𝐅𝐓𝐄𝐒𝐄̈ 𝐏𝐄̈𝐑 𝐀𝐏𝐋𝐈𝐊𝐈𝐌
𝐁𝐔𝐑𝐒𝐀𝐓 𝐃𝐇𝐄 𝐍𝐃𝐈𝐇𝐌𝐀𝐓 𝐅𝐈𝐍𝐀𝐍𝐂𝐈𝐀𝐑𝐄

Ftojmë të gjithë studentët shqiptarë nga Lugina e Preshevës dhe Sanxhakut të aplikojnë për bursa studentore, të cilat ndahen nga Këshilli Kombëtar Shqiptar, në zbatim të Vendimit të Qeverisë së Republikës së Kosovës, në kuadër të programit “Përkrahje për Luginën e Preshevës dhe Sanxhakun”.

Gjithashtu, ftojmë të gjithë nxënësit shqiptarë që janë pa një ose asnjë prind, që ndjekin mësimin në gjuhën shqipe (në institucione parashkollore, shkolla fillore dhe të mesme) të aplikojnë për ndihmën e njëhershme financiare, në kuadër të të njëjtit program mbështetës.

Aplikoni dhe përfitoni nga kjo mundësi e rëndësishme për të mbështetur rrugëtimin tuaj arsimor!

Për më shumë informacione dhe dokumentacionin e nevojshëm për aplikim, vizitoni faqen zyrtare të Këshillit Kombëtar Shqiptar.

Kryetari i komunës së Bujanocit Arbër Pajaziti me shkresë iu është drejtuar MPB-së dhe OSBE-së lidhur me rastin e ndidhur në Bosilegrad, ne postimin e Pajazitit thuhet:

Me dy letra të ndara, sot iu jam drejtuar Ministrisë së Punëve të Brendshme të Serbisë dhe misionit të OSBE-së në këtë shtet, ku kam kërkuar hetim të detajuar dhe të paanshëm ndaj dhunës së ushtruar ndaj bashkëqytetarëve tanë në Bosilegrad.

Kam theksuar domosdoshmërinë për ndërmarrjen e masave ndaj zyrtarëve policorë të cilët në mënyrë flagrante kanë shkelur Ligjin si dhe zbardhjen e plotë të prapavisë tendencioze të rastit.

Është evidente se kjo ngjarje ka rritë pasigurinë e sportistëve shqiptarë për të garuar në kalendarin sportiv në Serbi, andaj kërkon qasje dhe zgjidhje të menjëhershme.

Sportistët tanë, veçmas futbollistët e Tërnocit nuk e meritojnë të dhunohen. Me djersën e tyre ata kërkojnë vetëm të trajtohen njësoj si të tjerët!

Ndaj rastit të djeshëm që ndodhi në Bosiligrad kishte reagime të shumta dhe të ndryshme, ndërkaq këshilltari i kuvendit komunal të Bujanocit Rahim Salihi ka shkruar :

Sulmi ndaj futbollistëve të KF Tërnocit në Bosiligrad nuk është vetëm politik. Ai është njëkohësisht edhe etnik, edhe politik.

Është politik për shkak të përkatësisë etnike dhe etnik për shkak të atmosferës politike të krijuar në këtë shtet!

Reagimi i policisë nuk është vetëm reagim i një polici ndaj një lojtari. Ajo është dhunë e ushtruar e një aparati shtetëror ndaj një shqiptari!

Nuk e ka goditur polici lojtarin sepse ka humbur penaltin. As pse nuk i ka pëlqyer ngjyra e fanelave të KF “Tërnocit”, e aq më pak pse dje ka rënë borë në Bosiligrad!

Nëpërmjet goditjes, polici Petrov ka shpërfaqur mllefin, urrejtjen dhe mosdurimin që shteti të cilin ai e përfaqëson ka ndaj qytetarëve të vet që kanë emër e mbiemër tjetër. Në këtë rast Zeqiri, për shembull!

Prandaj ky skandal është shumë më i rëndë se sa një konflikt i ndodhur në një ndeshje të zakonshme futbolli.

Prandaj është politik. Dhe vetëm si i tillë duhet të trajtohet!

