7.7 C
bujanovac
Friday, April 24, 2026
Ballina Blog Faqe 35

Vuçiq: Ishte një takim i ashpër me Kurtin

Pas takimit të mbajtur për Ballkanin Perëndimor, ku po merrte pjesë edhe Albin Kurti, presidenti serb, Aleksandar Vuçiq, i është drejtuar mediave duke thënë se ka qenë një takim i ashpër, por që sipas tij, ai ka mbrojtur popullin serb.

Në orët e para të pasdites në Munih të Gjermanisë prapa dyerve të mbyllura është mbajtur takimi për Ballkanin Perëndimor, ku ka marrë pjesë presidenti serb dhe kryeministri i Kosovës.

Takimi është mbajtur sipas rregullave të “Chetnam House”, që do të thotë se pjesëmarrësit nuk mund të shprehin ato që është thënë brenda, por sipas mediave serbe, Vuçiq ka thënë se ishte një “takim i ashpër”.

“Kam luftuar për interesa të Serbisë dhe kam mbrojtur popullin serb, kjo është puna ime”, ka thënë Vuçiq.

Edhe pse sipas tij është mirë që ky takim është mbajtur, ai tha se do të ketë shumë probleme me të cilat do të ballafaqohet. Gjithashtu pretendon se disa zyrtarë nga Prishtina, sipas tij janë të papërgjegjshëm.

Ai ka komentuar edhe deklaratën e presidentit të Kosovës, Hashim Thaçi, se pret të arrihet një marrëveshje përfundimtare me Beogradin gjatë këtij viti, ku tha se disa në Prishtinë thirren në SHBA, derisa tjerët në Gjermaninë.

Delegacioni nga Shqiperia u prit sot nga Ardita Sinani

Gjatë ditës së sotme kryetarja e degës së Partisë për Veprim Demokratik, Ardita Sinani e shoqëruar nga bashkëpunëtorët e saj priti në takim delegacionin nga Shqipëria, Jemin Gjanën, anëtarë i kryesisë së PD-së, Enver Ferizaj, kryetar i Unionit Kombëtarë të Agrobiznesit Shqiptar dhe Selim Istrefi, biznesmen dhe zv.kryetar i Unionit Kombëtarë të Agrobiznesit Shqiptar.

Delegacioni nga Shqipëria u njoftua nga kryetarja Sinani me gjendjen reale me të cilën përballen shqiptarët e Luginës së Preshevës. Theks të veçantë në këtë takim kishte sfera e zhvillimit ekonomik, e veçanërisht problemet me të cilat përballen ndërmarrësit e Luginës në plasimin e produkteve të tyre.

Interi dëshiron Aubameyangun nëse Lautaro Martinez largohet

Sulmuesi i Arsenalit, Pierre-Emerick Aubameyang shihet si pasues ideal i Lautaro Martinezit nëse vendos të largohet nga Interi në verë.

Lautaro Martinez ka befasuar të gjithë me potencialin e treguar këtë sezon, duke shënuar shumë gola dhe dhënë asistime.

Forma e tij e mira dhe mosha e re kanë bërë që shumë klube të mëdha evropiane të vihen pas tij, në veçanti Barcelona.

Barcelona e gatshme të paguajë klauzolën e Lautaro Martinezit

Barcelona e gatshme të paguajë klauzolën e Lautaro Martinezit

Frika se ylli argjentinas mund të largohet në verë ka bërë që Nerazzurrët të mendojnë për pasuesin e tij.

Sipas mediumit italian Gazzetta dello Sport, Interi i Antonio Contes po përgatitet për një sulm për sulmuesin e Arsenalit, Aubameyang nëse Lautaro do të largohet gjatë verës.

Reali fuqishëm në garë për Lautaron, planifikon t’ia paguajë klauzolën dhe t’ia pesëfishojë rrogën

Raporti i këtij mediumit shton se jo vetëm Barcelona është e interesuar për sulmuesin, por edhe Manchester Cityt dhe Real Madridi kanë qenë gjithashtu në kontakt në lidhje me disponueshmërinë e tij.

Dhe me Aubameyang që tani hyn në vitin e fundit të kontratës së tij te Arsenali, një transferim i sulmuesit nga Gaboni mund të jetë në kartat e klubit nga Serie A.

