për titullin e përkohshëm në versionin WBO dhe meçi do të zhvillohet në stadiumin “Lamex” në Stevenage, stadium i skuadrës së Kategorisë së Katërt të Anglisë, Stevenaget.

Ndryshimet kanë ardhur pasi kampioni i botës në WBO, meksikani Gilberto Ramirez, ndonëse është ngjitur në kategorinë gjysmë të rëndë për të zhvilluar një meç në prill, ka vendosur të mbajë titullin.

Kjo ka shkaktuar huti edhe brenda vetë federatës botërore WBO që kishte menduar se Ramirez ka lëshuar titullin.

Tash meçi mes Isufit dhe Saundersit do të jetë për titull “WBO Interim”. Fituesi i duelit do të ketë të drejtën të jetë sfidues i menjëhershëm i Ramirezit për titull bote apo në rast se Ramirez heq dorë nga titulli, fituesi i duelit do të shpallet me automatizëm kampion në këtë version..

Ragmi Mustafa takoi Ambasadorin e SHBA-së në Beograd, Kyle Scott

Gjatë ditës së sotme kryetari i KNSH-së, Ragmi Mustafa, takoi Ambasadorin e Shteteve të Bashkuara të Amerikës në Beograd, Kyle Scott.

“Sot, pata nderin të mirëpritem nga Ambasadori i Shteteve të Bashkuara të Amerikës, Shkëlqesinë e Tij, Kyle Scott, në rezidencën e tij në Beograd.

Në fokus të bashkëbisedimit: zgjidhja e teksteve mësimore në shkollat shqipe të Luginës dhe pasivizimi i vendbanimeve në Preshevë, Bujanoc dhe Medvegjë.

Mirënjohje e thellë për ndihmën dhe përkushtimin amerikan për respektimin e të drejtave të shqiptarëve” shkroi Mustafa në profilin e tij në Facebook.

Fëmijët e çerdhës ” Gëzimi Ynë ” shënojn ditën e pranverës (Video)

Sheshi i qytetit të Bujanocit sot ishte i stolisur më bukur sësa ditëve të zakonshme, ardhja e stinës së pranverës i dha gjallërin këtij sheshi sepse ishtë dita e parë e pranverës arsyeja që nxori në shesh fëmijët e entit prashkollorë “Gëzimi Ynë” të cilët shënuan ktë ditë duke vizatuar figurat më të dashura të tyre, disa vizatonin lule, disa diellin e disa shtëpi këto ishin figurat më të shpeshta që iu shkonin ndërmend voglushëve teksa i anketuam.

Pjesë e aktivitetit të sotëm ishte padyshim edhe muzika e vallzimi të cilin me shumë dëshirë ata e bënin me bashkmoshatarët e tyre nën përcjelljen e edukatoreve. Stina e pranverës është edhe stina më e preferuar e fëmijëve përpos ngjyrave që sjell kjo stinë me vete ka edhe motin e ngroht ku fëmijët e vertetuan se mund të realizojn shëti të ndryshme.

Kryetari i LPD-së, Shqiprim Musliu, u takua me diplomatin Valdet Sadikun.

Gjatë ditës së sotme në Prishtinë, kryetari i LPD-së, Shqiprim Musliu, u takua me drejtorin e pergjithëshëm në Ministrinë e Punëve të Jashtme të Republikës së Kosovës Valdet Sadikun.

“Gjatë ditës së sotme u takova me z.Valdet Sadikun, ish zyrtar ndërlidhës i Zyrës së Kosovës në Beograd, tani drejtor i pergjithëshëm në Ministrinë e Punëve të Jashtme të Republikës së Kosovës.

Me z.Sadikun, bashkëbiseduam dhe zbërthyem mundësit për realizimin e disa projekteve konkrete, projekte të rëndësishme për shqiptarët e Luginës së Preshevës, për të cilat do të njoftoheni ditëve në vijim” ka shkruar Musliu në profilin e tij në Facebook pas takimit.

Gazeta serbe i kushton artikull Luana Vjollcës, kështu ia kthen shqiptarja

Një gazetë serbe ka shkruar një artikull për Luana Vjollcën, duke theksuar se ajo i urren serbët ndërsa përkrahë Kosovën.

Një gazetë serbe me emrin ‘Espreso‘ ka shkruar një artikull për prezantuesen dhe këngëtaren shqiptare, Luana Vjollcën.

Në titull ata theksojnë se Luana është ‘peshku më i mirë për të cilën të gjithë po prejnë venat’, ndërsa i urren serbët me shpirt.

Më pas në artikull shpjegohet se si ajo është një nga përkrahëset më të mëdha të Kosovës dhe Shqipërisë së Madhe, duke treguar se për çdo festë shqiptare Luana bën postime e madje i dedikon edhe emisione.