E kur jemi te kjo,

Klubi futbollistik Tërnoci është klubi më i vjetër e më i madh shqiptarë në Komunën e Bujanocit. Lojtarët e këtij klubi, përveç që janë shqiptarë, janë të gjithë qytetarë të komunës tonë.

Sulmi i ndodhur dje nuk ke i mjaftueshëm që të nxisë të reagojë asnjë përfaqësues lokal politik serb.

As drejtuesit serb të komunës që kanë gojën plotë “multietnicitet” dhe që ushtrojnë 40% të pushtetit në Bujanoc, as drejtori i Shërbimit të Trupit Koordinues e shefi i partisë shtet në Bujanoc.

Për ta, siç po shihet, më shumë ka rëndësi polici Petrov nga Bosilegradi, se futbollisti e qytetari Zeqiri nga Bujanoci!

Prandaj janë të rrejshëm! Edhe ata e edhe angazhimi i tyre për një Bujanoc të të gjithëve!

Ata e kanë te % e te pushteti.

Ata se kanë as te bashkëjetesa, as te barazia!

Këshilli Kombëtar Shqiptar sot mbajti seancën e radhës për vitin 2025 ku u morën disa vendime:

✅ 𝐒𝐡𝐮𝐦𝐚 𝐞 𝐩𝐞̈𝐫𝐜𝐚𝐤𝐭𝐮𝐚𝐫 𝐩𝐞̈𝐫 𝟔 𝐨𝐫𝐠𝐚𝐧𝐢𝐳𝐚𝐭𝐚𝐭 𝐩𝐞̈𝐫𝐟𝐢𝐭𝐮𝐞𝐬𝐞, 𝐪𝐞̈ 𝐤𝐚𝐧𝐞̈ 𝐧𝐞̈ 𝐟𝐨𝐤𝐮𝐬 𝐩𝐞𝐫𝐬𝐨𝐧𝐚𝐭 𝐦𝐞 𝐧𝐞𝐯𝐨𝐣𝐚 𝐭𝐞̈ 𝐯𝐞𝐜̧𝐚𝐧𝐭𝐚. 𝐃𝐨𝐧𝐚𝐭𝐨𝐫 𝐐𝐞𝐯𝐞𝐫𝐢𝐚 𝐞 𝐑𝐞𝐩𝐮𝐛𝐥𝐢𝐤𝐞̈𝐬 𝐬𝐞̈ 𝐊𝐨𝐬𝐨𝐯𝐞̈𝐬.

✅ 𝐔 𝐚𝐩𝐫𝐨𝐯𝐮𝐚 𝐏𝐫𝐨𝐠𝐫𝐚𝐦𝐢 𝐢 𝐐𝐞𝐯𝐞𝐫𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬 𝐩𝐞̈𝐫 𝐋𝐮𝐠𝐢𝐧𝐞̈𝐧 𝐞 𝐏𝐫𝐞𝐬𝐡𝐞𝐯𝐞̈𝐬 𝐧𝐠𝐚 𝐟𝐮𝐬𝐡𝐚 𝐞 𝐀𝐫𝐬𝐢𝐦𝐢𝐭 𝐝𝐡𝐞 𝐊𝐮𝐥𝐭𝐮𝐫𝐞̈𝐬 𝐩𝐞̈𝐫 𝐯𝐢𝐭𝐢𝐧 𝟐𝟎𝟐𝟓.

✅ 𝐔 𝐚𝐩𝐫𝐨𝐯𝐮𝐚 𝐓𝐡𝐢𝐫𝐫𝐣𝐚 𝐩𝐮𝐛𝐥𝐢𝐤𝐞 𝐩𝐞̈𝐫 𝐛𝐮𝐫𝐬𝐚 𝐬𝐭𝐮𝐝𝐞𝐧𝐭𝐨𝐫𝐞 𝐧𝐠𝐚 𝐅𝐨𝐧𝐝𝐢 𝐢 𝐑𝐞𝐩𝐮𝐛𝐥𝐢𝐤𝐞̈𝐬 𝐬𝐞̈ 𝐊𝐨𝐬𝐨𝐯𝐞̈𝐬.