Sulmohet ne vendin e punes Dr.Mejdi Zeqiri

Tre persona nën ndikimin e alkoolit, (sipas burimeve të presheva.com të nacionalitetit rom) gjatë mbrëmjes së të enjtës e kanë sulmuar fizikisht Dr. Mejdi Zeqirin në vendin e tij të punës, në repartin e Ndihmës së Shpejtë në Shtëpinë e Shëndetit në Bujanoc.
Sipas Zeqirit, rreth orës 22h tre persona kanë hyrë në ordinancë. Të gjithë kanë qenë nën ndikimin e alkoolit, ndërsa njëri prej tyre nën ndikim më të madh të alkoolit dhe me dhimbje të veshkëve.
Pasi që Ai i kishte përgatit terapinë, njëri nga sulmuesit ka ndërhyrë duke mos lejuar që ti vendosë infuzionin, njëkohësisht duke sharë dhe bërtitur ka kërkuar nga ai që ti shkruaj udhëzim për Vranjë, gjë të cilën e kishte bërë, ka shpjeguar Dr. Zeqiri. Megjithatë, kur Dr. Zeqiri i ka sqaruar se nuk ka automjet të lirë për ta transportuar për në Vranjë, njëri prej tyre fizikisht e ka sulmuar atë.
Me kte rast ka reaguar edhe Shoqata e mjekëve të Luginës.
Nëpërmjet një statusi të publikuar në faqen zyrtare të tyre, mjektë shqiptarë në Luginë të Preshevës, kanë dënuar ashpër sulmin ndaj kolegut të tyre në Bujanoc, dhe njëkohësisht kanë kërkuar që organet e rendit të zbardhin rastin dhe të marrin masa ndaj agresorëve.
Njëkohësisht kjo shoqatë ka ngritur zërin për fakrtin se rasti i djeshëm nuk është, por në kontuinitet këto raste po përsërirte dhe po kërcënohet personeli mjekësor

Pamje përrallore në stinën e dimrit, në Karadakun e Preshevës (FOTO)

Stina e dimrit padyshim që zbukuron secilin vend që mbulohet me bardhësinë e borës, shkruan IndeksOnline.

Njësoj edhe në kufirin Kosovë-Preshevë, saktësisht te Karadaku i Preshevës mund të shihni pamje të mrekullueshme e me bukuri natyrore në stinën e ftohtë.

Në disa fotografi më poshtë ju sjellim pamje përrallore të kësaj pjese.

Përfaqsues të Ambasadës Holandeze vizitojnë komunën e Preshevës

Sot Zëvendës Kryetari i komunes Z. Armend Aliu priti në takim sekretarin politik të Ambasadës Holandeze Z. Hugo Grondel dhe sekretarin e parë si dhe koordinatorin e Ambasadës Holandeze për Ballkanin Perendimor Z. Wouter Simonis.

Përveç informimit të rregullt mbi mbarëvajtjen e proceseve politike dhe projekteve në Komunën e Preshevës, temë e bisedimeve ishte edhe lista e përbashkët e shqiptarëve të Luginës së Preshevës për zgjedhjet parlamentare, iniciativë e cila u përshëndet nga përfaqësuesit e Ambasadës së Holandës.

Komuna e Preshevës është e përkushtuar në krijimin dhe zhvillimin e raporteve miqësore me të gjitha Ambasadat.

Grenell i kërkon Kurtit ta heqë taksën, paralajmëron një marrëveshje Kosovë – Serbi

Richard Grenell i kërkon Qeverisë së Albin Kurtit që ta heqë sa më shpejt tarifën ndaj Serbisë, derisa paralajmëron ‘lajme të reja’.

Emisari i presidentit amerikan, Donald Trump, për ndërmjetësim në dialogun Kosovë – Serbi, Richard Grenell, ka kërkuar nga Qeveria e re e Kosovës, që të heqë sa më shpejt tarifën ndaj produkteve serbe.

Grenell, i cili është edhe ambasador i SHBA’së në Gjermani, ka thënë për Associated Press se “presin që tarifat të hiqen menjëherë”.

Ai thotë se është në interes të Kosovës që ta largojë tarifën prej 100 për qind që Qeveria Haradinaj i kishtë vënë mallrave serbe dhe boshnjake në nëntor të vitit 2018.

“Ne ua kemi bërë të qartë të gjithë liderëve partiakë në Kosovës se heqja e tarifave është në interes të Kosovës dhe dëshirës për të joshur biznese të reja”, është shprehur Genell.

Ndërkaq, i deleguari i Trumpit, i cili së fundmi ka befasuar me ndërmjetësimin në arrijtjen e marrëveshjes për linjën ajrore Prishtinë – Beograd, paralajmëron lajme të reja.

“Kemi progres histori. Do të ketë njoftime të reja së shpejti sepse dy palët janë të interesuara të ecin përpara. Këto lëvizje do të krijojnë një jetë më të mirë për popujt e rajonit”, ka thënë Grenell.

