Një delegacion i komunës së Bujanocit sot ka vizituar disa prej shtëpive të dëmtuara nga vërshimet e fundit që goditën komunën e Bujanocit, respektivisht në fshatrat Lluçan, Konçul, Novo Naselje dhe Banjë të Bujanocit, me ç’rast nga afër u njoftuan rreth dëmeve.

Nga situata e fundit e vërshimeve shumë ekonomi familjare janë dëmtuar, dhe përfaqësuesit institucional të komunës së Bujanocit i njoftuan familjet e dëmtuara rreth mënyrës së aplikimit për ndihmë, e cila sipas Shtabit për situata të jashtëzakonshme kanë afat prej 30 ditëve për të paraqitur kërkesat.

Te nderuar miq, Nga fotot qe po shihni mund te konstatoni gjendjen e veshtire ne vendbanimet e prekura nga vershimet e diteve qe lame pas. Uji dale nga dale po terhiqet por pasojat e demshme po mbesin dhe jane jashtezakonisht te medha. Ne keto dite te ftohta dimri familjet shtepite e te cilave u mbushen plote uje te kontaminuar po pastrojne dhe heqin ujin nga objektetet e tyre te banimit. Disa thone ka qe dy dite e dy nete akoma gjume nuk kane vene ne sy duke u munduar me kapacitetet e tyre te sanojne demet dhe nxjerrin ujin jashte. Gjithçka qe kishin iu eshte demtuar sepse te gjitha gjerat e mobileria e shtepive iu eshte lagur dhe kundermon nga era. Nuk mund te flejne ne shtepite e tyre sepse nuk kane vend nga uji, edhe dyshemete i kane zhveshur e gjithçka kane hedhur jashte qe te thahen e ky mot i ftohte e ben edhe me te veshtire gjendjen.

Fatkeqesisht komuna jone eshte e varfer dhe nuk do te kete mundesi financiare te beje demshperblimin te gjitha familjeve qe jane demtuar nga vershimet, andaj po qe se ka njerez te vullnetit te mire dhe deshirojne te ndihmojne mundesia gjithmone ekziston sepse bashkeqytetaret tane me te vertete kane nevoje per ndihmen financiare te çdokujt sado e vogel qe te jete ajo. Fotot ku shihet edhe djepi i lagur jane nga shtepia e familjes B.Jakupi nga Lluçani, i cili njeherit eshte edhe invalid i luftes, i cili ne kohen kur atdheu kishte nevoje per te ai e deshmoi veten, tani kur B.Jakupi ka nevoje per ju atdhetare edhe ju duhet ta deshmoni veten. Shtepia e tij eshte plotesisht e shkaterruar, dy femijet e vegjel i kishin derguar te dajte e tyre, kurse familja po flenin ne shtepine e vellaut e cila kishte shpetuar pa demtime nga uji. Ka shume raste si familja Jakupi, por mua sinqerisht me preku shume gjendja e tyre duke e pasur parasysh se kane edhe femije te vegjel te cilet meritojne te jetojne te lumtur e te kthehen ne shtepine e tyre ne kushte normale.

Nese mendoni se mund t’i ndihmojme komentoni dhe jepni ide si t’ia bejme qe t’i dalim ne ndihme bashkeqytetareve tane qe kane nevoje per ne.

Si pasojë e një aksidenti që ka ndodhur në orët e pasditës së sotme në rrugën Lluan-Dobrosin dy të mitur kanë humbur jetën në vendin e ngjarjes ndërsa 4 të tjerë kanë mbetur të lënduar, dy prej tyre rëndë, lajmin ia ka konfimruar portalit LajmiAL mjeku kujdestarë nga ndihma e shpejtë në Bujanoc Dejan Stojanoviç.

Sipas tij personave të lënduar menjëherë iu dhënë ndihma e parë në Bujanoc dhe më pas janë transportuar për  në Spitalin e Vranjës.

Aksidenti ka ndodhur kur automjeti e ka humbur kontrollin dhe ka rënë disa metra nën rrugë./LajmiAL/

Në seancën e djeshme të Këshillit komunal është aprovuar kërkesa e K.F.”Tërnocit” për ndihmë financiare.

Duke u nisur nga fakti se këtë vit komuna e Bujanocit nuk ka ndarë mjete financiare për klubet sportive, por ka paguar obligime të vitit 2019, dhe se rezultatet e K.F.”Tërnocit” janë për t’u admiruar, e që si rrjedhojë janë shpallur kampion vjeshtor në Ligën e Pçinjës, kryetari i komunës së Bujanocit përmes Këshillit komunal ka aprovuar kërkesën për ndihmë financiare të K.F.”Tërnocit”, dhe kështu ka ndihmuar klubin me 300.000 dinarë.

K.F.”Tërnoci” është klubi më masovik në nivel komune dhe në mënyrë direkte në aktivitete janë të kyçur rreth 120 të rinj.

Nga garat e zhvilluara me ekipin e seniorëve, pionierëve, fatosave, klubi ka bartur një barrë të rëndë financiare, në rradhë të parë në shpenzimet e udhëtimeve, por edhe në shpenzimet tjera që përkojnë me mbarëvajtjen e garave. ( ushqim, pije freskuese, honoraret delegatëve, referëve, etj).