✅ 𝐔 𝐚𝐩𝐫𝐨𝐯𝐮𝐚 𝐓𝐡𝐢𝐫𝐫𝐣𝐚 𝐩𝐮𝐛𝐥𝐢𝐤𝐞 𝐩𝐞̈𝐫 𝐧𝐱𝐞̈𝐧𝐞̈𝐬𝐢𝐭 𝐞 𝐦𝐚𝐫𝐠𝐣𝐢𝐧𝐚𝐥𝐢𝐳𝐮𝐚𝐫 (𝐩𝐚 𝐩𝐫𝐢𝐧𝐝 𝐭𝐞̈ 𝐜𝐢𝐥𝐞̈𝐭 𝐢 𝐤𝐚𝐧𝐞̈ 𝐯𝐝𝐞𝐤𝐮𝐫) 𝐧𝐠𝐚 𝐅𝐨𝐧𝐝𝐢 𝐢 𝐑𝐞𝐩𝐮𝐛𝐥𝐢𝐤𝐞̈𝐬 𝐬𝐞̈ 𝐊𝐨𝐬𝐨𝐯𝐞̈𝐬. Thuhet në njoftimin e KKSh-së.

Pas rastit të ngjarjes tronditëse që u ndodhi lojtarëve të klubit futbollistik Ternoci në Bosilegrad, ka pasur reagime te ndryshme, i menjëhershem ishte edhe reagimi i kryetsrit të KKSh-së Enken Rexhepi ku thuhet:

Shprehim shqetësimin më të thellë për ngjarjen e rëndë që ka ndodhur sot pas përfundimit të ndeshjes futbollistike në Bosilegrad, ku, sipas informacioneve të konfirmuara, ndaj fustbollistëve të klubit shqiptar pasi është ushtruar dhunë në fushë, policia është futur edhe në zhveshtoret e futbollistëve, duke i trajtuar ata si kriminel e jo si sportist.

Kam kontaktuar me drejtuesit e KF Tërnocit, ku kam shprehur gatishmërinë për t’iu qëndruar pranë futbollistëve, të cilët ndodhen në stacionin policor në Bosilegrad. Si Kryetar i Këshillit Kombëtar Shqiptar, jam në dispozicion të tyre për çdo mbështetje institucionale.

Ngjarja e sotme, ku sipas informacioneve të marra nga drejtuesit dhe mediat, policia jo vetëm që ka ndërhyrë në zhveshtore por edhe ka ushtruar dhunë ndaj një futbollisti shqiptar, është krejtësisht e papranueshme. Institucioni që duhet të kujdesej për sigurinë e tyre nuk mund të jetë pjesë e dhunës ndaj tyre.

Ky akt nuk duhet të kaloj pa përgjegjësi institucionale!!!

I papranueshëm ndalimi dhe mlatretimi i futbollistëve të KF Tërnoci, kërkova sqarime nga Drejtoria Policore

E gjykoj me çdo forcë maltretimin e sotëm që i ka ndodhur djelmoshave të KF Tërnoci me rastin e ndeshjes së futbollit në Bosilegrad.

Lidhur me rastin kam kërkuar menjëherë sqarime nga Drejtoria Policore në Vranjë, në ingirencat e së cilës është edhe Stacioni Policor i Bosilegradit.

Gjatë bisedës me kompetentët më është thënë se “policia e Bosilegradit ka marrë informacione se disa futbollistë të KF Tërnoci kanë futur në stadium mjete të forta dhe armë të ftofta me qëllim të shkaktimit të incidenteve. Pas bastisjes së kryer, ka rezultuar se askush nga KF Tërnoci nuk posedon gjëra të tilla”, m’është thënë nga DP në Vranjë.

Poashtu, më është kumtuar se “ kapiteni i KF Tërnoci ka bër shqiponjën me duar me qëllim të mxitjes”.

Në ndërhyrjen time se policia ka përdorur dhunë, m’është thënë “ se ndaj policëve që kanë përdorur dhunë do të merren masa”.
Në fund më është thënë “ se pas deklaratave në polici”, futbollistët do lihen të lirë për tu kthyer në shtëpi.

Pa marrë parasysh deklaratat e policisë, konsideroj se prezenca e uniformuar në ambientet personale të futbollistëve është një formë maltretimi e cila nuk lejohet me rregullat sportive e ato civile.