Këtë artikull tash e ka parë edhe vetë Luana, e cila ka reaguar në Instagramin e saj personal me më se 1.4 milionë ndjekës.

Luana ka postuar në ‘story’ foton e artikullit, ku ajo shihet me flokë të kuq e plis me shqiponjë në kokë, ndërsa shkruan për përmbajtjen e artikullit.

Ajo shkruan: “Gazetat serbe paskan shkruar sa shumë e urrej Serbinë dhe sa shumë e dua Shqipërinë e Madhe”.

Në fund, Luana e konfirmon këtë duke thënë se është shumë mirë që serbët e dijnë këtë.

Rashica: Jam i gatshëm të luaj në cilëndo pozitë dhe ta jap maksimumin për Kosovën

Milot Rashica është i gatshëm të japë maksimumin e tij për Kosovën në cilëndo pozitë në fushë që ia kërkon trajneri.

Anësori i Werder Bremenit foli të martën në një konferencë për media para ndeshjes miqësore të Kosovës kundër Danimarkës, e përcaktuar të luhet të enjten në “Fadil Vokrri”, duke e vlerësuar atë si ndeshje shumë të rëndësishme për “Dardanët” për ta parë se ku qëndrojnë ata në raport me Kombëtaret e mëdha.

Rashica u pyet rreth pozitës së tij në Kombëtare dhe asaj në klubin e tij Werder Bremen, në një konferencë në Prishtinë pas stërvitjes me verdhekaltrit.

Ai këmbënguli se nuk ka rëndësi pozita në fushë për të, pasi është i gatshëm të luajë kudo që e cakton Bernard Challandes.

Pozita e parapëlqyer e 22-vjeçarit është anësor i majtë, edhe pse kohëve të fundit ka luajtur si qendër sulmues te klubi gjerman, në ekipin kombëtar zakonisht është aktivizuar si anësor i djathtë.

“Nuk kam folur deri tani më Challandes [për pozitën në fushë]. Jam i gatshëm dhe do ta jap maksimumin pavarësisht pozitës. Dallojnë pozitat me atje [Bremen], jam duke luajtur si qendër sulmues, por taktikat ndryshojnë por unë jam i gatshëm te luaj edhe në tjerat pozita”, tha vushtrriasi.

Kërcënim me bombë në selinë e BE-së në Bruksel

Zëdhënësja e policisë së Brukselit Ilse Van de Kire tha se kërcënimi ishte bërë përmes telefonit në një zyrë konsultimi të lidhur me Komisionin Evropian.

Përafërsisht 40 vetë u evakuan nga një ndërtesë pranë selisë së Bashkimit Evropian në Bruksel pasi kompania e lidhur me BE-në ishte kërcënuar me bombë.

Zëdhënësja e policisë Ilse Van de Kire tha se kërcënimi u dërgua me telefon në një zyrë konsultimi të lidhur me Komisionin Evropian, duke theksuar se kërcënimi është kuptuar seriozisht.

Agjencia e lajmeve “AP” njofton se pjesët e caktuara të rrugëve janë të mbyllura dhe se policia po përdorë qen të trajnuar për të gjurmuar mjetin shpërthyes.

Gjeloshaj kryetar i Tuzit, Kajoshaj kryetar i parlamentit lokal

Partia Demokratike e Malit të Zi njoftoi se do të mbështesë koalicionin e partive shqiptare, Forumin shqiptar në komunën e Tuzit, në mënyrë që të dërgojnë Partinë Socialiste Demokrate të Milo Gjukanoviq në opozitë.

Udhëheqësi i Alternativës Shqiptare Nik Gjeloshaj do të jetë kryetar i ri i Komunës së Tuzit, ndërsa Fadil Kajoshaj nga Bashkimi Demokratik i Shqiptarëve do të jetë kryetar i parlamentit lokal.

Forumi shqiptar, i cili përbëhet nga Alternativa Shqiptare, Aleanca Demokratike dhe Bashkimi Demokratik i Shqiptarëve, fitoi 16 vende në parlamentin lokal dhe me një përfaqësues të Partisë Demokratike të Malit të Zi do të ketë shumicën.

Seanca konstituive ku do të zgjidhet kryetar i Kuvendit të Tuzit është planifikuar për 21 mars, raporton  RTCG.

Ndryshe, Tuzi do të jetë komuna e parë që do të udhëhiqet nga shqiptarët, pasi në zgjedhjet e kaluara partitë shqiptare pësuan humbje në Ulqin.

1...434445...60Faqja 44 nga 60
Are Web developer / Veton Rexhepi

EDHE MË SHUMË LAJME

KATEGORI E POPULLARIZUAR

©