Poashtu, gjatë sezonit vjeshtor, edhe fusha ka pësuar dëmtime si rrjedhojë e zhvillimit të dhjetëra ndeshjeve, kështu që ndihma e komunës së Bujanocit ka qenë nevojë e patjetërsueshme.

Kushtet e mira klimatike kanë mundësuar realizimin e punimeve në shkollën fillore “Naim Frashëri” në Bujanoc.

Me rishikim të buxhetit gjatë muajit shtator, këshilltarët e Kuvendit komunal të Bujanocit aprovuan propozimin për asfaltimin e oborrit të shkollës fillore “Naim Frashëri” në Bujanoc, si projket me urgjencë për përmirësimin e kushteve të nxënësve të kësaj shkolle.

Projekti në fjalë ka kushtuar 1.700.000 dinarë me TVSh, dhe punëkryes është kompania “Saba Bellça”.

Vaksinimi kundër koronavirusit ka filluar sot në shtëpinë e pleqve në Beograd dhe në Novi Sad.

Ndërsa nga udhëheqsia e shtetit vaksinën e morën kryemistrja e vendit Ana Brnabiq dhe ministrja Darija Kisiq Tepaveçevic, si dhe epidemiologu Predrag Kon.

20,000 dozat e reja të vaksinave, të cilat janë planifikuar për punonjësit shëndetësorë, priten në fillim të janarit të arrijnë , ka  njoftuar  Ekipi Kombëtar i Koordinimit të Imunizimit.

Problemet me shpërndarjen e vaksinave mund të fillojnë në mes të janarit, supozon  Presidenti i Serbisë. Ndërsa , mbrojtja e vetme kundër virusit mbetet edhe më tej  masa mbrojtëse.

Imunologët besojnë se nuk ka mundësi që ato të zvogëlohen ndjeshëm duke menduar se festat e fundit të vitit të festohen sikur çdo vit.

 Një alarm i ri për mjekët – një lloj i ri i virusit që është shfaqur në Britani. Ndryshe nga shumë vende, Serbia nuk ka ndaluar fluturimet nga ai vend, por epidemiologët paralajmërojnë se është e rëndësishme të monitorohet lëvizja e mutacionit të ri të virusit.

Në lehtësimin e masave pa rrezikuar përpjekjen e përbashkët anti-epidemike, ne do të diskutojmë se si t’i bëjmë masat më mirë të matura, të jenë sa më kufizuese sa të jetë e nevojshme dhe jo më shumë se kaq dhe çfarë saktësisht do të thoshte, kjo është një çështje për diskutim në kohë reale, ne ndjekim nga dita në ditë.Nga stafi mjeksor i Shtabit të Krizave thuhet se  nuk është koha të mendojmë të dorëzohemi sepse situata nuk ka filluar të përmirësohet në një masë të konsiderueshme. Vaksinimi mund të ndihmojë për ta bërë atë më të dukshëm, por presim që valët e ardhshme të epidemive në vendet e tjera të fillojnë të dobësohen.

Në mbledhjen e sotme të Këshillit Komunal të komunës së Bujanocit, anëtarët e Këshillit komunal njëzëri votuan propozim buxhetin për vitin 2021. Buxheti për vitin 2021 kap vlerën prej 1.298.000.000,00 dinarëve.

Për vitin 2021, ndër të tjera janë paraparë investimet në infrastrukturën rrugore, që përveç përmirësimit të kushteve të qytetarëve, do të ndikojë edhe në zhvillimin direkt apo indirekt ekonomik, në bujqësi, zhvillim ekonomik, aftësim profesional, si dhe përkrahjen financiare të mediave, klubeve sportive, shoqatave kulturore artistike, organizatave joqeveritare, etj.

Në pikat tjera të rendit të ditës janë aprovuar edhe programet e ndërmarrjeve publike.

Po vazhdojnë investimet në Malësi të Bujanocit. Kësaj here, kryetari i komunës së Bujanocit Nagip Arifi me bashkëpunëtorët e tij, në prani të banorëve të fshatit Bilinicë përuruan trafo stacionin në këtë fshat, duke bërë kështu zgjidhjen e problemit shumëvjeçar me rrjetin elektrik.

Investimi në këtë trafo stacion kap shumën prej më shumë se 100.000 €, dhe pas projektit të realizuar muaj më parë të asfaltimit të rrugës Muhoc – Zarbincë, kjo e sotit paraqet një investim tejet të rëndësishëm për banorët e Bilinicës.

Banorët e Bilinicës për rreth katër vite kanë pasur probleme me rrymën elektrike, e si pasojë e saj shumë pajisje shtëpiake, si makina e larjes, bojlerat, televizorat nuk kanë funksionuar në mungesë të përforcimit të rrjetit.

Ndërkohë, qytetarët e Bilinicës ndjehen të lumtur që kërkesa e tyre u trajtua seriozisht nga pushteti lokal, dhe nuk hezituan të shprehin falemnderime dhe mirënjohje për të parin e komunës së Bujanocit për premtimin e mbajtur.