Aktin e sotëm e cilësojmë të qëllimshëm, të montuar dhe me prapavijë.

Ditëve në vijim, kjo ngjarje do të kërkojmë të sqarohet në nivele të larta, ndërsa ndaj atyre që e kanë përgatitur duhet të merren masa rigoroze.

Në Komunën e Preshevës pritëm në një vizitë vëllazërore zv. Kryeministrin e Parë të RMV-së, z. Izet Mexhiti, së bashku me bashkëpunëtorët e tij: znj. Miqereme Rusi – këshilltare për arsim, z. Astrit Iseni – zëvendësministër i Punëve të Brendshme dhe znj. Feride Haxhiu – deputete në Kuvendin e Maqedonisë së Veriut.

Bashkëbisedimi ynë u fokusua në rritjen e bashkëpunimit ndërkufitar dhe zhvillimin ekonomik të zonës, me theks të veçantë në përfshirjen e investitorëve nga Maqedonia e Veriut në Zonën Industriale të Preshevës, si dhe në mundësitë për realizimin e projekteve të përbashkëta përmes fondeve ndërkombëtare.

Diskutuam gjithashtu për hapjen e vendkalimit kufitar Miratoc–Llojan, si një hap strategjik që do të lehtësonte qarkullimin e lirë të njerëzve dhe mallrave dhe do të sillte përfitime konkrete për qytetarët tanë.

Në qendër të vëmendjes ishte edhe arsimimi universitar i të rinjve nga Lugina e Preshevës, ku u diskutuan mundësitë për mbështetje me bursa dhe akomodim për studentët që ndjekin studimet në Maqedoninë e Veriut.

Kjo vizitë vëllazërore rikonfirmon vullnetin e përbashkët për bashkëpunim afatgjatë dhe përkushtimin për zhvillimin e ndërsjellë të zonave tona.

Sot, Këshilli Kombëtar Shqiptar ka pranuar mbështetje financiare nga Ambasada e Republikës së Shqipërisë në Beograd, në kuadër të përkrahjes së projekteve për këtë vit:

𝐊𝐮𝐫𝐬𝐢 𝐢 𝐠𝐣𝐮𝐡𝐞̈𝐬 𝐬𝐡𝐪𝐢𝐩𝐞 𝐩𝐞̈𝐫 𝐬𝐡𝐪𝐢𝐩𝐭𝐚𝐫𝐞̈𝐭 𝐞 𝐒𝐚𝐧𝐱𝐡𝐚𝐤𝐮𝐭

𝐅𝐞𝐬𝐭𝐢𝐯𝐚𝐥𝐢 𝐢 𝐒𝐭𝐚𝐧𝐝 – 𝐔𝐏 𝐊𝐨𝐦𝐞𝐝𝐢 𝐅𝐞𝐬𝐭 – 𝐋𝐮𝐠𝐢𝐧𝐚

𝐍𝐝𝐞̈𝐫𝐠𝐣𝐞𝐠𝐣𝐞̈𝐬𝐢𝐦𝐢 𝐦𝐛𝐢 𝐩𝐞̈𝐫𝐝𝐨𝐫𝐢𝐦𝐢𝐧 𝐞 𝐠𝐣𝐮𝐡𝐞̈𝐬 𝐬𝐡𝐪𝐢𝐩𝐞 𝐧𝐞̈ 𝐋𝐮𝐠𝐢𝐧𝐞̈𝐧 𝐞 𝐏𝐫𝐞𝐬𝐡𝐞𝐯𝐞̈𝐬

Falënderojmë Ministrinë për Evropën dhe Punët e Jashtme të Shqipërisë dhe Ambasadën shqiptare për ndërmarrjen e një hapi teje të rëndësishëm, në mbështetje të Këshillit Kombëtar Shqiptar dhe një qasje proaktive ndaj Luginës së Preshevës.Përkrahja për projektet që synojnë ruajtjen dhe kultivimin e identitetit kombëtar shqiptar është një hap më tej drejt qëllimit tonë të përbashkët, ka njoftuar keshtu drejtuesi i ketij institucioni, Enkel Rexhepi.

Komuna e Bujanocit ka filluar këto ditë me riparimin e ndriçimit publik në të gjitha vendbanimet.