Kurti në mbledhjen e parë të Qeverisë: Karriget i kemi por jam i bindur që më shumë do të rrimë në këmbë për shkak të punëve

Menjëherë pasi mori zyrtarisht mandatin e kryeministrit të Kosovës, Albin Kurti mblodhi qeverinë.

Kabineti i tij qeveritar, ka 2 zëvendëskryeministra e 15 ministra.

Kurti, duke iu drejtuar ministrave të tij, theksoi se “takimet tona do të jenë të shpeshta e të shumta që ta koordinojmë punën”.

“Mos të harrojmë, qeverisja jonë është pasqyrë në të cilën qytetarët do të shohin vetveten, të jetë kjo pamje që ata duan ta shohin vazhdimisht”, u shpreh Kurti.

“100 ditët e para do të jenë ditë të zëna me angazhim dhe përkushtim maksimal, karriget i kemi por më shumë do të rrimë në këmbë, programi ynë është ambicioz, por edhe pritjet e qytetarëve. Sytë e të gjithë popullit janë tek ky kabinet qeverisës. Mandati duhet të jetë më shumë për të shërbyer e jo për të urdhëruar. Shanset për sukses i kemi të mëdha”, tha ai

Arifi : Presim që Qeveria Kurti të përkushtohet më shumë ndaj Luginës

Subjektet politike shqiptare në Luginë të Preshevës kanë përshëndetur formimin e qeverisë së re të Kosovës dhe zgjedhjen e Albin Kurtit për kryeministër.

Nagip Arifi, kryetar i Partisë Demokratike ka uruar që qeveria e re të jep maksimumin për të punuar sa më intenzivisht dhe që fjalët e dhëna të shndërrohen vepra në realitet.

“Të vetëdijshëm për proceset shumë të rëndësishme që po e presin Kosovën dhe shqiptarët brenda e jashtë saj, angazhimi dhe kryerja e detyrës me përkushtim të lartë jep shpresë se çdo sfidë do të tejkalohet në favorin tonë”, ka shkruar Arifi. 

Kryeministri Kurti u drejtohet qytetarëve: Pavarësisht kënd e keni votuar unë do të dëgjoj zërin tuaj

Kryeministri i Republikës së Kosovës, Albin Kurti, pas betimit ka mbajtur edhe një fjalë rasti para deputetëve të cilët kanë votuar për krijimin e institucioneve të reja.

Fjalimin e Kurtit në sallë se kanë dëgjuar deputetët e opozitës të cilët kanë lëshuar sallën para se të hidhej në votim qeveria Kurti.

Kurti ka thënë se me themelimin e kësaj qeverie kanë fituar qytetarët dhe populli.

Kryetari i Qeverisë së Kosovës ka thënë se do të bëjë maksimumin dhe se do të dëgjojë zërin e të gjithë qytetarëve pa marrë parasysh se kënd e kanë votuar.

Një pjesë nga fjalimi i Kurtit:

Sot kanë fituar qytetarët. Sot pushtetin e shtetin e ka fituar populli. Ne jemi kalimtar e shërbëtor që punojmë në emër të popullit e për popullin. Populli mbetet i përhershëm e ne jemi të zëvendësueshëm.

Unë zotohem këtu para jush që do të jap maksimumin për të mirën e të gjithë qytetarëve pa asnjë dallim.

Pavarësisht kënd e keni votuar unë do të dëgjoj zërin tuaj, sidomos kur nuk pajtohemi. Sot fillon rruga jonë e punës së palodhshme për të sjellë ndryshimin.

Sot mbaron mënyra e vjetër e të bërit politikë dhe fillon një etapë e re e të bërit qeveri.

Nga sot ka një lidership të ri, që i konsideron aleatë ata që tregojnë zero tolerancë ndaj korrupsionit.

Le t’i mbajmë pushtetet e ndara në një shtet të përbashkët.

Populli na ka zgjedhur të punojmë për interesat e tyre dhe jo për interesa personale a grupore.

Ata që na njohin, u themi që do të fuqizojmë partneritetin. Ata që hezitojnë të na njohin u themi që do të punojmë ta marrim njohjen tuaj.

Ata që synojnë ta na ndajnë e mohojnë, u them që Kosova ka një kryeministër të ri dhe që ajo kohë ka mbaruar. Ne synojmë bashkërisht anëtarësimin në BE dhe NATO, e kultivim të aleancës me Shtetet e Bashkuara të Amerikës.

Nga sot do të flasim më pak e do të punojmë shumë më shumë.

1...343536...60Faqja 35 nga 60
Are Web developer / Veton Rexhepi

EDHE MË SHUMË LAJME

KATEGORI E POPULLARIZUAR

©