Si rrjedhojë, po zëvëndësohen poçet e djegura me ato të rejat.

Megjithatë, gjatë punës në terren është hasur në parregullësi të shumta dhe keqpërdorime të rrjetit.

Ka shumë ekonomi familjare dhe biznese private të cilat në mënyrë të paligjshme janë të lidhura në rrjetin e ndriçimit publik.

Për këtë qëllim do të formohet një komision i cili do të konstatojë gjendjen faktike ndërsa si rezultat do të pasojnë gjoba për keqpërdoruesit.

Andaj, i bëjmë thirrje të gjithë atyre që janë kyçur ilegalisht në këtë rrjet të shkyçen sa më parë duke mos rënduar taksapaguesit por edhe veten e tyre nga shpenzimet e panevojshme të gjykatës dhe përmbaruesve, keshtu ka njoftuar kryetari Pajaziti permes nje njoftimi ne fb.

Për të qenë transparent dhe për të njoftuar qytetarët me disa nga punët tona të cilat janë në realizim e sipër, po i publikojmë grantet dhe projektet të cilat i ka fituar Komuna e Bujanocit dhe ato të cilat kemi aplikuar dhe presim përgjigje nga ministritë përkatëse. Ministria e Minierave dhe Energjisë • Ndërtimi i centraleve diellore të vetëbalancuara me kapacitet 1 GW, më 10.10.2024. Projekti u shpall projekt me rëndësi për Republikën e Serbisë. • Sanimi energjetik i shtëpive familjare dhe banesave – Thirrja publike për vitin 2024 – e realizuar në vitin 2025. Vlera totale e projektit: 18.750.000,00 dinarë, nga të cilat fondet e Ministrisë janë 13.125.000,00 dinarë dhe të Komunës së Bujanocit 5.625.000,00 dinarë.Ministria për Zhvillimin e Komunave të pazhvilluara • Blerja e një automjeti të ri pasagjerësh për nevojat e Administratës Komunale – 2.400.000,00 dinarë. • Blerja e pajisjeve dhe lodrave për këndet e lojërave për fëmijë në qytetin e Bujanocit dhe në Bashkësinë Lokale të Tërnocit të Madh – 5.455.044,00 dinarë.Ministria e Administratës Shtetërore dhe Vetëqeverisjes Lokale • Përmirësimi i punës së Kuvendit Komunal të Bujanocit përmes futjes së sistemit për incizimin dhe transmetimin e seancave, si dhe renovimi i sallës së Kuvendit – 4.656.038,00 dinarë.Kabineti i Ministrit të Ngarkuar për Pajtim, Bashkëpunim Rajonal dhe Stabilitet Shoqëror • 2.000.000,00 dinarë – përmirësimi i kushteve për zhvillimin turistik të Bujanocit.Agjencia për Sigurinë e Komunikacionit • 5.000.000,00 dinarë për projektet e pajisjes komunale të sinjalizimit rrugor dhe për hartimin e dokumenteve strategjike në fushën e sigurisë së komunikacionit.Komisariati për Refugjatë dhe Migracion i Republikës së Serbisë • 2.000.000,00 dinarë – Ndërtimi i palestrës në natyrë në Parkun e Qytetit.Ministria e Ndërtimit dhe Infrastrukturës • Identifikimi i nevojave për rehabilitimin dhe modernizimin e rrugëve lokale ekzistuese. • 10 trase rrugore, me kushtin që vlera minimale për trase të mos jetë më pak se 30 milionë dinarë. • Është aplikuar për një shumë prej 446 milionë dinarësh – pritet njoftimi mbi rezultatet e Thirrjes Publike.Ministria për Menaxhimin e Investimeve Publike • Furnizimi me ujë – zëvendësimi i tubave të azbestit në qytetin e Bujanocit. • Në total, duhet të zëvendësohen 6.8 km rrjet ujësjellësi, me një vlerë të përgjithshme punimesh prej 238 milionë dinarësh. • Pritet njoftimi mbi rezultatet e Thirrjes Publike.Ministria për Kujdesin ndaj Fshatit • Është aplikuar për blerjen e një minibusi për transportin e popullsisë rurale – pritet njoftimi mbi rezultatet e Thirrjes Publike.